Se pasientjournalen din fra Helse Sør-Øst
Har du vært til behandling ved sykehus, har du en pasientjournal derfra som inneholder dokumenter om behandlingen din.
Mii lea pasieantajournála?
Pasieantajournálas galget earret eará leat dieđut diagnosa, buozalmasvuođaovdáneami, divššu ja iskkusvástádusaid birra, ja dieđuid birra mat leat addon dutnje ja eará áššit main sáhttá leat mearkkašupmi dikšui dahje vejolaš divššut mat maŋit áiggis galget addot.
Du riekti lohkat
Dus lea riekti lohkat iežat journála, ja jus háliidat, de sáhttet dutnje maiddái čilgejuvvot sánit ja dajahusat maid lea váttis áddet. Dus lea maiddái riekti diehtit geat besset oaidnit du journála, ja geaidda leat addon dieđut das.Pasieantajournála digitála lohkan
Pasieanttaide badjel 16 jagi ja sidjiide geain lea váhnenovddasvástádus mánáide vuollel 12 jagi fállo digitála lohkanlohpi pasieantajournálii. Mánáide gaskal 12 ja 16 jagi ii fállojuvvo digitála lohkanlohpi pasieantajournálii dál. Buot dearvvašvuođaregiovnnat eai fála digitála lohkanlobi mánáid pasieantajournálaide.
Justa dál lea digitála lohkanlohpi Helsenorge bokte olámuttos dearvvašvuođaregiovnnain Oarjji Dearvvašvuođas, Davvi Dearvvašvuođas ja Lulli-Nuorta Dearvvašvuođas. Jus háliidat oaidnit dokumeanttaid eará dearvvašvuođaregiovnnain dahje buohcciviesuin, fertet váldit oktavuođa dikšobáikkiin ja bivdit oažžut lohkanlob.
Miehtan
Jus áiggut lohkanlobi pasieantajournálii fertet miehtat beassandássái Basis+ dahje alit.
Dokumeanttat mat eai leat digitála hámis Helsenorges
Vaikke vel pasieantajournála muđui lea olámuttos helsenorge.no bokte, leat muhttin dokumeanttat mat eai sáhte digitálalaččat čájehuvvot. Jus háliidat dakkár dokumeanttaid oaidnit, dahje háliidat oažžut dokumeanttaid bábir- dahje CD-hámis, fertet váldit oktavuođa dikšobáikkiin.
Álgovurolaččat lea nuvttá čálihit ja sáddet dokumeanttaid, muhto sáhtát šaddat máksit bálvalanmávssu jus bivddát kopiija dokumeanttain maid ovdal jo leat ožžon.
Lohkanlobi biehttaleapmi
Erenoamáš oktavuođain sáhttet dearvvašvuođabargit biehttalit du lohkat olles dahje oasi journálas.
Loga eanet pasieanta- ja geavaheaddjivuoigatvuođalágas § 5-1 (lovdata.no).
Jus it oačču lohkanlobi journálii, de sáhtát váidit ášši Fylkkamánnái. Oza iežat fylkkamánni (fylkesmannen.no).
Earáid lohkanlohpi du pasieantajournálii
Journála dieđuide guoská jávohisvuođageasku, ja dábálaččat dušše sii geat dárbbašit dieđuid journálas relevánta dearvvašvuođaveahki olis, galget beassat oaidnit journála.
Dearvvašvuođabargit, geat fertejit oaidnit pasieantajournála addin dihtii dutnje dorvvolaš divššu, ovdamearkka dihtii boahtte háve go čálihuvvot buohccivissui, besset maiddái oaidnit journála jus don it vuosttal. Jus vuosttaldat lohkanlobi, de ferte árvvoštallat lea go dorvvolaš addit dutnje dearvvašvuođaveahki dearvvašvuođadieđuid haga.
Du lagamus oapmahaččat galget beassat oaidnit du pasieantajournála jus mieđat dasa dahje dilálašvuohta gáibida dan, ovdamearkka dihtii jus leat dieđuheapme. Vuollil 16-jahkásaš mánáid váhnemiin lea dábálaččat riekti oaidnit máná journála, muhto dása leat spiehkastagat.
Lagamus oapmahaččas lea riekti lohkat jápmán pasieantta journála, nu guhká go dasa eai leat erenoamáš vuosteákkat.
Dáppe gávnnat eanet dieđuid earáid lohkanlobi birra mii guoská du pasieantajournálii.
Sáhtát bivdit ahte boasttuvuođat dieđuin divvojuvvojit dahje sihkkojuvvojit
Jus oaivvildat ahte journálas leat boasttudieđut dahje váilevaš dieđut, de sáhtát bivdit dikšunbáikki divvut dahje sihkkut dieđuid.
Sáhtát váidit ášši Fylkkamánnái jus du sávaldat divvut dahje sihkkut ii doahttaluvvo. Oza iežat fylkkamánni (fylkesmannen.no).
Geahča eanet dieđuid pasieanta- ja geavaheaddjivuoigatvuođalágas § 5-2 pasieantajournála dieđuid divvuma ja sihkkuma eavttuid birra (lovdata.no).