Kursopphald for blinde og svaksynte
Dersom du er blind eller svaksynt, kan du få dekt utgifter til kursopphald ved tre ulike kursstader. Helfo dekkjer òg utgiftene til nødvendig følgjeperson.
Illustrasjon: Morten Rakke / Helfo
Kor kan du delta på slike kursopphald?
Helfo dekkjer utgifter til opphald ved desse kursstadene:
- Evenes syn- og mestringssenter, Bogen (Ofoten) i Nordland
- Hurdal syn- og mestringssenter, Hurdal i Akershus
- Solvik syn- og mestringssenter, Askøy i Hordaland
Kurssentera blir drivne av Norges Blindeforbund.
Kva kan du/de få dekt?
Du kan få dekt utgifter til opphald på inntil fire veker.
Helfo dekkjer opphald etter desse døgnsatsane:
- Evenes, Hurdalssenteret og Solvik: 2 060 kroner (2025).
Helfo betaler utgiftene dine til sjølve opphaldet – utrekna etter døgnsatsane – direkte til kurssentera. Du slepp dermed å leggje ut for desse utgiftene sjølv.
Du kan få dekt nytt opphald sjølv om Helfo tidlegare har dekt eit opphald for deg og ein eventuell følgjeperson.
Korleis søkjer blinde og svaksynte om rekreasjonsopphald?
Du søker sjølv direkte til kurssenteret du ønsker opphald hos.
Kurssenteret behandlar søknaden og gir deg eventuelt eit tilbod om kursopphald.
Meir informasjon om kursopphalda og kontaktinformasjon til kursstadane.
Du kan få dekka reiseutgifter til syns- og mestringssentera
Helfo dekkjer reiseutgiftene til og frå kurssentera for blinde og svaksynte.
- Frå 1. desember 2022 er det kurssentera som organiserer reisa for den enkelte kursdeltakar. Ta kontakt med kurssenteret dersom du har behov for transport.
Kurssenteret forskotterer reiseutgiftene, og sender krav videre til Helfo.
Ettersending av dokumentasjon
Her finn de informasjon om korleis de ettersender dokumentasjon.
For at Helfo skal behandle søknaden dykkar så raskt som mogleg, må de sende med all dokumentasjon og kvitteringar med ein gong. Dersom de likevel må ettersende dokumentasjon, går de frem på følgjande måte når de har logga dykk inn i Altinn:
- Vel «Tilleggsopplysninger til søknad/fullmakt» frå rullegardinmenyen under «Hva gjelder innsending»/ «Innsendingen gjelder».
- Under «Tilleggsopplysninger» vel de «Etterspurt dokumentasjon».
- Det er svært viktig at de fyller inn referansenummeret til den eksisterende saka dykkar. Då kan vi behandle saka raskere. Referansenummeret kan for eksempel sjå slik ut: «22/0000».