چوونە ناو وڵاتی نۆروێژ - یاساکانی کەرەنتینە و پشکینین

لە 29 ی کانوونی دووەمی 2021 ەوە تەنیا هاووڵاتیانی نەرویجی و هاووڵاتی بیانی دانیشتووی نەرویج ڕێگەپێدراو دەبن بچنە نەرویجەوە . هەموو ئەو کەسانەی بیانین کە بە لێبووردەیی ناپۆشن، چوونە ژوورەوەیان ڕەت دەکرێت بەبێ هەڵسەنگاندنی زیاتر

ئەو یاسایانەی پەیوەستن بە پشکنینی ئیجباری، تۆمارکردنی گەشت، کەرەنتینە و هۆتێلەکانی کەرەنتینە تا ئێستاش جێبەجێدەکرێن بەسەر ئەو کەسانەدا کە ڕێگەپێدراون بۆ نەرویژ گەشت بکەن. سزای سەرپێچیکردن لە یاساکانی کۆڤید-19 بریتیە لە غەرامەکردن بە بڕە پارەی زۆر.  

.زۆربەی خەڵک لە ئێستادا ناتوانن گەشت بۆ نەرویژ بکەن ئەمە بەسەر هاوڵاتیانی هەموو وڵاتاندا جێبەجێدەکرێت، لە نێویاندا هاوڵاتیانی یەکێتی ئەوروپا/ ناوچەی پیشەسازیی ئەوروپا و نۆردیک. یاساکەش ئەم کەسانە دەگرێتەوە:

  • گەشتیاران
  • ئەو ئەندامانەی خێزان لە لیستی بەخشراواندا نین: ئەندامە پلە یەکەکانی خێزان
  • هاوژین و دەستگیران
  • هاوڵاتیانی یەکێتی ئەوروپا/ ناوچەی پیشەسازیی ئەوروپا (لە نێویاندا هاوڵاتیانی نۆردیک) کە لە نەرویژ کار دەکەن یان دەخوێنن و هیچکام لەم بەخشینانەی خوارەوە نایانگرێتەوە
  • گەشتیارە بازرگانییەکان
  • ئەو بیانییانەی ڤیزای شنگنیان هەیە بەڵام هیچکام لەم بەخشینانەی خوارەوە نایانگرێتەوە
  • ئەو کەسانەی موڵکی پشوویان لە نەرویژ هەیە، بەڵام نیشتەجێی وڵاتەکە نین

هەندێک کۆمەڵە و تاقم بەخشینەکان دەیانگرێتەوە، لەوانەش:

  • هاونیشتیمانییە بیانییەکان-ی نیشتەجێی نەرویج، بەبێ گوێدانە ئەوەی کە خاوەنی موڵکی نیشتەجێبوونی خۆیانن یان کرێنشینن
  • ئەو کەسانەی هۆکارێکی تایبەتیان هەیە بۆ چونە ناو نەرویژەوە، وەک بەرپرسیارێتییەکی تایبەتمەند بە چاودێریکردنی کەسانەی دیکە یان چاودێری کردنیان لەلایەن کەسانی نەرویژییەوە یان هۆکاری بەهێزی پەیوەست بە تەندروستی، وەک سەردانیکردنی ئەندامێکی خێزان کە زۆر نەخۆش بێت یان لە سەرەمەرگدا بێت
  • ئەو بیانییانەی بە مەبەستی سەردانیکردنی منداڵی تەمەن خوار هەژدە ساڵ گەشت دەکەن
  • ئەندامانی پلە یەکی خێزان: هاوسەر/هاوژینی فەڕمی/ هاونشین، منداڵانی تەمەن خوارهەژدە ساڵ یان زڕمنداڵ، دایک و باوک یان زڕ دایک و باوکی منداڵانی تەمەن خوارهەژدە ساڵ یان زڕمنداڵ
  • ڕۆژنامەنووسان و ئەو کارمەندانەی کار بۆ دامەزراوەیەکی میدیایی بیانی دەکەن
  • ئەو بیانییانەی لە فڕۆکەخانەیەکی نەرویژدا لە ترانزێتدان (وەک گەشتیارێکی نێودەوڵەتی کە لە ترانزێتدایە یان وەک گەشتیارێک کە لە ناوچەی شنگن-دا گەشت دەکات)
  • دەریاوان و کارمەندانی فڕۆکەوانی
  • ئەو بیانییانەی کاری گواستنەوەی شتوومەک و سەرنشین دەکەن
  • ئەو بیانییانەی کاری کۆمەڵایەتی گرنگ ئەنجامدەدەن و لە لایەن خاوەنکارەکانیانەوە بەڵگەنامەیان پێدراوە
  • ئەو پسپۆڕە تەندروستییانەی هاوڵاتیی سوید و فینلەندان و لە خزمەتگوزاری تەندروستی و چاودێری نەرویژی کار دەکەن
  • ⁦⁩بۆ ئەو کەسانەی لە بواری زۆر گرنگی بازرگانیدا کاردەکەن⁦⁩دەبێت پێش گەیشتنیان بە نەرویژ خاوەنکارەکانیان ڕەزامەندی چوونە ناوەوەی بۆیان وەرگرتبێت⁦⁩
  • ئەو منداڵانەی ڕۆژانە بە سنوردا دێنە نەرویژ بە مەبەستی چوون بۆ قوتابخانە

