Koronasertifikáhtta olbmuide geain ii leat riegádannummar dahje d-nummar

Lea ráhkaduvvon čoavddus addit koronasertifikáhta negatiivva iskosa ja boahkuheami vuođul sidjiide geain ii leat norgga riegádan- dahje d-nummar.

Iskkus

Čoavddus koronasertifikáhtiii iskosa vuođul olbmuide geain ii leat riegádannummar dahje d-nummar:

  • Fállojuvvo web-applikašuvdna sidjiide geat fállet iskosiid, mii dahká vejolažžan čálihit koronasertifikáhtii báhpárii olbmuide geain lea oktasaš veahkkenummar.
  • Čoavddus lanserejuvvo álggus Dr. Dropin:s Gardermoenis, muhto áiggi mielde lea olámuttos priváhta fitnodagaide mat váldet johtiliskosiid koronasertifikáhtii.
  • Lea vurdojuvvon ahte čoavddus boahtá eanet sajiide dađi mielde go eanet fitnodagat fállagohtet váldit iskosiid.
  • Go eambbosat fállagohtet čovdosa, de juhkkojuvvojit dieđut Dearvvašvuođadirektoráhta neahttasiidduin.
  • Golggotmánu 14. b. rájes sáhttet ássit váldit oktavuođa singuin geat fállet johtiliskosiid ja seammás oažžut koronasertifikáhta čálihuvvon báhpárii. Lea dehálaš váldit pássa mielde.

Boahkuheapmi

Koronasertifikáhta čoavddus boahkuheami vuođul olbmuide geain ii leat riegádannummar dahje d-nummar, dahká vejolažžan maŋŋelregistreret koronaboahkuid maid leat ožžon Norggas. Maŋŋágo boahkut maid leat ožžon lea registrerejuvvon min vuogádahkii, sáhttá Helfo veahkehit du čálihit koronasertifikáhta báhpárii.

Fuomáš ahte dát čoavddus ii vel sáhte čálihit koronasertifikáhta sidjiide geain lea leamaš koronadávda ja geat leat ožžon ovtta boahkutdosa Norggas. Geahča Fhi.no, doppe leat eanet dieđut.

Makkár sisdoallu ferte reivves leat?

Geavat skovi mii lea dás vuolábealde jus háliidat diŋgot koronasertifikáhta, muhto dus ii leat d-nummar dahje norgga riegádannummar.

Muitte bidjat mielddusin

  • Kopiija gustovaš legitimašuvnnas (pássa dahje nationála ID-koarta)
  • Kopiija boahkutduođaštusas
    • Boahkutduođaštus ferte leat steampalaston ja vuolláičállon boahkuhanguovddážis/gielddas gos boahkuhuvvojit ja das ferte leat du namma, du riegádandáhton, boahkuhandáhton, boahkuttiipa ja batchnummar.
    • Jus dus ii leat boahkutduođaštus olámuttos, fertet váldit oktavuođa boahkuhanguovddážiin/gielddain gos boahkuhuvvojit oažžun dihte ođđa duođaštusa.

Diŋgot koronasertifikáhta olbmuide geain ii leat norgga riegádan- dahje d-nummar (PDF, girjedárogiella).

Gosa dan galggat sáddet?

Sádde reivve ja kopiija gustovaš legitimašuvnnas ja boahkutduođaštusa deike:

Helfo
Postboks 2415
3104 Tønsberg

Jus lea juoga mii váilo reivves, de eat sáhte maŋŋelregistreret du boahkuid. Mii deattuhat ahte leat dušše sii geat leat boahkuhuvvon Norggas ja ii leat riegádannummar dahje d-nummar geat sáhttet geavahit dán čovdosa.

Mii ávžžuhat ahte válddát oktavuođa buori áiggis ovdal dárbbašat sertifikáhta, go meannudanáigi sáhttá ádjánit nu guhká go 2 vahkku dan rájes go mii leat ožžon du bivdaga. Dát lea čatnon personsuodjalusnjuolggadusaide ja duođaštusdárkkistan gáibádusaide.

Dárbu čálihit iežat koronasertifikáhta ođđasit

Fertet ieš leat áicil ahte gustovašvuohta lea 90 beaivvi dan rájes go dat čálihuvvui. Jus dárbbašat ahte čálihuvvo ođđasit, de it dárbbaš bidjat mielddusin earágo gustovaš legitimašuvnna ja reive mas čuožžu ahte háliidat ahte čálihuvvo ođđasit báhpárii.

Go oaččut vuosttaš koronasertifikáhta, de oaččut maid oktasaš veahkkenummara (ID-nummara). Go lea dárbu ođđasit čálihit sertifikáhta, de mii bivdit du addit dieđu dán ID-nummara birra.