Om Dokument

Du kan velje å lagre dokument frå helsetenesta på Helsenorge. Ingen andre enn deg sjølv og dei du gir fullmakt vil kunne sjå dokumenta du har lagra.

Denne tenesta viser dokumenta dine som er lagra på Helsenorge.

Dette kan til dømes vere dokument du har kopiert frå pasientjournalen din.

Meldingar til og frå helsetenesta blir ikkje viste her. Desse blir berre viste som vedlegg i sjølve meldinga.

Dokument som ligg lagra på Helsenorge vil ikkje bli oppdaterte dersom helsepersonell oppdaterer dei i sine system. Hugs derfor på at eit dokument du har valt å lagre på Helsenorge ikkje nødvendigvis er den sist oppdaterte versjonen.

Tilgang

Det er berre du og dei du gir fullmakt til som har tilgang til dokument som er lagra på Helsenorge. Du må også vere logga inn for å kunne hente dei fram og sjå dei.

Sletting

Du kan slette dokument frå denne tenesta, men då blir berre versjonen som ligg på Helsenorge sletta. Behandlaren din kan framleis ha lagra ein versjon av dokumentet hos seg.

Les meir om personvern for tenestene på Helsenorge.

Meir om tenesta

  • Denne tenesta krev samtykke til tilgangsnivå Basis eller høgare.

    Du kan sjå og endre samtykket ditt under personverninnstillingar.

  • For å kunne nytte denne tenesta på vegner av andre som du ikkje har foreldreansvar for, må dei gi fullmakt til tenesteområde nummer 1: Innsyn i opplysningar registrert om deg.

    Den som gir fullmakta kan velje å skjule enkelte dokument for andre, sjølv om dei har fullmakt.

    Finn meir informasjon om fullmakter.

  • Du kan nytte denne tenesta på vegner av barn under 16 år som du har foreldreansvar for, men berre dersom minst éin av foreldra er folkeregistrert på same adresse som barnet:

    • Dersom ein eller fleire av foreldra er folkeregistrert på same adresse som barnet, vil begge foreldra kunne representere barnet.
    • Dersom ingen av foreldra er folkeregistrert på same adresse som barnet, vil ingen av dei kunne representere barnet.

    Du vil ikkje kunne sjå dokument som kjem frå ei teneste som:

    Her finn du meir informasjon om å representere barn på Helsenorge.

  • Hemmeleg adresse er ofte kalla «fortruleg adresse» eller «adressesperre».

    Denne tenesta er tilgjengeleg for personar med fortruleg adresse (kode 7) og strengt fortruleg adresse (kode 6).

    Dersom delar av denne tenesta inneheld informasjon frå andre tenester som på grunn av fortruleg adresse ikkje er tilgjengeleg for deg, vil du heller ikkje sjå det her.

    Dersom du bur på fortruleg adresse vil du ikkje kunne representere andre på Helsenorge, og andre vil heller ikkje kunne handle på dine vegner.

Veiledning Helsenorge

23 32 70 00

Hverdager kl. 08:00 - 15:30

Innhaldet er levert av Norsk helsenett

Norsk helsenett. Om Dokument. [Internett]. Oslo: Helsedirektoratet; oppdatert onsdag 20. januar 2021 [henta søndag 20. april 2025]. Tilgjengeleg frå: https://www.helsenorge.no/nn/dokumenter/om/

Sist oppdatert onsdag 20. januar 2021