ئەوانەشی ڕێگەیان پێدراوە بۆ نەرویژ گەشت بکەن، هێشتا دەبێت پەیڕەوی ئەم یاسایانە بکەن:

  • دەبێت پێش گەشتکردنت فۆرمی تۆمارکردنی گەشت پڕبکەیتەوە
  • لە کاتی گەیشتنت دەبێت بڕوانامەی پشکنینێکی نێگەتیڤی ڤایرۆسی کۆرۆنات پێبێت و نابێت کاتی ئەنجامدانی پشکنینەکەش 24 کاتژمێری بەسەردا تێپەڕیبێت
  • دەبێت پشکنینێک بکەیت کاتێک دەچیتە نەرویژ
  • دەبێت بۆ ماوەی 10 ڕۆژ بچیتە کەرەنتینەوە لە نەرویژ

تۆمارکردنی چونە ناوەوە

هەرکەس کە بچێتە ناو وڵاتی نەرویژ دەبێت فۆڕمێکی چونە ناوەوە پڕبکاتەوە. لە کاتی خۆتۆمارکردن بە شێوەی دیجیتاڵی، پسوڵەیەکت پێدەدرێت کە دەبێت لە کاتی گەیشتندا پیشانی پۆلیسی بدەیت.

تۆ دەبێت پێش گەیشتنت بە نەرویج خۆت تۆمار بکەیت، بەڵام هیچ پێش 72 کاتژمێر پێش کاتی چوونە ناو نەرویج ەوە تۆمار نەبیت.

بۆ تۆماری(entrynorway.no)

ئەنجامدانی پشکنین

بڕوانامەی ئەنجامی پشکنینی نێگەتیڤی کۆڤید-19

ئەگەر تۆ هاوڵاتیەکی بیانیت و لە بڕیاری قەدەغەی چونەناوەوە بەخشراویت، پێویستە بڕوانامەی پشکنینێکی نێگەتیڤی ڤایرۆسی کۆرۆنا پیشانبدەیت لە کاتی چوونە ناوەوەت بۆ نەرویژ.

  • دەبێت پشکنینەکە لە ماوەی 24 کاتژمێری پێش گەیشتنت بە نەرویژ ئەنجامدرابێت.
  • پشکنینی PCR و دژە جینی خێرا دوو پشکنینی پەسەند کراون
  • دەبێت بڕوانامەکە بە زمانی نەرویژی، سویدی، دانیمارکی، ئینگلیزی، فەڕەنسی یان ئەڵمانی نوسرابێت

ئەگەر بە ڕێگەی فڕۆکەخانە گەیشتیت، دەبێت پشکنینەکە لە 24 کاتژمێری پێش کاتی یەکەم دەرچونی فڕۆکەکە ئەنجام درابێت.

ئەم خەڵکانەی خوارەوە پێویست نیە بڕوانامەی پشکنینێکی نێگەتیڤ پیشانبدەن:

