Dette er Helsekontaktar på Helsenorge
Helsekontaktar er noverande eller tidlegare kontaktpersonar i kommunen eller på sjukehus. Listene består både av kontaktar du sjølv har registrert og kontaktar du har fått. Helsekontaktar kan vere både enkeltpersonar og tenester, til dømes heimetenesta.
Ein helsekontakt kan til dømes vere
- fastlege
- helsesjukepleiar og Helsestasjon for ungdom
- jordmortenesta
- heimetenesta
- fysio- og manuellterapaut
- forløpskoordinator kreft
- sjukepleiar eller lege ved sjukehus
- avtalespesialistar
Aktive og tidlegare helsekontaktar
Aktive helsekontaktar er dei du har ein noverande kontakt med, som til dømes fastlegen din. Om du byter fastlege vil den nye visast under aktive helsekontaktar, og den gamle blir automatisk flytta til tidlegare helsekontaktar.
Registrere eigne helsekontaktar
Du kan sjølv registrere andre helsekontaktar, om du ønsker at helsepersonell skal vite om desse.
Forløpskoordinator kreft
Sjukehus og avtalespesialistar
Helsekontaktar hos Studentsamskipnaden i Oslo (SiO)
Om du er student og har helsekontaktar hos Studentsamskipnaden i Oslo (SiO), vil du sjå desse i oversikta over helsekontaktane dine når du har logga inn på Helsenorge.
Sende og få meldingar
Du kan sende meldingar til dei aktive helsekontaktane dine om dei har opna for digital kommunikasjon via Helsenorge.
Du får svar på meldinga di så snart som mogleg.
Har du fått varsel om ny melding?
Når ein av helsekontaktane dine har sendt deg ei melding, vil du få varsel om dette på e-post, sms eller i Helsenorge-appen (pushvarsel). Du finn meldinga i innboksen din på Helsenorge.