Koronasertifikáhtta ii-digitála geavaheddjiide

Don sáhtát diŋgot koronasertifikáhta reiven bostii. Don sáhtát maiddái riŋget Helsenorge bagadallanbálvalussii ja oažžut koronasertifikáhta báberčálusin bostii.

Jus dus ii leat vejolašvuohta logget sisa Helsenorgii elektronalaš ID:in. Dahje it máhte geavahit fiehttotelefovnna, PC dahje dihtordulbosa. De sáhtát diŋgot koronasertifikáhta nu ahte dat sáddejuvvo poastta mielde. Don sáhtát maiddái riŋget Helsenorge bagadallanbálvalussii ja oažžut koronasertifikáhta báberčálusin bostii. Fuomáš ahte lea dušše dat gii dárbbaša sertifikáhta gii sáhttá riŋget bivdit veahki.

Daningo ollugat váldet oktavuođa, de liikká ávžžuhit ahte buohkat geat sáhttet, geavahit digitála čovdosa, vai sii geain eai leat eará molssaeavttut sáhttet oažžut veahki. Digitála čovdosis lea maiddái vejolaš čálihit sertifikáhta báberhámis.

Diŋgojupmi poastareive bokte

Dus ferte leat norgga riegádannummar dahje d-nummar vai sáhtát diŋgot koronasertifikáhta poastta bokte. Dát lea áigeguovdil earret eará:

  • Olbmuide geain lea váldeguoddi. Váldeguoddi sáhttá diŋgot dán olbmo ovddas, dainna eaktudemiin ahte Helfo registaris gávdnojit dieđut váldeguoddima birra.
  • Olbmot geat orrot Norggas, muhto geain ii leat álbmotregistrerejuvvon čujuhus.
  • Olbmot geat orrot olgoriikkas, muhto geain ii leat álbmotregistrerejuvvon čujuhus.
  • Olbmot geat ieža eai sáhte riŋget Helfoi ja bivdit oažžut sertifikáhta.

Maid reive ferte sisttisdoallat?

Du reive ferte duođaštit ahte don háliidat dutnje sáddejuvvo koronasertifikáhtta, ja dat ferte sisttisdoallat:

  • Nama, riegádan- dahje d-nummara, orrunčujuhusa, ja čujuhusa gosa háliidat sertifikáhta galget sáddet
  • Kopiija gustovaš legitimašuvnnas (pássa dahje ID-koarta)

Don sáhtát geavahit dáid skoviid deavdit dárbbašlaš dieđuid.

Diŋgot koronasertifikáhta ii-digitála geavaheaddjái (PDF, girjedárogiella)

Gosa dan galggat sáddet?

Sádde reivve ja kopiija legitimašuvnnas deike:

Helfo
Postboks 2415
3104 Tønsberg

Jus dus lea gustovaš koronasertifikáhtta, de dutnje sáddejuvvo dat poastta mielde. Ii leat vejolaš oažžut sáddejuvvot koronasertifikáhta digitála poastakássii. Jus lea mihkkege mii váilu oktavuođaváldimis, de ii sáhte Helfo sáddet koronasertifikáhta.

Dábálaččat sáddejuvvo koronasertifikáhta dutnje 1-2 vahku siste.

Diŋgon telefovnna bokte

  • Dus galgá sadjagasas riegádannummar dahje d-nummar.
  • Riŋge Helsenorge bagadallanbálvalussii (vástidit dárogillii ja eaŋgalasgillii).
    1. Rahpanáigi dii. 08.00 – 15.30, mánnodagas bearjadahkii
    2. Norggas: 23 32 70 00
    3. Olgoriikkas: +47 23 32 70 00

Áššemeannudeaddji bivdá dus riegádan- dahje d-nummara, nama ja álbmotregistrerejuvvon čujuhusa. Jus namma ja čujuhus maid don almmuhat ii doala deaivása dainna mii vuogádagas čájehuvvo leat álbmotregistrerejuvvon čujuhussan, de dađibahábut ii leat vejolaš dutnje sáddet koronasertifikáhta. Dalle fertet váldit oktavuođa álbmotregistariin čielggadit mii du nammii lea registrerejuvvon.

Jus dus lea gustovaš koronasertifikáhtta, de dutnje sáddejuvvo dat poastta mielde. Lea poastajohtolaga duohken man johtilit koronasertifikáhtta joavdá du lusa. Fertet muitit ahte sertifikáhtta gusto 90 beaivvi čálihandáhtona rájes.

Olgoriikkas orrume?

Jus don orut olgoriikkas ja dus lea norgga riegádannummar dahje d-nummar, muhto ii bankID dahje eará dohkkehančoavddus mainna beasat helsenorge.no čujuhussii, de sáhtát geavahit ii-digitála geavaheddjiid čovdosa, nugo lea badjelis čilgejuvvon. Dat eaktuda ahte du olgoriikka čujuhus lea registrerejuvvon álbmotregistaris.

Itgo beasa čujuhussii helsenorge.no?

Jus it beasa čujuhussii helsenorge.no, de sáhtát earáide addit fápmudusa (PDF) čálihit du koronasertifikáhta. Áššemeannudanáigi fápmudusaide lea unnimusat 30 beaivvi. Fuobmá ahte dakkár fápmudusain beassá oaidnit eará dearvvašvuođadieđuid mat leat olámuttos eará digitála dearvvašvuođabálvalusain helsenorge.no čujuhusas.

Sisdoalu lea almmuhan Folkehelseinstituttet , Norsk helsenett

Maŋimusat ođastuvvon 2022 borgemánnu 26, bearjadat