Personverninnstillingar

Samtykke til å bruke tenestene på Helsenorge

For å ta i bruk dei Helsenorge-tenestene som krever innlogging, må du først gi ditt samtykke til at Helsenorge kan:

• innhente helseopplysningar om deg frå eksterne register og andre kjelder
• samanstille og behandle denne informasjonen, og lage lister basert på dei, som kan visast til deg i tenestene
• lagre opplysningane så lenge det er nødvendig for at du skal kunne bruke tenestene
• la eksterne aktørar ta kontakt med deg

Samtykket kan endrast eller trekkast tilbake når som helst.

Opplysningar som blir lagra om deg, blir berre lagra så lenge det er nødvendig for å bruke tenestene. Dersom du trekker samtykket ditt, blir alle opplysningar om deg sletta, med unntak om informasjon om samtykke og reservasjonar.

Dersom du samtykker, hentar Helsenorge inn opplysningar om deg frå folkeregisteret, kontakt- og reservasjonsregisteret og fastlegeregisteret.

Du kan velje mellom desse tre alternativa:

1. Basis: Dette er det minste du må samtykke til for å bruke innlogga tenester på Helsenorge. Dette samtykket gir deg innsyn i dine eigne opplysningar, med unntak av pasientjournalen din. Dette samtykket gir deg også tilgang til tenester som involverer slikt innsyn.
2. Basis+: Dette er det same som Basis, men du får i tillegg tilgang til tenestene som involverer innsyn i pasientjournalen din.
3. Full tilgang: Dette gir deg tilgang til alle tenestene på Helsenorge.

Basis

Med dette valet har du høve til å sjå opplysningar som er registrert om deg i helse- og omsorgssektoren, og be om retting og sletting av enkelte av desse opplysningane.

Det vil seie at du då får tilgang til å:

• sjå informasjon om fastlegen din
• sjå kva vaksinar du har tatt
• sjå status på frikort og eigendelar
• sjå oversikt over reseptane dine tre år tilbake i tid
• sjå prøvesvara dine
• sjå data som er registrert om deg i Helseregister-tenesta som til dømes reseptar og vaksinar. Du får ikkje tilgang til desse tenestene på Helsenorge, men kan sjå din eigen informasjon i Helseregister
• sjå informasjon om forskingsprosjekt du deltek i
• bytte fastlege, og sette deg på venteliste til ein fastlege som ikkje har ledig plass
• søke om Europeisk helsetrygdkort
• be om retting av feil i register
• styre profilinnstillingane dine
• få oversikt over samtykka og reservasjonane dine

Basis+

Med dette valet får du tilgang til det same som Basis, i tillegg til å sjå dei journaldokumenta frå sjukehus som helsepersonell har gjort digitalt tilgjengelege.

Med dette valet har du høve til å sjå opplysningar som er registrert om deg i helse- og omsorgssektoren, og be om retting og sletting av enkelte av desse opplysningane.

Det vil seie at du då får tilgang til å:

• sjå informasjon om fastlegen din
• sjå status på frikortet og eigendelane dine
• sjå aktive reseptar og reseptar tre år tilbake i tid
• sjå vaksinekortet ditt
• sjå informasjon om forskingsprosjekt du deltek i
• bytte fastlege, og sette deg på venteliste til ein fastlege som ikkje har ledig plass
• be om retting av feil i register
• styre profilinnstillingane dine
• få oversikt over samtykka og reservasjonane dine
• sjå prøvesvara dine
• sjå pasientjournalen din og oppslag helsepersonell har gjort i han
• be om retting av feil i pasientjournalen din

Full

Med full tilgang får du tilgang til å bruke alle tenester på Helsenorge. Det vil seie alt som er inkludert i Basis og Basis+, i tillegg til å sjå informasjon om til dømes timar og prøvesvar, og få brev, skjema og liknande for utfylling.

Det vil seie at du då får tilgang til å:

• sjå informasjon om fastlegen din.
• sjå status på frikortet og eigendelane dine.
• sjå data som er registrert om deg i Helseregister-tenesta, som til dømes reseptar og vaksinar. Du får ikkje tilgang til desse tenestene på Helsenorge, men kan sjå din eigen informasjon i Helseregister.
• sjå informasjon om forskingsprosjekt du deltek i.
• bytte fastlege, og sette deg på venteliste til ein fastlege som ikkje har ledig plass.
• be om retting av feil i register.
• styre profilinnstillingane dine.
• få oversikt over samtykka og reservasjonane dine.
• sjå prøvesvara dine.
• sjå pasientjournalen din og oppslaga helsepersonell har gjort i han.
• be om retting av feil i pasientjournalen din.
• fornye reseptar.
• bestille timar og administrere timeavtalane dine.
• kommunisere med behandlarane dine og andre helsekontaktar.
• registrere eigne opplysningar.
• bruke nye tenester som er direkte knytt til førebygging, behandling eller oppfølging av helsa di.
• få oversikt over tilvisingane dine
• få oversikt over helsekontaktane dine.
• få nettkurs eller videoar som hjelper deg å mestre helse- og livssituasjonen din.