Ulike hudkremar
Hudkremar består stort sett av feittstoff og andre fyllstoff. Desse feittstoffa er lite problematisk å smake på.
Kremar som har spesielle eigenskapar som kulde- eller varmekremar, kan ha tilleggsstoff som kan gi forgifting. Kontakt Giftinformasjonen dersom kremen er av ein slik type.
Symptom etter inntak av hudkrem
Sjølv om det er ete i små mengder, kan produkta gi milde og forbigåande mage- eller tarmsymptom som
- kvalme
- oppkast
- diaré
Dette er lite farleg og symptoma er forbigåande. Desse uhella kan sjåast an heime.
Førstehjelp etter inntak av hudkrem
- Gi litt drikke for å skylje bort krem og fjerne vond smak.
- Kontakt lege ved kraftige eller langvarige mage/tarmsymptom.
Symptom ved søl av hudkrem i auget
Vanleg hudkrem kan gi augeirritasjon dersom det kjem inn på auget.
- svie og lett tåreflod
- raudne på auget
Førstehjelp etter uhell med hudkrem på auget
- Skyl auget med lunkent vatn i nokre minutt.
- Ved kraftige eller langvarige symptom, kontakt lege for vurdering.