Bruk digitalt helsekort for gravide

Du har fått høve til å bruke digitalt helsekort for gravide. Digitalt helsekort er ein del av tenesta Gravid på Helsenorge. 

Gi samtykke før du begynner

Du må gi samtykke før du kan begynne å bruke digitalt helsekort. Du samtykker til at informasjon om deg blir lagra medan digitalt helsekort for gravide er under utprøving. Du kan når som helst trekke samtykket.

Hugs papirhelsekortet!

Fordi det førebels berre er nokre fastlegar, jordmødrer og sjukehus som brukar digitalt helsekort, kan informasjon mangle i det digitale helsekortet ditt. Derfor må du framleis ta med papirversjonen på svangerskapskontrollar og legetimar, slik at alle som følger deg opp har tilgang til same informasjon. 

Når digitalt helsekort er innført overalt, vil du ikkje lenger trenge papirversjonen.

Meir informasjon om tenesta Gravid

  • I tenesta Gravid kan du:

    • Følge graviditeten veke for veke.
    • Få relevant informasjon basert på kor langt du har kome.
    • Samle all informasjon om deg sjølv, graviditeten og barnet ditt på éin stad.
    • Skrive notat og lager dokument.
    • Laste opp bilete, som ultralydbilete og bilete av papirhelsekortet.
    • Finne forklaringar på ord og uttrykk som blir brukt i helsekortet ditt.

  • Tenesta Gravid er under utvikling. Det betyr at utsjånad eller funksjonar kan endre seg medan du brukar henne. 

    Har du innspel og tilbakemeldingar på korleis du opplever tenesta, vil vi gjerne høyre frå deg. Du vil òg få høve til å delta i ei spørjeundersøking om tenesta.