حکام صحت کی کرونا وائرس معلوماتی فون لائن

معلوماتی فون لائن ایک ملک گیر امدادی فون سروس ہے جو کرونا وائرس کے متعلق سوالات کا جواب دیتی ہے۔ فون کرنے کے اوقات – ہفتہ و اتوار کو نکال کر – ہفتے کے عام دنوں میں صبح 08.00 بجے سے سہ پہر 3.30 بجے ہیں۔

فون نمبر 815 55 015 ہے۔

معلوماتی فون لائن پر صلاح کار ان زبانوں میں جواب دیتے ہیں: نارویجن، انگلش، عربی، صومالی، پولش اور اردو۔ تمام زبانوں کے لیے ایک ہی نمبر ہے یعنی 815 55 015، اور اس کے بعد آپ ایک اور ہندسہ ڈائل کر کے اپنی مطلوبہ زبان چن سکتے ہیں۔ اگر آپ ناروے کے باہر سے فون کر رہے ہوں تو +47 21 89 80 42 پر کال کریں۔

آپ کی زبان کے لیے ہندسہ یہ ہے:

عربی: زبانوں کے مینو کے لیے پہلے ہندسہ 9 ڈائل کریں، پھر عربی چننے کے لیے 4 ڈائل کریں

انگلش: زبانوں کے مینو کے لیے پہلے ہندسہ 9 ڈائل کریں، پھر انگلش چننے کے لیے 2 ڈائل کریں

پولش: زبانوں کے مینو کے لیے پہلے ہندسہ 9 ڈائل کریں، پھر پولش چننے کے لیے 3 ڈائل کریں

صومالی: زبانوں کے مینو کے لیے پہلے ہندسہ 9 ڈائل کریں، پھر صومالی چننے کے لیے 5 ڈائل کریں

اردو: زبانوں کے مینو کے لیے پہلے ہندسہ 9 ڈائل کریں، پھر اردو چننے کے لیے 6 ڈائل کریں

 معلوماتی فون لائن کے صلاح کار اصولوں، ہدایات اور مشوروں کے بارے میں سوالوں کا جواب دے سکتے ہیں اور کرونا وائرس کے متعلق عمومی معلومات دے سکتے ہیں۔

صلاح کار آپ کا فون نمبر دیکھ سکتے ہیں لیکن آپ کو یہ بتانے کی ضرورت نہیں کہ آپ کون ہیں۔

اگر آپ ایسے حالات کے بارے میں حسّاس معلومات دیں جنہیں آگے رپورٹ کیا جانا چاہیے تو آپ چن سکتے ہیں کہ آیا آپ اپنا نام یا رابطے کی تفصیلات بتانا چاہیں گے۔

اگر آپ بیمار ہوں اور آپ کو صحت کے لیے مدد کی ضرورت ہو تو معلوماتی فون لائن کو کال نہ کریں بلکہ اپنے فیملی ڈاکٹر سے رابطہ کریں۔ اگر آپ کو یا آپ کے کسی عزیز کو فوری طبی مدد کی ضرورت ہو تو 116 117 پر فون کریں۔ زںدگی کو خطرے میں ڈالنے والی بیماری یا حادثے کی صورت میں 113 پر فون کریں۔

آپ کے رہائشی علاقے میں کرونا وائرس کے متعلق معلومات:

اگر آپ کو اپنے رہائشی علاقے کے لیے اصولوں اور مشوروں کے بارے میں سوال پوچھنا ہو تو اپنی بلدیہ سے رابطہ کریں۔ کئی بلدیات کی اپنی معلوماتی فون لائن ہے۔ یہاں آپ کو تمام بلدیات کی ویب سائیٹس کے پتے مل جائیں گے۔

معلوماتی فون لائن روزگار اور ناروے آنے کی اجازت رکھنے والے لوگوں کے بارے میں سوالات کا جواب نہیں دیتی۔ ناروے میں آمد اور کوارنٹین کے اصولوں اور کام کے مقامات پر انفیکشن سے بچاؤ کے بارے میں سوال پوچھنے کے خواہشمند آجر اور ملازمین نارویجن لیبر انسپیکشن اتھارٹی (Arbeidstilsynet) سے رابطہ کر سکتے ہیں۔

.