Pasientjournal

På denne sida får du sjå utvalt innhald i pasientjournalen og kva sjukehustilsette som har arbeidd i den. Hugs at det kan ta tid før eit dokument er ferdig og kan visast her.

Om tenesta

Når du har pasientjournalen din tilgjengeleg, blir det enklare for deg å ha oversikt over di eiga helse. Du kan ikkje sjølv skrive i journalen, men du kan sjå opplysningane som står der.

Journalen din blir berre vist når du har logga deg inn. Så lenge du ikkje loggar deg inn, finst det heller ingen elektronisk journal på internett.

Kva er pasientjournal?

Les meir om pasientjournal og kva rettar du har.

Meir om tenesta

  • Denne tenesta krev samtykke til tilgangsnivå Basis+ eller høgare.

    Ønsker du å sjå kva samtykke du har gitt, eller endre samtykket, kan du gjere det under Personverninnstillingar.

  • For å kunne bruke denne tenesta på vegner av andre som du ikkje har foreldreansvar for, må dei gi fullmakt til tenesteområde nummer 2: Innsyn i pasientjournal.

    Finn meir informasjon om fullmakter.

  • Barn under 12 år

    Denne tenesta er tilgjengeleg på vegner av barn under 12 år som du har foreldreansvar for, men berre om minst éin av foreldra er folkeregistrerte på same adresse som barnet:

    • Om ein eller fleire av foreldra er folkeregistrerte på same adresse som barnet, kan begge foreldra representere barnet.
    • Om ingen av foreldra er folkeregistrerte på same adresse som barnet, kan ingen av dei representere barnet.

    Her finn du meir informasjon om å representere barn på Helsenorge.

    Barn og ungdom 12 til 16 år

    For barn og ungdom frå 12 til 16 år finst det foreløpig inga løysing for å gi tilgang til pasientjournalen på Helsenorge. For å få tilgang til pasientjournalen til barn og ungdom mellom 12 og 16 år som du har foreldreansvar for, kan du sende inn eit skjema til det sjukehuset det gjeld og be om kopi av pasientjournalen. 

    Frå 16 år

    Når den du har foreldreansvar for har fylt 16 år, har du ikkje lenger tilgang til helseopplysningane deira. For å få tilgang til pasientjournalen kan ungdommen sjølv logge seg inn på Helsenorge, eller gi deg fullmakt.

     

  • Hemmeleg adresse blir ofte kalla «fortruleg adresse» eller «adressesperre». 

    Denne tenesta er tilgjengeleg for personar med fortruleg adresse (kode 7) og strengt fortruleg adresse (kode 6). 

    Det kan likevel finnast informasjon i denne tenesta som ikkje er tilgjengeleg for personar med fortruleg eller strengt fortruleg adresse. 

    Om du bur på fortruleg eller strengt fortruleg adresse, kan du ikkje bruke Helsenorge på vegner av andre. Andre kan heller ikkje bruke Helsenorge på dine vegner.