Giftinformasjonen svarer ikkje på førespurnader om forgifting hos dyr. Du må derfor kontakte veterinær for råd og rettleiing ved inntak av ibuprofen.
Teikn på forgifting med ibuprofen
Ikkje vent på at dyret viser teikn på forgifting før du tek kontakt med veterinær. Tidleg behandling er avgjerande for å forhindre livstruande skadar.
Kliniske teikn på forgifting kjem vanlegvis innan 2 til 6 timar. Dette kan vise seg som:
- kvalme
- oppkast
- diaré
Ved alvorleg forgifting kan dyret utvikle nyresvikt.
Giftige mengder
Hundar kan få kliniske teikn på forgifting etter inntak over 25 mg ibuprofen per kg kroppsvekt.
Kattar er spesielt sensitive for ibuprofen fordi dei har nedsett evne til å skilje det ut frå kroppen. Dei kan få kliniske teikn på forgifting etter inntak over 10 mg ibuprofen per kg kroppsvekt.
Kontakt veterinær viss du trur katten eller hunden din har ete giftig mengde ibuprofen. Giftinformasjonen svarer ikkje på førespurnader om forgifting hos dyr.
Behandling når hunden eller katten har ete ibuprofen
Behandling når hunden eller katten har ete ibuprofen
Har hunden eller katten ete ibuprofen kan det vere nødvendig med behandling hos veterinær. Ulike behandlingar kan vere aktuelt, til dømes:
- brekkmiddel (IKKJE SALT!)
- medisinsk kull (gjenteken dosering)
- væskebehandling
- mage-tarm beskyttande medisinar