Kontakt Giftinformasjonen hvis uhellet er ute
22 59 13 00Døgnåpen telefon.
Tromsøpalme (Heracleum tromsoensis) inneheld plantesaft som kan gje kraftig utslett på hud. Kontakt Giftinformasjonen (22 59 13 00) dersom du eller barnet ditt har hatt hudkontakt med tromsøpalme.
Tromsøpalme.
Illustrasjon: Klaus Høyland
Tromsøpalme inneheld plantesaft som kan gje kraftig hudutslett. Utslettet svir, er gjerne raudt og eksemliknande, og væskefylte blemmer kan utvikle seg. I verste fall kan det utvikle seg arr og permanente pigmentforandringar i huda.
Denne typen utslett oppstår i tilfelle der du først får plantesafta på huda, for deretter å vere ute i sollys. Det tar gjerne eitt til tre døgn etter soleksponering før reaksjonen i huda oppstår.
Illustrasjon: Siri Skoglund
Sveip: Manglar både storsveip og småsveip.
Blad: Store blad, finna med spisse, flika småblad.
Stengel: Grov og kantete, innhol. Inntil 5 cm tjukk. Jamt raudfarga nedst på stengel.
Blome: Kvit. Ytre blomar i dei ytre småskjermane har større kronblad utover.
Rot: Ingen spesielle kjenneteikn.
Høgde: To til fem meter høg.
Lukt: Ingen spesiell lukt.
Voksestad: I bjørkeskog og lier, skogkantar, eng, langsmed bekker og på tangvoll, elles i vegkantar og på skrotemark. Vanleg i kyststrøk i Nord-Noreg frå Finnmark til Nordland. Fleire stader i Sør-Noreg også.
Meir informasjon om fototoksiske skjermplanter kan du lese her:
Fototoksiske skjermplanter.
Informasjon om forgiftningar med andre typar skjermplanter kan du lese meir om her: Identifikasjon av giftige skjermplanter i Norge.
Døgnåpen telefon.