Go leat čujuhuvvon buohccevissui árvvoštallet sii lea go dus riekti oažžut guorahallama dahje divššu spesialistadearvvašvuođabálvalusas.
Čujuhusa ferte sáddet dikšunbáikái mas lea lohpi árvvoštallat lea go dus vuoigatvuohta dearvvašvuođaveahkkái. Buot almmolaš buohcceviesuin lea dábálaččat dakkár lohpi. Muhtun priváhta dikšunbáikkiin lea maiddái dakkár lohpi. Sáddejumi vástádusa vuođđun lea spesialistta medisiinnalaš árvvoštallan.
Go don oainnát dikšuma/dálkkodeami vuordináiggiid sáhtát don sirret listtu dikšunbáikkiide mat fállet vuoigatvuođaárvvoštallama.
Čájeheapmi "Vuoigatvuođaárvvoštallan" sirremiin.
Illustrašuvdna: Helsedirektoratet
Jus don deaddilat dikšunbáikki listtus mas ii leat lohpi árvvoštallat vuoigatvuođa, de oainnát don ahte du čujuhus álggos ferte sáddejuvvot eará buohccevissui.
Dán ovdamearkkas ferte eará buohcceviessu árvvoštallat čujuhusa.
Illustrašuvdna: Helsedirektoratet
Jus dikšunbáiki ii sáhte vuoigatvuođaárvvoštallát čujuhusa mearkkaša dat ahte eará dikšunbáiki mii sáhttá juolludit rievtti dárbbašlaš dearvvašvuođaveahkkái vuos ferte árvvoštallat čujuhusa.
Don sáhtát ieš válljet gosa du čujuhus galget sáddejuvvot oažžut vuoigatvuođaárvvoštallama, ja don oainnát guđiin báikkiin lea lohpi addit rievtti dearvvašvuođaveahkkái go russet sirrema listtus nugo čájehuvvo bajábealde. Go leat ožžon rievtti dearvvašvuođaveahkkái, de sáhtát válljet buot dikšunbáikkiid gaskkas.
Jus leat ožžon reivve dan birra ahte don leat ožžon rievtti dárbbašlaš dearvvašvuođaveahkkái spesialistadearvvašvuođabálvalusas, de sáhtát válljet vaikko guđe dikšunbáikki bajilgovas Vállje dikšunbáikki.
Ná barggat go galggat válljet dahje lonuhit dikšunbáikki.
Jus leat ožžon reivve das ahte dus ii leat riekti dearvvašvuođaveahkkái, de sáhtát oažžut iežat dearvvašvuođadili árvvoštallojuvvot ođđasit eará dikšunbáikkis. Váldde oktavuođa iežat fástadoaktáriin, gii sáhttá sáddet ođđa sáddejumi. Don sáhtát ieš válljet gosa dan galgá sáddet.
Røntgeniskkadeami ja eará govvadiagnostihka oktavuođas ii leat áigeguovdil árvvoštallat leago riekti oažžut dearvvašvuođaveahki, danne go lea ain sus gii rekvirere iskkadeami geas lea dikšunovddasvástádus. Du dikšu sádde rekvisišuvnna, ja dikšunbáiki dahká iskkadeami almmá árvvoštalakeahttá rievtti dahje attekeahttá áigemeari.
Eambbo rievtti birra oažžut dearvvašvuođaveahki
Veajuidahttimii ja ođđasitveajuidahttimii leat sierra ovttadagat regionála dearvvašvuođafitnodagain mat galget árvvoštallat čujuhusaid priváhta veajuidahttinásahusaide. Jus don háliidat iežat priváhta dikšunbáikái, galgá du dikšu sáddet čujuhusa árvvoštallanovttadahkii du regiovnnas. Don sáhtát válljet sáddet čujuhusa eará regionála árvvoštallanovttadahkii go doppe gos don orut. Geahča regionála árvvoštallanovttadagaid bajilgova:
Jorttamovrra/fástadoaktára ovddasvástádus dat lea ohcat riegádahttinbáikki. Fástadoavttir dahje jorttamovra ohcá riegádahttinbáikki dan riegádahttinásahussii gos áhpehis nisu háliida riegádahttit. Don sáhtát maiddái ieš ohcat riegádahttinbáikki, erenoamážit jus háliidit bárdnat litnaovttadagas nugo ABC/Storkenis, dahje jus háliidat riegádahttit buohcceviesus gos leat olu bárdnamat ja danne fertet ohcat árrat, nugo OUS Rikshospitalet. Jus áiggut ohcat riegádahttinbáikki, de sáhtát sáddet ohcamuša njuolga sávvojuvvon riegádahttinbáikái.
Jorttamovra ja fástadoavttir veahkehit du válljet dan buoremus riegádahttinbáikki dutnje. Riegádahttinlanjain, riegádahttinossodagain ja nissonklinihkain lea iešguđetlágan fálaldat.
Illustrašuvdna: Johnér Bildbyrå AB
Sisdoalu lea almmuhan Helsedirektoratet
Maŋimusat ođastuvvon 2021 juovlamánnu 7, maŋŋebárga