I somme tilfelle handlar førespurnadene seg om overdosar av urtebaserte kosttilskot på grunn av misbruk eller i hensikt av å skade seg sjølv.
Det kan vere vanskeleg for Giftinformasjonen å vurdere risikoen for akutt forgifting ved inntak av kosttilskot, spesielt når innhaldet og mengdene angitt er uklare.
Vanskeleg å gi gode behandlingsråd
Det er vanskeleg å vurdere risikoen for akutt forgifting ved inntak av kosttilskot, blant anna fordi:
- urtebaserte kosttilskot kan vere satt saman av mange ulike urter (kan innehalde opptil 20 ulike plantar eller urteekstraktar)
- kvar enkelt plante kan innehalde opp mot 1000 ulike substansar
- innhaldslista kan vere mangelfull og/eller innehalde direkte feil
Kan vi stole på innhaldslista?
Kosttilskot blir ikkje forhåndskontrollert og godkjent slik som legemiddel. Firmaet som marknadsfører kosttilskotet er ansvarleg for at produktet ikkje inneheld giftige eller ulovlege stoff.
Det finst mange døme på at kosttilskot ulovleg har blitt tilsett legemiddel for å gi auka effekt, utan at dette er angitt på pakninga. Kosttilskot kan også vere forureina og ureint. Til dømes er det vist at enkelte kosttilskot har inneheldt helseskadelege tungmetall. I somme tilfelle har plantar blitt forveksla eller bytte ut i produktet.
Samanlagt gjer dette at Giftinformasjonen ikkje alltid kan stole fullstendig på innhaldslista til eit produkt i same grad som ved inntak av legemiddel. Spesielt gjeld dette kosttilskot som er kjøpt i utlandet eller av useriøse aktørar på internett, samt produkt som lovar rask og kraftig effekt.
Naturleg er ikkje det samme som ufarleg
Mange blir overraska når dei får høyre at urtepreparat kan gi forgiftingar på same måte som legemiddel. Mange giftige stoff finst naturleg i naturen. Det at urter er naturlege, betyr ikkje nødvendigvis at dei er ufarlege.
På grunn av forgiftingsfaren er det viktig at kosttilskot blir oppbevart forsvarleg på same måte som legemiddel, slik at barn ikkje får i seg produkta ved uhell.
Giftinformasjonen sine råd til forbrukaren
- Vis sunn skepsis ved kjøp av kosttilskot.
- Ver spesielt kritisk til utanlandske produkt, useriøse aktørar på internett og produkt som lovar rask og kraftig effekt.
- Kosttilskot bør oppbevarast utilgjengeleg for barn.
- Følg angitt dosering.