Mii lea ovttasválljen?

Pasieantan dahje geavaheaddjin dus lea vuoigatvuohta váikkuhit iskkadan- dahje dikšunvugiid válljemii. Ovttasválljen lea proseassa mas don ovttas dearvvašvuođabargiiguin mearridat mii buoremusat heive dutnje.

Manne berren leat mielde mearrideamen?

Go dárbbašat dearvvašvuođaveahki de dávjá leat máŋga molssaeavttu sihke iskkadeapmái ja divššodeapmái. Guhte molssaeaktu dutnje heive buoremusat lea čadnon du árvvuide ja mo dan háliidat eallit iežat eallima. Danne lea dehálaš ahte leat mielde mearrideamen.  

Ovttasválljemis oaččut don dieđuid almmolaš dearvvašvuođabálvalusa iešguđetlágan divššodan- ja iskkadanvugiid ovdamuniid ja heajos beliid birra. Dalle sáhtát daid veardidit dan mielde mii dutnje lea dehálaš.  

Don sáhtát digaštallat daid iešguđetlágan molssaeavttuid iežat divššáriin, ja sáhttibeahtti ovttas gávnnahit mii dutnje heive buoremusat.  

Golbma álkis gažaldaga mat sáhttet leat veahkkin go ságastalat iežat divššáriin: 

  • Makkár vejolašvuođat leat mus?
  • Makkár vejolaš ovdamunit ja heajos bealit leat dáin molssaeavttuin?
  • Man jáhkehahtti lea ahte mun boađán vásihit daid ovdamuniid ja heajos beliid?  

Video ovttasválljema birra

Ønsker du å se dette innholdet?

For å spille av denne videoen, trenger vi ditt samtykke.

Video ovttasválljema birra

Mii lea ovttasválljen, ja manne lea dehálaš váldit oasi válljemis iežas dearvvašvuođa birra. Don sáhtát válljet davvisámegiel teavsttaid filmmas.

Don sáhtát válljet davvisámegiel teavsttaid filmmas.

Ovttasválljenreaiddut sáhttet veahkehit du válljet

Gávdnojit ovttasvállejenreaiddut muhtun diagnosaide, ja dát sáhttet leat veahkkin go don galggat válljet. Reaiddut addet áššáiguoskevaš ja luohtehahtti dieđuid  diagnosa dahje dearvvašvuođaváttu birra, ja daid dálkkodemiid birra mat gávdnojit. 

Reaidduid sáhttá geavahit sihke ovdal, ságastaladettiin dahje maŋŋel go lea ságastallan dearvvašvuođabargiiguin. 

Gihpa ovttasválljema birra

Dearvvašvuođa ja fuolahusdepartemeanta (lovdata.no)

Pasieanta- ja geavaheaddjevuoigatvuođaid láhka sisttisdoallá riektenjuolggadusaid vuoigatvuođaid birra mat pasieanttain ja geavaheddjiin leat dearvvašvuođa- ja fuolahusbálvalusaid guovdu.

Guldal podkastta ovttasválljema birra

Dán podkast-oasis SyktFrisk olis beasat gullat eambbo mii ovttasválljen lea, ja manne don pasieantan berret leat mielde válljeme.

Gulat Kim Fangena muitaleame iežas pasieantavásáhusaid birra, humadettiin Simone Kienlinain, gii lea buohccidivššár ja dutká ovttasváljjema, ja Anette Eie, Regiovnnalaš divššohas- ja oapmahašlávdegotti spesiálaráđđeaddi Lulli-Nuorta Dearvvašvuođas.

Guldal episoda SyktFrisk neahttasiiddus, dahje oza doppe gos podkásttaid guldalat.

Sisdoalu lea almmuhan Universitetsykehuset Nord-Norge HF, Helse Sør-Øst RHF

Universitetsykehuset Nord-Norge HF, Helse Sør-Øst RHF. Mii lea ovttasválljen?. [Interneahtta]. Oslo: Dearvvašvuođadirektoráhta; ođasmahtton 2025 miessemánnu 28, gaskavahkku [vižžon 2026 cuoŋománnu 6, vuossárga]. Oažžumis dáppe: https://www.helsenorge.no/se/samvalg/hva-er-samvalg/

Maŋimusat ođastuvvon 28. miessemánnu 2025

Fant du det du lette etter?