I enkelte tilfelle kan poliklinikken krevje det vi kallar pasientbetaling, som ikkje tel med i oppteninga til frikort.
Dersom du er innlagd på eit sjukehus, skal du ikkje ut med eigendel eller pasientbetaling.
Eigendel på poliklinikk
Dersom du blir behandla på ein poliklinikk (utan å bli innlagd), må du som regel betale ein eigendel ved
- undersøking, behandling eller kontroll
- røntgen- og ultralydundersøkingar
- nukleærmedisinske biletundersøkingar når du ikkje er innlagd på sjukehus
| Eigendelstakstar på poliklinikk | Sats |
|---|---|
| Undersøking, behandling, kontroll på poliklinikk av spesialist (Taksten gjeld og for telefon- og videokonsultasjonar) | 403 kroner |
| Røntgen, ultralyd eller nukleærmedisinsk undersøking | 287 kroner |
Eigenbetaling/pasientbetaling må du dekke sjølv
Nokre behandlingar må du betale heilt eller delvis sjølv.
Det spelar heller inga rolle om du har frikort eller er friteken frå å betale eigendelar.
| Pasientbetaling/gebyr på sjukehus/poliklinikk | Sats |
| Utgifter til bandasjemateriell/bedøvingsmiddel, maksimalt | 75 kroner |
| Sterilisering av menn | 1268 kroner |
| Sterilisering av kvinner* | 6079 kroner |
| Rituell omskjering av gutebarn | 4000 kroner |
| Kirurgisk innsetting av implantat ved marginal periodontitt | |
| - første implantat | 6500 kroner |
| - per implantat i tillegg | 2550 kroner |
| * Det er pasientbetaling når sterilisering av kvinner skjer utan medisinsk grunn |
Gebyr dersom du ikkje møter opp
Dersom du ikkje kjem til timen du har fått, og du ikkje har gitt beskjed seinast 24 timar i førevegen, må du betala eit gebyr på 1612 kroner.
Gjeld det poliklinisk helsehjelp innan psykiatri eller rusbehandling, skal det ikkje krevjast høgare gebyr enn 403 kroner.
Behandlingsstaden kan ikkje krevje gebyret dersom du ikkje møter til avtalt video- eller telefonkonsultasjon.
Hugs å gi beskjed i god tid dersom du ikkje kan komme.
Frikort for helsetenester
Dersom du har du frikort for helsetenester, skal du ikkje betale eigendel.
Frikort for helsetenester omfattar godkjende eigendelar ved behandling hos lege, psykolog og på poliklinikk, for radiologisk undersøking og behandling, laboratorieprøvar og medisinar og utstyr på blå resept samt for pasientreiser.
Nokre pasientgrupper treng ikkje å betale eigendel. Informasjon om dette finn du i artikkelen «Frikort for helsetjenester».
Forsinka behandling
Om den polikliniske behandlinga vert forseinka med meir enn éin time etter avtala tid, og du som er pasient ikkje har fått melding om dette før oppmøtet, skal du ikkje betale eigendel.
Behandling ved private sjukehus
Staten dekkjer i utgangspunktet ikkje utgifter til behandling ved private behandlingsstader.
Du kan få dekt utgifter til behandling ved private behandlingsstader som har avtale med det offentlege. Her gjeld dei same reglane for utgiftsdekning som for offentlege behandlingsstader.
På Velg behandlingssted finn du ei oversikt over alle behandlingsstadene du kan velje mellom.