Korleis fungerer tenesta?
Når du tek ei prøve eller ei undersøking, finn du resultatet av denne under Prøver og undersøkingar.På sikt vil dette gjelde uansett kva behandling du får, eller kven som har bestilt prøva eller undersøkinga. Alle som er involvert i behandlinga di, har tilgang til prøvesvaret ditt.
Du får varsel første gongen eit prøvesvar er klart på Helsenorge. Etter det må du sjølv velje om du ønsker å få varsel om prøvesvar.
Nyttig å vite om Prøver og undersøkingar
Om du ikkje ser prøvevaret ditt, kan det vere fordi:
- Den som bestilte prøva eller utførte prøva ikkje har tatt tenesta i bruk enno.
- Det tek tid før analysen av prøva er klar. Tenesta blir gradvis tilgjengeleg for fleire innbyggjarar, og på sikt vil alle kunne sjå prøvesvara sine.
- Nokre svar på prøver og undersøkingar må gjennom ei fagleg vurdering før du får sjå dei.
- Den som har bestilt prøva, har utsett visning av prøvesvaret slik at dei kan snakke med deg om det først. Les meir i Pasient- og brukarrettslova.
- Du har reservert deg mot at prøvesvar blir registrert. Du kan oppheve dette under Personverninnstillingar.
- Du har reservert deg mot å ha ein Kjernejournal. Har du ikkje Kjernejournal, blir ikkje prøvesvaret vist. Les meir om Kjernejournal.
Når alle prøvesvara frå ei prøvetaking er klar, får du eit varsel frå Helsenorge. Dette kan vere ein e-post, sms eller eit pushvarsel.
Du får ikkje lenger automatisk varsel når prøvesvara dine er klare. Du får berre varsel første gongen eit prøvesvar er tilgjengeleg på Helsenorge.
Om du ønsker å halde fram med å få varsel når prøvesvara dine er klare, kan du velje dette i Varselinnstillingar.Av og til er det fleire prøver som må analyserast før ein svarrapport er klar. Det kan derfor ta tid før du får varselet.
Du får ikkje lenger automatisk varsel når prøvesvara dine er klare. Du får berre varsel første gongen eit prøvesvar er tilgjengeleg på Helsenorge.
Om du ønsker å halde fram med å få varsel når prøvesvara dine er klare, kan du velje dette i Varselinnstillingar. Der må du huke av for varsel frå «Prøvesvar og andre helseopplysningar».
Legen kontaktar deg dersom det er behov for å gå gjennom prøvesvaret ditt.
Av og til er det fleire prøver som må analyserast før ein svarrapport er klar. Det kan derfor ta tid før du får varselet.
Om du har venta ei stund på prøvesvaret ditt kan det vere fordi den som har bestilt prøva har utsett visning av prøvesvaret slik at dei kan snakke med deg om det først. Les meir i Pasient- og brukarrettslova.
Dette gjer dei for å vere sikre på at du forstår kva prøvesvaret ditt betyr og gir deg høve til å stille spørsmål.
Du kan sjå prøvesvar for barnet ditt fram til det fyller 12 år. Etter dette får du ikkje lenger tilgang til tenesta.
Treng du informasjon om prøvesvar etter at barnet har fylt 12 år, kan du kontakte legen som behandlar barnet. Årsaka til dette er at barn får større rett til personvern frå dei er 12 år.
I tenesta Prøver og undersøkingar ser du svar på prøver og undersøkingar som er tekne etter 4. juni 2025. Når du tek fleire prøver, blir svara samla over tid slik at du får ei oversikt over alle prøvesvara dine.
Om du har ein tilsvarande historikk på nettsidene til Fürst, må du forhalde deg til denne.
Alle som er involverte i behandlinga di har tilgang til prøvesvaret ditt. Dersom du ønsker å avgrense kven som har tilgang, kan du gjere det. Les meir om rettane dine ved deling av helseopplysningar eller ring Rettleiing Helsenorge på 23 32 70 00.
Informasjonen du ser under Prøver og undersøkingar er den same som helsepersonell ser i systema sine. Den er berekna på dei som har helsefagleg bakgrunn, og kan vere vanskeleg å forstå om du ikkje sjølv er helsepersonell.
Mange prøvesvar har ei ordforklaring som blir vist når du klikkar på prøvesvaret. Denne skal hjelpe deg med å forstå prøvesvaret ditt.
Hugs at legen din kontaktar deg dersom det er behov for å snakke med deg om resultatet av prøva.
Om du ikkje kan eller ønsker å bruke tenesta Prøver og undersøkingar, kan du bruke eitt av desse skjemaa for å sjå prøvesvara dine.
Prøvesvara blir delte med dei som behandlar deg
Med tenesta Prøver og undersøkingar får helsepersonell enklare tilgang til prøvesvara dine. Dette kan vere nyttig om du har ein kronisk sjukdom eller eit komplekst behandlingsforløp. Det kan òg vere viktig om du har behov for akutt hjelp, til dømes på legevakta.