  1. گەشتیاری ئەو وڵاتانەی/هەرێمانەی کە کەرەنتینەی ئیجباری نایانگرێتەوە
  2. منداڵانی تەمەن خوار 12 ساڵ
  3. هاوڵاتیانی نەرویژی
  4. ئەو کەسانەی دەتوانن لەڕێی پشکنینێکی تاقیگەیی
    پەسەندکراوەوە بیسەلمێنن کە لە ماوەی شەش مانگی ڕابردوودا کۆڤید-19 یان گرتوە.
  5. ئەو بیانییانەی نیشتەجێی نەرویژن و مۆڵەت یان مافی نیشتەجێبوونیان هەیە
  6. ئەو بیانیانای کە ڕۆڵی هێجگار گرنگ دەگێڕن لە ئەنجامدانی کارە کۆمەڵایەتیە گرنگەکان، یان گرنگترین پێداویستیەکانی دانیشتوان دابین دەکەن و مەترسی لەسەر ژیان و تەندرووستی خەڵك درووست دەبێت ئەگەر ڕێگە بە هاتنە ناوەوەیان نەدرێت
  7. ئەو بیانیانەی لە تڕانزیت-دان
  8. ئەو بیانیانەی لە سوید و فنلەنداوە بەردەوام سەردانی نەرویژ دەکەن بە مەبەستی خوێندن و کارکردن، جگە لەو کارمەندە تەندرووستیانەی کە زیاتر لە حەوت ڕۆژ لە دەرەوەی نەرویژ ماونەتەوە
  9. پەناخوازان و ئەو پەنابەرانەی بە شێوەی کاتیی نیشتەجێکراون
  10. ئەو بیانیانەی مۆڵەتی مانەوەیان لە نەرویژ هەیە بەپێی ئەو یاسایانەی تایبەتمەندن بە کۆچی خێزانی
  11. ئەو کەسانەی خزمەتی دیپلۆماسی و دەرەکی یان ئەرکی سەفارەت جێبەجێدەکەن
  12. ئەو بیانییانەی کاری گواستنەوەی شتوومەک و سەرنشین دەکەن، یان لە کاتی چوونە سەر کار و گەڕانەوەیان
  13. فڕۆکەوان و دەریاوانەکان لە کاتی چوونە سەر کار و گەڕانەوەیان⁧⁩⁩

مەرجەکانی پەیوەست بە پشکنینی ئەو کەسانەی دێنە ناو نەرویژ

ئەگەر لە ماوەی 10 ڕۆژی ڕابردوودا سەردانی هەرێمێکت کردووە کە کەرەنتینەی ئیجباری هەیە، پێویستە کاتێک دەگەیتە نەرویژ پشکنینێکی کۆڤید-19 بکەیت.

دەبێت پشکنینەکە لە فڕۆکەخانە یان دەروازە سنورییەکان ئەنجامدرابێت. پشکنینی PCR و دژە جینی خێرا دوو پشکنینی پەسەند کراون.

ئەگەر ناتەوێت لەکاتی چوونە ناوەوەدا پشکنین ئەنجام بدەیت و هیچ هۆکارێکی بەهێزیشت بۆ ئەوە پێ نییە، هەروەها ئەگەر ئارەزومەندانە نەرویژ بەجێنەهێڵیت، ئەوا بە دانی بڕێک پارە سزا دەدرێیت.

ئەم کەسانەی خوارەوە لە مەرجی پشکنینی سەر سنور دەبەخشرێن:

  1. منداڵانی تەمەن خوار 12 ساڵ.
  2. ئەو کەسانەی لە مەرجی خۆکەرەنتینکردن بەخشراون لە ماوەی کاتژمێرەکانی کارکردن و ئەو کاتژمێرانەشی کاری تێدا ناکەن بەپێی بەشی 6a. (مانەوەیەکی کەم لە دەرەوە کە تیایدا تێکەڵی خەڵکی دیکە نەبیت جگە لە ئەندامانی خێزانەکەی خۆت، بۆ نمونە بە مەبەستی ئەنجامدانی چەند چاککردنەوەیەکی گرنگ لە خانوی پشووەکەتدا).
  3. ئەوانەی لە سوید و فینلەنداوە دێن و لە قەدەغەی چونە ناوەوە بەخشراون و پەیڕەوی ڕێسای پشکنینی تایبەت بە خۆیان دەکەن
  4. شۆفێری ئەو بارهەڵگرانەی مەودای دوور دەبڕن، ستافی ئەو شەمەندەفەرانەی بۆ بار گوێزانەوەن، هەروەها هەندێک لەو کارمەندانەی ناو شەمەندەفەر کە لە شەمەندەفەری بار گواستنەوەدا کار دەکەن
  5. ئەو بیانییانای کە ڕۆڵی هێجگار گرنگ دەگێڕن لە ئەنجامدانی کارە کۆمەڵایەتیە گرنگەکان، یان گرنگترین پێداویستیەکانی دانیشتوان دابین دەکەن و بواری ئەنجامدانی پشکنینیان نیە.
  6. دیپلۆماتکاران

تەنها کاتێک پەیوەندیت پێوە دەکرێت ئەگەر ئەنجامی پشکنینەکەت پۆزەتیڤ بێت. ئەگەر ئەنجامی پشکنینەکەت نێگەتیڤ بێت، پەیوەندیت پێوە ناکرێت. ئەگەر تۆ بەکارهێنەرێکی helsenorge.no-یت، دەتوانیت بچیتە ناوەوە بۆ دۆزینەوەی ئەنجامی پشکنینەکەت. هەندێک لە تاقیگەکان ڕێگای تایبەت بەخۆیان هەیە بۆ بڵاوکردنەوەی ئەنجامی پشکنینەکانیان. تۆ لەمە ئاگادار دەکرێیتەوە.

