Fingermåling
Fingermåling til barn er ikkje farleg å smake på. Farge som blir sittande att på fingrar og hud, og som ikkje går bort med vatn, kan slitast bort på naturleg vis og er ikkje farleg.
Krit
Fargekrit, skulekrit og krit til barn er ufarlege. Ved store inntak kan lette, forbigåande symptom frå magen oppstå. Gi gjerne litt drikke.
Vatnfargar til barn
Vatnfargar til bruk av barn er ufarlege å smake på.
Blyant
Blyantar er ufarlege å smake på. Blyantar inneheld ein grafittstift, og inneheld ikkje bly.
Tusj
Å smake litt på ein tusj er ikkje farleg. Ved andre uhell kontakt Giftinformasjonen. Gi barnet litt drikke før du ringer.
Kulepenn
Kulepennar inneheld blekk i små mengder. Mengda blekk i éin penn er så liten at det ikkje gir fare for forgifting.
Markørpenn
Det er liten fare for forgifting viss eit barn ved eit uhell syg på ein markørpenn. Viss pennen har opna seg, og barnet har drukke innhaldet, bør du kontakte Giftinformasjonen for vurdering. Gi barnet litt drikke før du ringer.
Sprittusj
Det er ikkje farleg at eit barn ved eit uhell syg på tuppen av ein sprittusj. Svelging av innhaldet frå ein stor tusj, kan gi symptom. Kontakt Giftinformasjonen for vurdering av situasjonen. Gi barnet litt drikke før du ringer.