Dokument som automatisk blir lagra i tenesta
Skjema
Her finn du ein kopi av skjema som du har sendt inn via Helsenorge. Om du har starta utfylling av eit skjema finn du eit utkast av skjemaet her slik at du kan halde fram med utfyllinga seinare.
Innsynsrapport
Har du bedd om innsyn i opplysningar som er registrerte om deg eller kven som har fått tilgang til opplysningane, finn du innsynsrapporten her.
Pasientreiser
Her finn du tidlegare vedtak for pasientreiser.
Dokument du kan samle og lagre i tenesta sjølv
Journaldokument
Du kan velje å lagre dokument frå journalen din. Det kan til dømes vere epikriser, journalnotat eller prøvesvar.
Behandlingsplan
Har du fått ein behandlingsplan frå ein av behandlarane dine kan du lagre ein kopi av han her.
Oppdatering av dokument
Dokument som du lagrar her blir ikkje automatisk oppdatert viss helsepersonell oppdaterer det i systema sine. Hugs derfor på at det kan finnast meir oppdaterte versjonar av dokumenta andre stadar, til dømes hos legen din eller den som behandlar deg.
Tilgang til og sletting av dokument
Tilgang til dokument
Du må vere logga inn for å finne fram og sjå dokumenta du har lagra her. Det er berre du eller dei du har gitt fullmakt til som har tilgang. På kvart enkelt dokument kan du velje om det skal vere synleg for dei med fullmakt.
Slette dokument
Du kan slette dokumenta du har lagra her om du ønsker det. Det er berre kopien du har lagra på Helsenorge som blir sletta, behandlaren din kan framleis ha lagra ein versjon av dokumentet hos seg.