هەموو ئەو گەشتیارانەی لە بەریتانیا، ئەفریقای باشوور، ئیرلەندا، هۆڵەندا، نەمسا، پورتوگال و بەرازیلەوە

بۆ ئەو گەشتیارانەی لە بەریتانیا، ئەفریقای باشوور، ئیرلەندا، هۆڵەندا، نەمسا، پۆرتوگال و بەرازیل، یان هەر کەسێک لە 10 ڕۆژی ڕابردوودا سەردانی هەر کام لەم وڵاتانەیان کردووە، پێش گەیشتنیان، پێویستە تاقیکردنەوەی چوونەژوورەوە تاقیکردنەوەی, (COVID-19)  بێت

جیاوازی زیاتری ڤایرۆسەکە لەم وڵاتانەدا هەیە دەبێت لە سەنتەری پشکنینەکە ئاماژە بەوە بکەیت کە تۆ لە یەکێک لەم وڵاتانەوە هاتویت. ئەم داواکارییانە لە کەسانی تەمەن سەروو 12 ساڵ داوادەکرێن و بریتین لەمانە: بەخشین لە کەرەنتینەی چوونە ناوەوە یان ئەگەری کەمکردنەوەی ماوەی کەرەنتینەی گەشت لە ڕێگەی پشکنینەوە بە گشتی گەشتیارانی ئەم وڵاتانە ناگرێتەوە.

کەرەنتینە

هەموو ئەوانەی لە دەرەوەی نەرویژەوە دێنە ناوەوە دەبێت بۆ ماوەی 10 ڕۆژ بچنە کەرەنتینەوە، جگە لەوانەی لە هەندێک ناوچەی هەرێمی  نۆردیک/ئەوروپاوە دێن و ڕێژەی توشبوون لەو ناوچانە تا ڕادەیەکی باش نزمە (ناوچە و وڵاتە زەردەکان).

نەخشەی ئەو وڵات/هەرێمە زەرد و سورانەی ئەوروپا (تەنها بە زمانی ئینگلیزی)

کاتێک دەگەیتە نەرویژ، دەبێت ڕاستەوخۆ بچیتە کەرەنتینەوە، هەروەها هەموو ئەوانەی لە سەروو تەمەنی 12 ساڵەوەن دەبێت دەمامک ببەستن تا ئەو کاتەی دەگەنە ئەو شوێنەی کە بۆ کەرەنتین کردنیان دیاریکراوە.

ئەو ئەندامە نزیکانەی خێزان کە لە وڵاتەکانی خۆیان پێکەوە دەژین و پێکەوە گەشت بۆ نەرویژ دەکەن دەتوانن ماوەی کەرەنتینەکەیان لە هەمان شوێنی مانەوە تەواو بکەن.

ئەگەر نیشانەکانی کۆڤید-19 تیاتا دەرکەوتن لە ماوەی کەرەنتیندا، دەبێت خۆت جیابکەیتەوە و پەیوەندی بە خزمەتگوزاری تەندروستی ناوخۆییەوە بکەیت بە مەبەستی جێگیرکردنی کاتێکی پشکنین. ژمارەی تەلەفون +47 116117.

دەبێت لە کوێ کەرەنتینەی گەشتکردن بکرێت؟

پێویستە کەرەنتینەی گەشتکردن بکرێیت لە:

