Koronasertifikáhta

Leatgo vuolgime mátkkoštit ja dárbbašat koronasertifikáhta? Dáppe logget sisa geahččat dahje čálihit koronasertifikáhta.

Beassan koronasertifikáhttii Helsenorges eaktuda ahte dus ferte leat norgga persovdnanummar dahje D-nummar.

Don logget sisa elektronalaš ID:in, ja sáhtát geavahit juogo BankID, BankID mobiillas, Buypass ID fiehttokoarttas, Buypass ID mobiillas dahje Commfides e-ID.

Sáhttá leat juonalaš čálihit dahje viežžat koronasertifikáhta. Jus don dagat dan de sihkkarasttát ahte sertifikáhtta lea olámuttus, vaikko bálvalus ii doaimmage, ii leat neahttačanastus dahje juoga eará fáhkka geavvá. Don sáhtát maiddái viežžat Helsenorge-appa. Doppe lea sertifikáhtta oažžumis vaikko ii leatge neahttačanastus.

Jus digitála sertifikáhtta ii leat oažžumis, de sáhtát don diŋgot koronasertifikáhta reivve dahje telefovnna bokte.

Jus dus ii leat norgga persovdnanummar dahje D-nummar, sáhtát fidnet beassama koronasertifikáhttii eará láhkai.

Mo doaibmá koronasertifikáhtta

  • Koronasertifikáhtas leat QR-kodat main leat dieđut mat čájehit

    • ahte leat boahkuhuvvon
    • leago dus ođđa negatiiva iskkus
    • ahte leat immuvdna go dus lea leamaš koronadávda

  • Koronasertifikáhtas leat okta dárkkistansiidu, mii geavahuvvo olgoriikkas ja go rasttilda rájá.

    Go logget sisa sertifikáhttii ja deaddilat čájet dárkkistansiiddu, sáhtát deaddilit “Rádjerasttildeapmi EO/EEO”.

Eanet koronasertifikáhta birra

Dáppe gávnnat dieđuid mo oaččut koronasertifkáhta ja mo geavahat dan.

Eambbo bálvalusa birra

  • Dát bálvalus gáibida miehtama beassandássái Basis dahje allelii dan.

    Háliidat go oaidnit makkár miehtama don leat addán dahje rievdadit miehtama, de sáhtát dan dahkat Personsuodjalusheivehusain.

  • Jus dán bálvalusa galgá geavahit earáid ovddas geaidda dus ii leat váhnenovddasvástádus, de sii fertejit addit fápmudusa bálvalussuorgi nummar 1: Oaidnit dieđuid mat leat registrerejuvvon du birra.

    Gávnna eanet dieđuid fápmudusaid birra.

  • Don sáhtát geavahit dán bálvalusa vuollel 16 jahkásaš mánáid ovddas geaidda dus lea váhnenovddasvástádus, muhto dušše jus unnimusat nubbi váhnemiin lea álbmotregistrerejuvvon seamma čujuhussii go mánná:

    • Jus okta váhnen dahje eanet váhnemat leat álbmotregistrerejuvvon seamma čujuhussii go mánná, de goappaš váhnema sáhttiba ovddastit máná.
    • Jus váhnemiin ii leat oktage álbmotregistrerejuvvon seamma čujuhussii go mánná, de ii oktage sis sáhte ovddastit máná.

    Dás gávnnat eanet dieđuid dan birra ahte ovddastit máná Helsenorges.

  • Čiegus čujuhus gohčoduvvo dávjá” suollemas čujuhussan” dahje “giddejuvvon čujuhussan”.

    Dát bálvalus lea olámuttos olbmuide geain lea suollemas čujuhus.

    Jus oasit bálvalusas sisttisdollet dieđuid eará bálvalusain mat suollemas čujuhusa geažil eai leat olámuttos dutnje, de don itge oainne daid dás.

    Jus don orut suollemas čujuhusas, de it sáhte ovddastit earáid Helsenorges, ja earát eai ge sáhte bargat du ovddas.

Diehtojuohkintelefovdna lea heaittihuvvon

Diehtojuohkintelefovdna korona várás lea dál heaittihuvvon.

Leat go dus jearaldagat korona birra? Ane chatta vuolemusas olges beale čiegas dahje loga ođasmahtton dieđuid dás Helsenorges.

Jus dus lea dárbu koronasertifkáhttii, muhto ii leat olámuttus digitálalaččat, de sáhtát diŋgot koronasertifikáhta reivve dahje telefovnna bokte.