Tilvisingar

Her kan du sjå status og annan informasjon for tilvisingar til sjukehus eller spesialist.

Du kan blant anna sjå status på tilvisingane dine, kven som har tilvist deg og kontaktinformasjon til sjukehuset der tilvisinga er send.

Du ser tilvisingar til sjukehus i

  • Helse Vest
  • Helse nord
  • Helse sør-aust

Få meir informasjon om korleis tilvisingar fungerer, og kva sjukehus du kan sjå tilvisingar frå.

Meir om tenesta

  • Denne tenesta krev samtykke til Full tilgang. Du kan sjå og endre samtykket ditt under personverninnstillingar.

  • For å kunne nytte denne tenesta på vegner av andre som du ikkje har foreldreansvar for, må dei gi fullmakt til tenesteområde nummer 3: Digitale helsetenester.

    Finn meir informasjon om fullmakter.

  • Du kan nytte denne tenesta på vegner av barn under 12 år som du har foreldreansvar for, men berre om minst éin av foreldra er folkeregistrerte på same adresse som barnet:

    • Viss ein eller fleire av foreldra er folkeregistrerte på same adresse som barnet, vil begge foreldre kunne representere barnet.
    • Om ingen av foreldra er folkeregistrerte på same adresse som barnet, vil ingen av dei kunne representere barnet.

    Tilvisingsbrev for barn under 12 år vil først visast i pasientjournal 10 dagar etter at det er sendt, sjølv om statusen til tilvisinga vil visast i Henvisninger frå første dag.

    Det er berre sjukehus i Helse nord og Helse Vest som tilbyr innsyn i tilvisingane til barnet på Helsenorge.

    Her finn du meir informasjon om å representere barn på Helsenorge.

  • Denne tenesta er ikkje tilgjengeleg på vegner av barn mellom 12 og 16 år.

    Meir informasjon om å representere barn på Helsenorge.

  • Hemmeleg adresse blir ofte kalla «fortruleg adresse» eller «adressesperre». 

    Denne tenesta er tilgjengeleg for personar med fortruleg adresse (kode 7) og strengt fortruleg adresse (kode 6). 

    Det kan likevel finnast informasjon i denne tenesta som ikkje er tilgjengeleg for personar med fortruleg eller strengt fortruleg adresse. 

    Om du bur på fortruleg eller strengt fortruleg adresse, vil du ikkje kunne bruke Helsenorge på vegner av andre. Andre vil heller ikkje kunne bruke Helsenorge på dine vegner.