  • خانووی مانەوەی هەمیشەیی لە نەرویژ، بەبێ گوێدانە ئەوەی خانوەکە هی خۆتە یان بە کرێ تیایدایت. تۆمارکردنەکە شوێنی مانەوەی ناجێگیری وەک کەرەڤانە و بەلەم، هتد. ناگرێتەوە. دەبێت بتوانیت خاوەندارێتی یان کرێچێتی خۆت تۆماربکەیت، هەروەها دەبێت گرێبەستی بەکرێ گرتنەکەش لانی کەم بۆ شەش مانگ بێت. ئەو ئەندامانەی دیکەی ناو ماڵەکە داوایان لێدەکرێت بچنە کەرەنتینەوە ئەگەر ژوری نوستن و حەمامی زیادە لە ماڵەکەدا نەبن.
  • هۆتێلی کەرەنتینە
  • شوێنێکی شیاو که له لایه ن که سێکی دیکەوە دابینکرابێت. ڕوونکردنەوە دەربارەی شوێنی مانەوەی شیاو لە خوار ئەم لیستەوە ببینە.
  • ماڵی کەسێک کە هاوسەرگیریت لەگەڵ کردووە یان یەک یان زیاتر لە یەک منداڵی هاوبەشت لەگەڵی هەیە. دەبێت بتوانیت بیسەلمێنیت کە خێزانداریت یان منداڵی هاوبەشت هەیە. ئەو منداڵە هاوبەشانەی تەمەنیان لە خوار هەژدە ساڵەوەیە ماوەی کەرەنتینەکەیان لێرە تەواو دەکەن.
  • لە شوێنێکی مانەوەی شیاو کە لەلایەن خاوەنکارەکەتەوە دابینکرابێت. خاوەنکارەکە دەبێت ڕەزامەندیی شوێنی نیشتەجێبوونەکە لە دەسەڵاتی پشکنینی کار-ی نەرویژی وەربگرێت پێش ئەوەی کارمەندەکە بچێتە نەرویژ.

دەربارەی ئەو فۆرمی تۆمارکردنی چوونە ناوەوەیەی کە دەبێت پڕی بکەیتەوە، پێویستە دڵنیایی ئەوە بدەیت کە شوێنی مانەوەکە سەرجەم مەرجەکانی شوێنێکی گونجاوی بۆ کەرەنتینکردن تێدایە.

کەمکردنەوەی ماوەی کەرەنتینە

دەتوانیت ماوەی کەرەنتینەی گەشتەکەت کورت بکەیتەوە ئەگەر بتوانیت ئەنجامی نەرێنی بۆ پشکنینی ڤایرۆسی کۆرونا (پشکنینی PCR) پیشانبدەیت و کاتی پشکنینەکەش دەبێت حەوت ڕۆژ یان زیاتری بەسەردا تێپەڕیبێت لەو ڕۆژەدا کە دەگەیتە نەرویژ. ئەم پشکنینە ئیجبارییە بۆ هەموو ئەو گەشتیارانەی دێنە نەرویژ و لە هۆتێلی کەرەنتینە نامێننەوە.

لە کەرەنتیندا دەهێڵدرێیتەوە هەتا ئەنجامی پشکنینی ڤایرۆسی کۆرۆناکەت بە نێگەتیڤ دێتەوە.

چوونە کەرەنتین بۆ کرێکاران

کرێکارانی بیانی داوایان لێدەکرێت کە ماوەی کەرەنتینەکەیان لە هۆتێلێکی کەرەنتینە تەواو بکەن. هەموو ئەوانەی دێنە ناو نەرویژ لەو وڵاتانەوە کە کەرەنتینەی ئیجباری دەیانگرێتەوە: 

  • دەبێت بۆ ماوەی 10 ڕۆژ بچنە کەرەنتینەوە پێش ئەوەی بتوانن دەست بە کارکردن بکەن
  • لەوانەیە ماوەی کەرەنتینەی گەشت کەم بکرێتەوە دوای ئەوەی ئەنجامی پشکنینی ڤایرۆسی کۆرۆناکەت بە نێگەتیڤ دێتەوە وەک لە بەشی سەرەوە باسکراوە

