Bjørnekjeks kan gi kraftig hudreaksjon

​Kjempebjørnekjeks.

Symptom etter kontakt med kjempebjørnekjeks

​Kjempebjørnekjeks inneheld plantesaft som kan gje kraftig hudutslett. Utslettet svir, er gjerne raudt og eksemliknande, og væskefylte blemmer kan utvikle seg.

I verste fall kan det utvikle seg arr og permanente pigmentforandringar i huda. Denne typen utslett oppstår i tilfelle der du først får plantesafta på huda, for deretter å vere ute i sollys.

Det tar gjerne eitt til tre døgn etter soleksponering før reaksjonen i huda oppstår.

Førstehjelp ved kontakt med kjempebjørnekjeks

  • Vask huda godt med såpe og vatn.
  • Unngå deretter direkte sollys på eksponert hud i minst 2 døgn.
  • Bruk solkrem med høg faktor, eller dekk til det aktuelle hudområdet.
  • Kontakt lege dersom sår utviklar seg.

Beskriving av kjempebjørnekjeks

Kjenneteikn på kjempebjørnekjeks:

Sveip: Manglar både storsveip og småsveip

Blad: Meterlange, fleire gongar kopla eller finna, med spisse flikar

Stengel: Grov og kantete, innhol. Inntil 10 cm tjukk, raudflekka nedst

Blome: Kvit. Planten døyr oftast etter bløminga.

Rot: Ingen spesielle kjenneteikn

Høgde: To til fire meter høg

Lukt: Sterk anislukt

Voksestad: Skogkantar og eng, elles på vegkantar og anna skrotemark. Spreidd på austlandet opp til Lillehammer og i kyst- og fjordstrøk nord til Trøndelag, kanskje til Helgeland/Tromsø. Registrert funn i Finnmark (artsdatabanken).

Meir informasjon om fototoksiske skjermplanter kan du lese her: Fototoksiske skjermplanter.

Appar som identifiserar planter

Det er viktig å hugse at alle kilder til informasjon må brukast med fornuft. Det er alltid lurt å sjekke fleire kilder. Treffsikkerheit varierer og er avhengig av fleire faktorar.

Artsorakel er Artsdatabanken sin app/nettstad og er gratis. Den kan identifisere viltvoksande og ein del forvilla planter i norsk natur.

Generelle tips for bruk av planteappar:

  • Ta gode bilete (fokus).
  • Bruk fleire bilete.
  • Ta bilete av ulike plantedelar (for eksempel blome, stengel, blad).
  • Sett deg inn i korleis appen bør brukast og kva slags avgrensingar den har.

Når du har fått forslag til namn på planta, bør du søke på plantenamnet i ei kjelde til og samanlikne. Ei anna kjelde kan vere ein blomsterflora, nettside du stolar på eller kyndige personar.

Anna informasjon om skjermplanter

The Norwegian Poison Information Centre offers a helpline to provide assistance when needed

22 59 13 00

24-hour telephone line

Innhaldet er levert av The Norwegian Poisons Information Centre

The Norwegian Poisons Information Centre. Kjempebjørnekjeks kan gje kraftig hudreaksjon. [Internett]. Oslo: Helsedirektoratet; oppdatert Friday, August 30, 2024 [henta Friday, October 3, 2025]. Tilgjengeleg frå: https://www.helsenorge.no/en/poison-information/planter-og-bar-a-a/bjornekjeks/

Sist oppdatert Friday, August 30, 2024