Helsenorge giellapolicy

Maid giellapolicy fátmmasta

​Dát giellapolicy guoská buot čálalaš gulahallamii geavaheddjiiguin ja fátmmasta:

  • visot helsenorge.no sisdoalu
  • visot helsenorge.no skoviid
  • Sosiála mediaid čadnon helsenorge.no:i

Giellapolicy fátmmasta teavsttaid girjedárogillii, ođđadárogillii ja jorgalemiid sámegillii ja vierisgielaide. Dát ii gusto čielgagiela (klarspråk). geavaheapmái.

Ođđadárogiella

Lov om målbruk i offentlig tjeneste (mållova) nanne ahte girjedárogiella ja ođđadárogiella leaba ovttadássásaš čállinhámit ja ovttadássásaš čállingielat Norggas.

Mållovena mielde eai galgga guovddáš stáhtaorgánat, mii mearkkaša dat geain lea olles riikka bálvalusbiire, vealahit gielaid, muhto lonohallat gielaid gaskka. Buot čálalaš teavsttain álbmoga várás maid guovddáš stáhtaorgánat ráhkadit ii galgga goabbáge giellahápmi leat ovddastuvvon unnit go 25 proseantta, ii báhpiriin iige neahtas. Skovit galget leat goappašat čállinhámis. Stáhtaorgánat galget vástidit buot oktavuođaváldimiid priváhta olbmuin dan čállinhámis mii oktavuođaváldimis geavahuvvo.

Helsenorge sisdoallostrategiija mielde lea sisdoalloeaiggáda ovddasvástádus buktit teavsttaid ođđadárogillii.

Galget čađahuvvot čuovvovaš doaimmat lasihit helsenorge.no ođđadárogieloasi:

  • Helsenorge-redakšuvdna galgá dahkat báikkálaš redaktevrraid dihtomielalažžan ahte sii leat geatnegahtton čuovvot mållovena iežaset rolla bokte.
  • Helsenorge.no skovit leat fidnemis sihke girjedárogillii ja ođđadárogillii.
  • Helsenorge-redakšuvdna galgá čuovvut álkis rutiinnaid geavahit ođđadárogiela sosiála mediain.
  • Mii galgat jotkkolaččat bargat deavdit gáibádusa ahte galgá leat unnimusat 25 proseantta ođđadárogiella helsenorge.no:s.

Dasa lassin galget iešhálddašančovdosat mat gáibidit sisaloggema ja dainna lágiin eanet áddejuvvojit persovnnalaš siidduin go diehtojuohkinsiiddut, šaddat olámuddui goappašat čállinhámis. Dán proseassas leat olu oasálaččat searvvis ja gáibiduvvo veahá teknihkalaš ovdánahttin ja danne lea dat eanet guhkes áiggi mihttomearri mii lea sorjavaš ruhtadeamis.

Sámegiella

Sámeláhka deattuha ahte dárogiella ja sámegiella leaba dásseárvosaš gielat Norggas. Gielddain mat gullet sámi hálddašanguvlui lea sámi álbmogis gielalaš vuoigatvuođat go deaivvadit almmolaš orgánaiguin. Skovit galget leat sihke dárogillii ja sámegillii.

Stáhta gulahallanpolitihkapolitikka (maid Ođasmahttin- ja hálddašandepartemeanta lea mearridan golggotmánu 16. beaivvi 2009) galget stáhta ásahusat vuhtiiváldit sámegiela geavaheddjiid sihkkarastin dihte buori gulahallama sámegielat ássiiguin miehtá riikka.

Dát guoská sámegiela geavaheapmái helsenorge.no:s:

  • Helsenorge.no:s atnit mii davvisámegiela. Dain golbma almmolaš sámegielain Norggas (davvisámegiella, julevsámegiella ja lullisámegiella) lea davvisámegiella stuorámus ja lea sullii 90 proseantta sámegielat álbmogis geat atnet dan. Davvisámegiella lea maiddái joavdan guhkimussii čállingiela ovdánemiin.
  • Mii galgat fuolahit ahte gávdno bálvalus sámegillii mas lea buorre kvalitehta helsenorge.no:s.
  • Dárbu jorgalit sámegillii ovddos guvlui galgá kártejuvvot sáhkalaga min ovttasbargoguimmiiguin.

Jorgaleamit eaŋgalasgillii ja eará vierisgielaide

Vuoruhuvvon vierisgiella helsenorge.no:s lea eaŋgalasgiella. Dat gullá oktii Stáhta gullahallanpolitihkain, mas čuožžu joksan dihte sisafárrejeaddjiálbmoga sttáha dieđuiguin, galgá iešguhtet doaimmahus ieš árvvoštallat lea go doarvái jorgalit eaŋgalasgillii, vai lea go dasa lassin dárbu jorgalit eará vierisgielaide.

Helsenorge.no sisdoallu galgá gokčat dárbbu dieđuide dearvvašvuođavuoigatvuođaid birra olbmuide geain ii leat dahje lea unnán dárogielmáhttu. Leat vuosttažettiin dearvvašvuođadieđut mat gusket earenoamážit Norgii, mat galget gávdnot eaŋgalasgillii. Dasa lassin galgat mii addit ođasmahtton dieđuid helsenorge.no bálvalusaid birra.

Mii bidjat čuovvovaš mihttomeriid buoridit gulahallama eaŋgalasgillii:

  • Dieđut dearvvašvuođadoaimma ja dearvvašvuođavuoigatvuođaid birra galget leat fidnemis maiddái eaŋgalasgillii.
  • Dieđut helsenorge.no digitála bálvalusaid birra galget leat fidnemis eaŋgalasgillii.
  • Dát eanemusat geavahuvvon skovit Helsenorge.no :s galget leat fidnemis eaŋgalasgillii.
  • Dárbu jorgalit eaŋgalasgillii ovddos guvlui galgá kártejuvvot geavaheaddjiiskkademiiguin ja sáhkalaga min ovttasbarg  oguimmiiguin.

Dasa lassin galget dieđut helsenorge.no digitála bálvalusaid birra leat fidnemis eaŋgalasgillii. Dán proseassas leat olu oasálaččat searvvis ja gáibiduvvo veahá teknihkalaš ovdánahttin ja danne lea dat eanet guhkes áiggi mihttomearri mii lea sorjavaš ruhtadeamis.

Jorgaleamit eará vierisgielaide galget árvvoštallot jotkkolaččat siskkáldasat Helsenorge-redakšuvnnas ja digaštallot min ovttasbargoguimmiiguin. Earenomáš dáhpáhusain berre jorgalit sisdoalu olu vierisgielaide (ovda mearkka dihte go leat duođalaš dáhpáhusat dego koronavirus voi ebolalabohcciideapmi).