ئەو کەسانەی زۆرترین جار بە سنووردا تێدەپەڕن

  • ئەو کەسانەی لە ماوەی 15 ڕۆژدا زیاتر لە جارێک بە سنووردا هاتبنە ناو نەرویژەوە لەو بەشانەی سوید و فینلەنداوە کە مەرجی کەرەنتینکردن دەیانگرێتەوە دەبەخشرێن لە کەرەنتینکردن ئەگەر ئەو ڕۆژەی دەگەنە نەرویژ پشکنینێکی ڤایرۆسی کۆرۆنا بکەن پاشان هەموو حەوت ڕۆژ جارێک پشکنینەکە بکەنەوە، ئەگەر زیاتر لە حەوت ڕۆژ تێپەڕیبوو بەسەر ئەو ڕۆژەدا کە کۆتاجار پشکنینیان کردوە لە نەرویژ. ناتوانرێت ببەخشرێیت ئەگەر لە ماوەی 10 ڕۆژی پێش گەشتنت بە نەرویژ سەردانی وڵاتێکی ترت کردبێت جگە لە سوید یان فینلەندا، یان ئەگەر بۆ خزمەتگوزاری تەندروستی و چاودێری سویدی یان فینلەندی کار بکەیت.
  • ئەو پسپۆڕە تەندروستیانەی کە ڤاکسینیان وەرگرتوە و ئەرکی گرنگی تەندروستی لە نەخۆشخانە و بنکەی تەندروستیی شارەوانییەکاندا جێبەجێدەکەن لە خۆکەرەنتینکردن دەبەخشرێن لە ماوەی کاتژمێرەکانی کارکردندا ئەگەر لە کاتی هاتنە ناوەوەیاندا پشکنینەکەیان بە نێگەتیڤ بێتەوە.
  • ئەو شۆفێری بارهەڵگرانەی مەودای دوور دەبڕن، ستافی شەمەندەفەر و فڕۆکە لە کەرەنتینی گەشتکردن دەبەخشرێن. ئەم کەسانە دەبێت پەیوەندی بە خاوەنکارەکانیانەوە بکەن بۆ ڕوونکردنەوەی ئەو یاسایانەی بەسەریاندا جێبەجێدەبێت.
  • ئەو کەسانەی بە سنوردا دێنە ناو نەرویژ بە مەبەستی یەکتربینینێک لە نێوان دایک و باوک و منداڵ یان شوێنی نیشتەجێبوونی هاوبەش بۆ منداڵان لەوانەیە لە هەندێک حاڵەتدا لە کەرەنتینە ببەخشرێن لە ماوەی کاتژمێرەکانی کارکردن و کاتژمێرەکانی قوتابخانەدا ئەگەر ئەنجامێکی نێگەتیڤی پشکنین کە پاش سێ ڕۆژ لە گەیشتن بە نەرویژ کرابێت بەردەست بێت. ئەو کەسانەی کە لە نەرویج کاریان نییە، لەوانەیە مۆڵەتیان پێنەدرا لە ئەرکی کەرەنتینە لە کاتی کارکردندا کاتێک سەردانی نەرویج دەکەن بۆ سەردانی کردنی پەیوەندی لەگەڵ منداڵێکدا.
  • ⁩زیاتر⁦⁩ بخوێنەرەوە (تەنها بە زمانی ئینگلیزی)

ئەم جۆرە خەڵکانەی خوارەوە بە تەواوی لە چوونە ناو کەرەنتین بەخشراون لە کاتی کرکردن و لە دەرەوەی کاتژمێرەکانی کارکردنیش:

  • ئەو کەسانەی کە لە هەندێک ناوچەوە لە وڵاتانی نۆردیک/ئەوروپا وە بە ڕێژەی پێویست کەم توش بوون
    • ئەو وڵات و هەرێمانەی کە ڕێژەی بڵاوبوونەوەی ڤایرۆسەکە تیایاندا نزمە (تەنها بە زمانی ئینگلیزی)
  • ئەو کەسانەی سەردانی کەسی نزیکیان دەکەن بەهۆی ئەوەی نەخۆشیەکی قورسیان گرتوە یان دەیانەوێت ئامادەی ڕێوڕەسمی سوتاندنی جەستە یان پرسەی کەسێکی نزیکیان ببن ڕەنگە لە خۆکەرەنتینکردن ببەخشرێن. ئەم بەخشینە لە خۆکەرەنتینکردن تەنها بۆ ئەو کاتەیە کە سەردانی کەسە نەخۆشەکە دەکەیت یان ئامادەی ڕێوڕەسمی سوتاندنی جەستە یان پرسەکە دەبیت. بەدەر لەمانە مەرجی خۆکەرەنتینکردن دەتگرێتەوە. بەخشینەکە کاتێک دەتگرێتەوە ئەگەر لە سەر سنور ئەنجامی پشکنینەکەت لە هەمان ئەو ڕۆژەدا بە نێگەتیڤ بێتەوە کە ئامادەی ڕێوڕەسمی سوتاندنی جەستە یان پرسەی کەسێکی نزیکت دەبیت. لەم کاتەدا پێویستە خۆت پارەی پشکنینەکە بدەیت.

ئەگەر لە خۆکەرەنتینکردن بەخشرابوویت و نیشانەی کۆڤید-19 تیاتا دەرکەوت، یان پزیشکێک هەستی کرد کە ڕەنگە تووشی کۆڤید-19 بوبیت، دەبێت بچیتە کەرەنتینەوە.

