Vuoigatvuohta válljet gosa čujuhus galgá sáddejuvvot
Dus lea vuoigatvuohta válljet gosa galggat čujuhuvvot.
Dattege ferte čujuhus sáddejuvvot dikšunbáikái mas lea vuoigatvuohta juohkit pasieanta- ja geavaheaddjivuoigatvuođaid. Dat mearkkaša ahte dus lea vuoigatvuohta árvvoštallat leago dus vuoigatvuohta erenoamášdearvvašvuođabálvalusa čielggadeapmái ja/dahje dikšumii. Buot almmolaš ja muhtun priváhta dikšunbáikkiin lea vuoigatvuohta árvvoštallat dan.
Loga eambbo movt gávnnat dikšunbáikkiid main lea vuoigatvuohta árvvoštallat čujuhusa.
Dat gii čujuha du sáhttá sáddet čujuhusa njuolga dikšunbáikái, dahje addit dutnje čujuhusa nu ahte ieš sáhtát dan sáddet. Dábálaččat lea fástadoavttir gii čállá čujuhusa, muhto maiddái earát nugo ovdamearkka dihte psykologat, manuálaterapevttat dahje kiropráktorat sáhttet čujuhit iežaset fágasuorggi siskkobealde.
Vuoigatvuohta válljet gos galggat divššu oažžut
Dikšunbáiki mii oažžu du čujuhusa galgá 10 beaivvi sisa árvvoštallat leago dus vuoigatvuohta dárbbašlaš dearvvašvuođaveahkkái juogo čielggadeami dahje dikšuma dáfus erenoamášdearvvašvuođabálvalusas. Don oaččut reivve dikšunbáikkis mas lea diehtu leago dus vuoigatvuohta dárbbašlaš dearvvašvuođaveahkkái vai ii.
Jus leat ožžon reivve leago dus vuoigatvuohta erenoamášdearvvašvuođabálvalusa čielggadeapmái dahje dikšumii, de sáhtát válljet dikšunbáikkiid gaskkas maid gávnnat Vállje dikšunsaji.
Sáhtát válljet gaskkal almmolaš dikšunbáikkiid ja priváhta dikšunbáikkiid main lea šiehtadus regionála dearvvašvuođaásahusain.
Loga eambbo priváhta dikšunbáikkiid šiehtadusa ja dohkkeheami birra.
Dikšunbáikki molsungo leat vuordinlisttus
Sáhtát molsut dikšunbáikki go leat vuordinlisttus. De válddát oktavuođa báikkiin gos leat vuordinlisttus ja bivddát čujuhusa ja árvvoštallama sáddejuvvot dan dikšunbáikái maid don dáhtut.
Spiehkasteapmi vállje dikšunbáikki vuoigatvuođas
It sáhte válljet dikšunbáikki fáhkkáveahkkái. Du dearvvašvuođadilálašvuohta sáhttá maiddái mearkkašupmi dasa makkár dikšunbáikki sáhtát válljet. Muhtun dikšunbáikkit eai sáhte ovdamearkka dihte váldit pasieanttaid geat seamma áiggis ožžot divššu máŋgga diagnosaide.
Don it sáhte válljet dikšunbáikki eambbo spesialiserejuvvon dikšui go dan mii dutnje lea fállojuvvon.
Dihto spiehkasteamit dikšunbáikki válljenvuoigatvuhtii gustojit maiddai jus
- leat bákkolaš áicamis dahje bákkolaš psyhkalaš dearvvašvuođasuodjalusas
- ii eaktodáhtolaččat leat sisačálihuvvon ásahussii gárihuhttinmirkkuid geažil
- leat dálkkasveahki veajuiduhttimis (LAR)
Goas sáhtát váidit?
Sáhtát váidit jus oaivvildat ahte riekti válljet dikšunbáikki ii leat ollašuhtton, jus ovdamearkka dihte
- oaččut biehttaleami dan sivasgo orut dikšunbáikki sisaváldinguovllu olggobealde
- oaččut biehttaleami universitehtabuohcceviesus, vaikko sii fállet báikkálaš buohcciviesu bálvalusaid mat gokčet du dárbbuid
