Kva skjer med mor i veke 15 til 17?
I denne perioden blir magen ein del større og dei fleste opplever at magen blir synleg for andre. Nokon kjenner rørsler frå *fostereti denne fasen, men for dei fleste vil det ta noko lengre tid.
På grunn av mengda hormon i kroppen, kan du oppleve humørsvingingar.
Det er vanleg at du blir meir tett i nasen enn vanleg, på grunn av hovne slimhinner. Du kan òg merke at du sveittar meir enn vanleg på grunn av auka mengder blod i kroppen. Du blir lettare andpusten enn før fordi hjartet skal dekke oksygenbehovet til to.
Utvikling hos fosteret
Fosteret er no ca. 10 cm langt, og vegar rundt 90 gram, men det kan variere frå graviditet til graviditet.
Fosteret dannar anlegg til mjølketenner tidleg i svangerskapet, og i denne perioden vil utviklinga av dei første permanente tennene kome i gang.
I denne perioden begynner fosteret ofte å suge på fingrane sine. Det bidrar til å utvikle sugerefleksen, som er ei viktig ferdigheit for ernæring etter fødselen.
Fosteret kan bevege seg, men nervesystemet er framleis under utvikling. Derfor er fosteret enno ikkje modent nok til å gjere viljestyrte rørsler.