ڕێساکانی چوونە ناو کەرەنتین

  • ⁦⁩⁦دەبێت ماوەی کەرەنتینەکە لە هۆتێلێکی کەرەنتین یان شوێنێکی مانەوەی گونجاو تەواو بکەیت ئەگەر بەخشرابیت لە مانەوە لە هۆتێلی کەرەنتین وەک لەو لیستەی سەرەوەدا باسکراوە⁩.
  • تەنها لە کاتێکدا دەبێت شوێنی مانەوەت بەجێبهێڵیت ئەگەر بتوانیت خۆت لە نزیکبوونەوە لە کەسانی دیکە بپارێزیت، جگە لەو کەسانەی لە شوێنی مانەوەت لەگەڵتدان.
  • نابێت بچیتە ئەم شوێنانە: هیچ شوێنێکی کار کە تێیدا خەڵکانی دیکە هەبن، قوتابخانە یان باخچەی منداڵان.
  • نابێت هۆیەکانی گواستنەوەی گشتی بەکاربهێنیت، جگە لەو کاتانەی دێیت یان دەچیت بۆ ئەم شوێنانە: فڕۆکەخانە، بەندەر یان شوێنێکی هاوشێوەی دیکە کە لێیانەوە دێیتە ناوەوە یان لێیانەوە نەرویژ بەجێدەهێڵیت. لەم کاتەدا، دەبێت دەمامک ببەستیت ئەگەر تەمەنت لە سەروو 12 ساڵەوەیە.

هۆتێلەکانی کەرەنتینە

کاتێک دەچیتە نەرویژ، پێویستە بە شێوەیەکی ئاسایی لە هۆتێلی کەرەنتینە بمێنیتەوە ئەگەر نەتتوانی بیسەلمێنیت کە شوێنی مانەوەی گونجاوی خۆت هەیە تا لە کاتی کەرەنتینەکەدا تیایدا بمێنیتەوە. ⁧⁩دەتوانیت لە دەروازە سنوورییەکان و خاڵەکانی دیکەی گەیشتن بۆ نەرویژ زانیاری دەربارەی هۆتێلەکانی کەرەنتینە لە پۆلیس وەربگریت.⁧⁩

ئەو منداڵانەی خوار تەمەنی هەژدە ساڵن و کەسی پێگەیشتوویان لەگەڵ نیە و لە کەرەنتینکردن نەبەخشراون، دەبێت کەسێک دابین بکرێت بۆ چاودێریکردنیان  لەو هۆتێلەی کە تێیدا کەرەنتین دەکرێن.

ئەم خەڵکانەی خوارەوە پێویست ناکات لە هۆتێلی کەرەنتین بمێننەوە:

