Guđet doaibmabijut gustojit doppe gos don orut?

Eiseválddit árvvoštallet čađat guđet doaibmabijut fertejit álggahuvvot dusten dihte koronadilálašvuođa Norggas. Báikkiin gos njoammun leavvá, leat garraset njuolggadusat go muđui.

Nål på et kart

Mostphotos / Gunnar3000

Báikkálaš njoammunleavvamiid hálddaša suohkan báikkálaččat, FHI doarjagiin jus dárbbašlaš. Suohkan sáhttá čađahit doaibmabijuid mat leat dárbbašlaččat dasa ahte bissehit njoammuma dihto guovllus. Dat sáhttá dagahit ahte báikkálaš ja našuvnnalaš njuolggadusat eai leat ovttaláganat.

Jus háliidat dieđuid iežat suohkana dilálašvuođaid birra, geahča de guoskevaš suohkana neahttasiidduid.

Jus du suohkanis eai leat báikkálaš doaibmabijut, de gustojit našuvnnalaš doaibmabijut. Daid birra logat dáppe helsenorge.no siidduin.

Avžžuhuvvon doaibmabijut suohkaniin gos lea olu njoammun

Báikkálaš njoammunleavvamiid oktavuođas galgá suohkan árvvoštallat čavget našuvnnalaš doaibmabijuid ja vejolaččat čađahit sierra doaibmabijuid. Čuovvovaš doaibmabijut berrejit árvvoštallojuvvot:

  • Kontávttaid/oktavuođaid lohku vahkku mielde ii berre leat badjel 10 olbmo sosiála oktavuođain, lassin bearašlahtuide ja mánáidgárde- ja lohkkákohorttaide.
  • Geatnegasvuohta atnit njálbmeskuohpu báikkálaš almmolaš sáhtuin.
  • Geatnegasvuohta atnit njálbmeskuohpu siste almmolaš báikkiin, gos ii sáhte doallat mehtera gaskka, omd. gávppiin ja gávpeguovddážiin.
  • Geatnegasvuohta atnit njálbmeskuohpu siste guossohanbáikkiin, sihke guossit ja bargit, álo go ii čohkká beavdeguoras.
  • Gielddus luoitit olbmuid sisa olgobáikkiide maŋŋel dii 22.00.
  • Gielddus čohkket eambbo go 20 oasseváldi doaluide siste gos eai leat gitta stuolut.
  • Ruovttukantuvra-gáibádus bargiide geat sáhttet bargat bargguset nu ahte eai dárbbaš leat bargosajis, muhtin beivviid dahje olles bargovahkkuid.
  • Berre ávžžuhuvvot lágidit digitála gáiddusoahpahusa studeanttaide jus fal dat lea čađahahtti.

Suohkanat sáhttet dasa lassin čađahit eambbo doaibmabijuid dárbbu mielde.