Meir informasjon om lagring og tilgang til Prøvesvar
Opplysningar som blir lagra er:
- datoen då du tok prøva eller blei undersøkt
- kven som bestilte prøva eller undersøkinga
- kor du tok prøva eller blei undersøkt
- resultatet av prøva eller undersøkinga
- Hos dei som har bestilt prøva eller undersøkinga. Til dømes fastlegen din.
- Hos dei som tek prøva eller undersøker deg. Til dømes på sjukehuset, i samband med at du tek prøva.
- Hos laboratoriet som analyserer prøva.
- I kjernejournalen din.
På Helsenorge kan du sjå kven som har sett på prøvesvara dine i Logg over bruk.
Du kan også velje å sende inn skjema for å få tilsendt utskrift av kven som har sett på prøvesvara:
Helsedirektoratet er dataansvarleg for tenesta Prøver og undersøkingar. Det betyr at dei er ansvarlege for at behandling og lagring av opplysningane om prøvesvara dine skjer på ein forsvarleg måte. Du kan lese meir om dette hos Helsedirektoratet.
Sperre eller blokkere tilgang for helsepersonell
Om du ikkje ønsker at opplysningar om deg skal bli registrerte og lagra i tenesta, kan du når som helst og utan grunn, reservere deg mot dette. Du gjer dette under Personverninnstillingar.
Opplysningane om deg blir sletta, og det blir ikkje lagra opplysningar om deg i framtida.
Den som bestilte prøvene, vil framleis kunne sjå prøvesvara i journalsystemet sitt fordi dei har plikt til å lagre informasjonen i pasientjournalen din.
Det kan ta 30 dagar frå du reserverer deg til opplysningane om prøvesvara dine er sletta.
Om du ikkje ønsker at prøvesvara dine skal delast med helsepersonell, kan du avgrense (sperre) tilgangen. Dette gjer du under Personverninnstillingar.
Dei som bestiller prøver og undersøkingar av deg, vil framleis kunne sjå resultata av desse i journalsystemet sitt. Det gjeld òg anna helsepersonell som jobbar ved same stad som den som bestiller prøva eller undersøkinga. Helsepersonell som jobbar andre stadar, må be om ditt samtykke om dei skal sjå prøvesvaret ditt.
Er du i ein akuttsituasjon, kan dei som skal behandle deg få tilgang til prøvesvara dine dersom dette er nødvendig for å gi deg akutt hjelp.
Risiko ved å sperre tilgang til prøvesvar
Prøvesvara dine er viktige for at helsepersonell får enkel og sikker tilgang til rette opplysningar når dei gir deg helsehjelp. Om du sperrar tilgang til tenesta Prøver og undersøkingar for helsepersonell, avgrensar du tilgangen helsepersonell har til alle prøvesvara dine. Når dei ikkje har denne tilgangen, kan det føre til at blodprøver eller røntgenbilete må takast på nytt.
Om du ikkje ønsker at prøvesvara dine skal delast med namngitt helsepersonell, kan du avgrense tilgangen deira ved å blokkere dei frå å sjå prøvesvara dine. Dette gjer du under Personverninnstillingar. Ei blokkering gjeld alltid, også i akuttsituasjonar.
For å registrere ei blokkering, må du kjenne til helsepersonellnummeret (HPR-nummeret) til den det gjeld. Du finn HPR-nummeret i Helsepersonellregisteret.
Risiko ved å blokkere tilgang til prøvesvar
Prøvesvara dine er viktige for at helsepersonell får enkel og sikker tilgang til rette opplysningar når dei gir deg helsehjelp. Om du blokkerer helsepersonell frå å sjå prøvesvara dine, avgrensar du tilgangen dei har til alle opplysningane om deg og prøvesvara dine. Det kan føre til at dei ikkje kan gi deg den helsehjelpa du treng, sjølv i ein akuttsituasjon.
Om du ikkje ønsker å logge deg inn på Helsenorge for å sperre eller blokkere tilgang til helsepersonell, kan du òg gjere det ved å sende inn papirskjema. Du kan òg bruke papirskjema for å reservere deg mot tenesta Prøver og undersøkingar.
Sperre tilgang for helsepersonell
Skjema for å sperre helsepersonell sin tilgang til tenesta Prøvesvar (pdf)
Skjema for å sperre helsepersonell sin tilgang til tenesta Prøvesvar for barn under 16 år (pdf)
Blokkere tilgang for helsepersonell
Skjema for å blokkere helsepersonell sin tilgang til tenesta Prøvesvar (pdf)
Skjema for å blokkere helsepersonell sin tilgang til tenesta Prøvesvar for barn under 16 år (pdf)
Reservere deg mot tenesta
Skjema for å reservere deg mot tenesta Prøvesvar (pdf)
Skjema for å reservere barn under 16 år mot tenesta Prøvesvar (pdf)
Informasjon om andre prøvesvar
Om du har vore på eit sjukehus i Helse vest og tatt ei prøve, kan du sjå svaret på prøva under Prøvesvar frå sjukehus i Helse Vest. Desse prøvesvara blir viste som dokument og har ikkje ordforklaringar. Har du spørsmål til desse, må du kontakte dei som behandlar deg.
Du kan ikkje lenger sjå prøvesvara dine for koronavirus på Helsenorge. Har du spørsmål om ei koronaprøve du har tatt, kan du kontakte legen din.