  1. ئەو کەسانەی دانیشتووی نەرویژن (واتە ناویان لە تۆماری نیشتیمانیی دانیشتوانی نەرویژدا هەیە) یان دەتوانن بیسەلمێنن کە شوێنێکی نیشتەجێبوونی هەمیشەیی تایبەت بە خۆیان لە نەرویژ هەیە ( بۆ نمونە ⁦شوێنێکی نیشتەجێبوون کە لە بەڕێوەبەرایەتی باجی نەرویژدا تۆمارکرابێت یان گرێبەستێکی بەکرێگرتنی خانوو کە لانی کەم بۆ ماوەی شەش مانگ بێت).
  2. ئەو کەسانەی دەتوانن بیسەلمێنن کە شوێنێکی گونجاویان هەیە بۆ مانەوە لە ماوەی کەرەنتیندا. 'شوێنی گونجاو' واتە شوێنێکی مانەوە کە ژورێکی یەک نەفەری، حەمام و توالێت، چێشتخانە یان خزمەتگوزاری خواردنی تایبەت بە خۆی هەبێت، کە لە ڕێیەوە بتوانیت خۆت لە نزیکبوونەوە لە کەسانی دیکە بپارێزیت. دەکرێت ئەم شوێنە ماڵی پشوو، هۆتێل یان شوێنێکی مانەوەی دیکە بێت کە ئامادەکراوە بۆ کەسەکە.
  3. ئەو کەسانەی هاوسەرگیریان لەگەڵ کەسێک کردوە کە شوێنی مانەوەی هەمیشەیی لە نەرویژ هەیە یان منداڵی هاوبەش لە نێوانیاندا هەیە، هەروەها ئەو منداڵانەیان کە تەمەنیان خوار هەژدە ساڵە. ئەم کەسانە دەتوانن ماوەی کەرەنتینەکەیان لە شوێنی مانەوەی هاوسەرەکەیان یان دایک یان باوکەکەی دیکەیان تەواو بکەن.
  4. ئەو گەشتیارە بازرگانیانەی کە خاوەنکارەکانیان یان ئەوانەی کاریان لەگەڵ دەکەن شوێنێکی گونجاویان لە ژورێکی یەک نەفەریدا بۆ دابیندەکەن. پێویستە بەڵگەت هەبێت کە ⁦⁧⁩ئامانجت ئەنجامدانی کارێک یان ئەرکێکە و خاوەنکارەکەت یان ئەو کەسەی کاری لەگەڵ دەکەیت شوێنێکی مانەوەی گونجاوی بۆ دابینکردویت.⁧⁩ ⁦⁩دەبێت بتوانیت خۆت لە نزیکبونەوە لە کەسانی دیکە بەدوربگریت، هەروەها دەبێت تەلەفزیۆنێکی تایبەت بە خۆت و ئینتەرنێت و حەمام و توالێت و چێشتخانە یان خزمەتگوزاری خواردنی تایبەت بە خۆت هەبێت. .⁦⁩ ⁦⁩بۆ نمونە دەکرێت بەڵگەنامەکە ڕێکەوتنی کارکردن یان ئەنجامدانی ئەرکێک بێت. .⁦⁩ ⁧⁩نوسراوەکە دەبێت ئاماژە بدات بە شوێنی مانەوەت و ناو و ناونیشان و ژمارە تەلەفۆنی خاوەنکارەکە یان ئەو کەسەی کە کاری لەگەڵ دەکەیت.⁧⁩
  5. پەناخوازان و ئەو پەنابەرانەی بە شێوەی کاتیی نیشتەجێکراون.
  6. ئەو شۆفێری بارهەڵگرانەی مەودای دوور دەبڕن، ستافی شەمەندەفەر کە لە شەمەندەفەری بارگواستنەوەدا کار ناکەن، ئەگەر بتوانن ماوەی کەرەنتینەکەیان لە فارگۆنێکی یەک نەفەریی ناو بارهەڵگرەکە یان شەمەندەفەرەکە بەسەربەرن کە گونجاو بێت بۆ بەکارهێنان وەک شوێنێکی مانەوە.
  7. یەکەکانی سەربازانی بیانی کە دێنە نەرویژ بۆ مەبەستی ڕاهێنان، مەشق کردن یان ئۆپەراسیۆنێک کە لە لایەن وەزارەتی بەرگری نەرویژەوە ڕەزامەندی لەسەر درابێت.
  8. ئەو خوێندکارە بیانیانەی کە لە نەرویژ دادەنیشن پێش دەستکردنیان بە خوێندن و ناویان لە تۆماری نیشتیمانیی دانیشتوانی نەرویژدا هەیە، بەوانەشەوە کە شوێنێکی نیشتەجێبوونیان لە وڵاتی خوێندن بە ناوەوەیە ئەمەش داواکراوە بەپێی یاساکانی نۆردیک تایبەت بە تۆماری دانیشتوان. لە ماوەی کەرەنتیندا، دەبێت خۆیان بەدوور بگرن لە نزیکبوونەوە لەو کەسانەی دیکە کە لەگەڵیان دەمێننەوە و پێش کەرەنتینکردنەکە لەگەڵیان نەژیاون.

مەرجی بەخشینەکە ئەوەیە کە تۆ لە ماوەی کەرەنتینەدا لە خانوویەک یان شوێنێی مانەوەی گونجاو بمێنیتەوە.

خەرجیەکان

کرێی مانەوە لە هۆتێلی کەرەنتین 500 کرۆنە بۆهەر ڕۆژێک بۆ کەسانی ئاسایی تەمەن سەروو 18 ساڵ وخاوەنکارەکان. ئەو منداڵانەی تەمەن خوار 10 ساڵن و لەگەڵ دایک یان باوک یان سەرپەرشتیارەکانیان لە یەک ژوردا دەمێننەوە⁩ ⁦هیچ کرێیەکی مانەوەیان لەسەر هەژمار ناکرێت. منداڵانی تەمەن نێوان 10 بۆ 18 ساڵ نیوەی کرێی مانەوەیان لەسەر هەژمار دەکرێت، بۆ نمونە 250 کرۆن بۆ هەر ڕۆژێک کرێی مانەوە لە هۆتێلی کەرەنتین دەدرێت، لە کاتی گەیشتنت یان پێش دەرچوونت لە هۆتێلەکە.

پشکنینی کۆڤید-19 بێبەرامبەر ئەنجامدەدرێت لەو هۆتێلەی تێیدا کەرەنتین دەکرێیت.

لەم ماڵپەڕەوە دەتوانیت زانیاری زیاتر وەربگریت دەربارەی ڤایرۆسی کۆرۆنا بە زمانەکانی دیکە (regjeringen.no)