Waa maxay macnaha wadaagga macluumaadka caafimaadka?
Wadaagista macluumaadka caafimaadka waxay ka dhigan tahay in macluumaadka muhiimka ah ee ku saabsan caafimaadkaaga ay heli karaan xirfadlayaasha daryeelka caafimaadka kuwaas oo u baahan inay ku siiyaan daryeel caafimaad oo ammaan ah oona wanaagsan. Tusaale ahaan, tani waxay noqon kartaa macluumaadka ku saabsan xasaasiyaddaha, daawooyinka aad qaadanayso, natiijooyinka baaritaanka, taariikhda caafimaadka ama diiwaannada caafimaadka ee laga helo isbitaallada. Ujeeddadu waa in la hubiyo in macluumaadka saxda ah ay heli karaan xirfadlayaasha daryeelka caafimaadka ee u baahan, ayna helaan waqtiga saxda ah, meel kasta oo lagaa daweeyo.
Waxay ku siin kartaa daryeel caafimaad oo wanaagsan
Marka takhaatiir, kalkaaliyayaal ama xirfadlayaasha kale ee daryeelka caafimaadka ay qaab dijitaal ah u helaan macluumaadka caafimaadka muhiimka ah ee adiga kugu saabsan, waxay ku siin karaan dabagal iyo daawayn wanaagsan.
Markay dhacdo xaalado degdega ah, tusaale ahaan gudaha isbitaalada, si degdega ah u helida macluumaadka adiga kugu saabsan ayaa muhiim ah.
Marka macluumaadkaaga caafimaad si dhijitaal ah loo heli karo, uma baahnid inaad ku celiso taariikhdaada caafimaad mar kasta oo aad la kulanto xirfadle daryeel caafimaad oo cusub. Tani waxay gacan ka geysan kartaa dabagal badbaado leh oo dhammaystiran, gaar ahaan haddii aad uga baahan tahay daryeel caafimaad qaybaha kala duwan ee adeegga caafimaadka.
Kaliya kuwa diiwaangelin kara baahida waa inay akhriyaan macluumaadka
Kaliya xirfadlayaasha daryeelka caafimaadka ee diiwaangelin kara baahida ayaa loo oggol yahay inay akhriyaan macluumaadka adiga kugu saabsan. Diiwaangelinta baahida macneheedu waa in la diiwaangeliyo cidda ay yihiin, halka ay ka shaqeeyaan, taariikhda iyo sababta ay ugu baahan yihiin inay arkaan macluumaadkaaga. Waxay hubin karaan macluumaadkaaga ka hor ballanta si ay isugu diyaariyaan, inta lagu jiro ballanta si ay kuu siiyaan caawimaadda saxda ah, ka dibna ay diiwaangeliyaan daaweyntaada.
Xirfadlayaasha daryeelka caafimaadku waxa leeyihiin waajibaadka inay qariyaan xogta. Waa inay si ammaan ah u galaan. Marka xirfadlayaasha daryeelka caafimaadku ay akhriyaan macluumaadka adiga kugu saabsan, tani waa qorantahay waxaadna arki kartaa cidda aragtay macluumaadka. Waxaad ka heli kartaa diiwaanka Helsenorge cida aragtay macluumaadkaaga
Waxaad xaddidi kartaa cidda heli karta macluumaadkaaga caafimaad
Waxaad xaq u leedahay inaad go'aansato sirta xogtaada. Helsenorge, waxaad ka dooran kartaa sida xirfadlayaasha daryeelka caafimaadku uga helaan macluumaadkaaga caafimaadka xarumaha daawaynta oo dhan. Macluumaadka diiwaanka bukaanka dhakhtarkaaga gaarka ah laguma wadaagin xalkan.
Helsenorge waxaad ka:
- Arki kartaa macluumaadka caafimaad ee adiga lagaa qoray.
- Arki kartaa diiwaanka qof kasta oo arkay xogtaada.
- Joojin kartaa xirfadlayaasha daryeelka caafimaadka ee magacaaban inay helaan macluumaadkaaga caafimaad. Xannibadu had iyo jeer way shaqayn doontaa, sidoo kale xaaladaha degdegga ah.
- Xidhi kartaa dhammaan macluumaadka caafimaadkaga, si xirfadlayaasha daryeelka caafimaadku aanay u arkin.
- Iska ilaalin kartaa inaad haysato Joornaal Muhiim ah. Dhammaan macluumaadka adiga kugu saabsan waa la tirtiri doonaa, oo maclumaad cusub oo adiga kugu saabsan laguma kaydin doono joornaalka ugu muhiimsan mustaqbalka.
Haddii aad ogaato macluumaad adiga kugu saabsan oo khaldan, waxaad waydiisan kartaa xarunta habaynta xogta diiwaan galisay inay badasho ama tirtirto.
Halkan ka gal si aad u dejiso setinka sirnimadaada.
Helida macluumaadka caafimaadka way kala duwanaan kartaa
Wadaagista macluumaadka caafimaadka ayaa si tartiib tartiib ah loogu soo bandhigayaa adeegga caafimaadka. Isbitaallada, dhakhaatiirta gaarka ah, iyo adeegyada caafimaadka maxalliga ah ayaa ku socda isbeddelkan iyagoo ku socda xawaare kala duwan. Xogta ay xirfadlayaasha daryeelka caafimaadku kaa arki karaan waxay ku xiran tahay meesha lagugu daweynayo iyo cidda ku daweynaysa
Haddii aad Helsenorge ka hesho macluumaad yar ama aadan ka helin wax macluumaad ah oo adiga kugu saabsan, waxaa laga yaabaa inay tahay inaadan lahayn taariikh caafimaad ama maadaama aad la wadaagayso macluumaad caafimaad maysan bilaabin halka aad ka heli karto daryeelka caafimaadka.
Haddii aad wax su'aalo ah qabtid, fadlan kala xiriir Veiledning Helsenorge lambarka 23 32 70 00. Adeegga la-talinta wuxuu furan yahay maalmaha shaqada laga bilaabo 08:00-15:30.