Om Timeavtalar

Her får du informasjon om kva timeavtalar du kan sjå og kven du kan bestille eller avbestille time hos.

Dette er Timeavtalar på Helsenorge

På Helsenorge kan du sjå, bestille og avbestille timeavtalar du har med fastlege, hos kommunen og på sjukehus. 

Kva timar du ser i lista og kven du kan bestille time hos, avheng av om sjukehuset, fastlegen eller kommunen din tilbyr dette på Helsenorge.

Timar hos fastlegen 

Om fastlegen din tilbyr det, kan du enkelt bestille time via Helsenorge. Du kan òg avbestille timar og sjå timar du har hatt.

Timar hos kommunen

Om kommunen din tilbyr det, kan du sjå oversikt over timar

  • ved helsestasjon/jordmortenesta
  • for besøk frå heimetenesta
  • på Helsestasjon for ungdom
  • for vaksinasjon

Timar på sjukehus

Du kan sjå timar du har på sjukehus. 

For nokre timar kan du òg

  • stille spørsmål om timen
  • be om å endre tidspunkt
  • be om å avslutte behandlingsforløp
  • endre tidspunkt i kalenderen
  • be om å endre timen til video/telefon eller omvendt 

Administrasjon av timeavtalar for Helse Midt blir gjord på Helsa Mi. 

Slik brukar du Timeavtalar

Du får alltid eit varsel frå Helsenorge når du får ein ny timeavtale, eller om timeavtalen blir endra eller avlyst.

Nokre timar kan endrast eller avbestillast. Klikk deg inn på timeavtalen for å sjå detaljar om timen, og kva moglegheiter du har for å endre eller avbestille han. 

Meir om tenesta

  • Denne tenesta krev samtykke til Full tilgang. Du kan sjå og endre samtykket ditt under personverninnstillingar.

  • For å kunne nytte denne tenesta på vegner av andre som du ikkje har foreldreansvar for, må dei gi fullmakt til tenesteområde nummer 3: Digitale helsetenester.

    Finn meir informasjon om fullmakter.

  • Du kan nytte denne tenesta på vegner av barn under 12 år som du har foreldreansvar for, men berre om minst éin av foreldra er folkeregistrerte på same adresse som barnet:

    • Om ein eller fleire av foreldra er folkeregistrerte på same adresse som barnet, kan begge foreldre representere barnet.
    • Om ingen av foreldra er folkeregistrerte på same adresse som barnet, kan ingen av dei representere barnet.

    Her finn du meir informasjon om å representere barn på Helsenorge.

  • Du kan nytte denne tenesta på vegner av barn mellom 12 og 16 år som du har foreldreansvar for, men med nokre avgrensingar:

    Du kan sjå timeavtalane deira med fastlegen og kommunal helse- og omsorgsteneste, men ikkje timeavtalar frå spesialisthelsetenesta.

  • Hemmeleg adresse blir ofte kalla «fortruleg adresse» eller «adressesperre». 

    Denne tenesta er tilgjengeleg for personar med fortruleg adresse (kode 7) og strengt fortruleg adresse (kode 6). 

    Det kan likevel finnast informasjon i denne tenesta som ikkje er tilgjengeleg for personar med fortruleg eller strengt fortruleg adresse. 

    Om du bur på fortruleg eller strengt fortruleg adresse, kan du ikkje bruke Helsenorge på vegner av andre. Andre kan heller ikkje bruke Helsenorge på dine vegner. 

Rettleiing Helsenorge

23 32 70 00

Kvardagar kl. 08:00 - 15:30

Innhaldet er levert av Norsk helsenett

Norsk helsenett. Om Timeavtalar. [Internett]. Oslo: Helsedirektoratet; oppdatert onsdag 11. juni 2025 [henta fredag 19. desember 2025]. Tilgjengeleg frå: https://www.helsenorge.no/nn/tjeneste-timeavtaler/om-timeavtaler/

Sist oppdatert onsdag 11. juni 2025