Heahtedilis lea dehálaš diehtit maid galggat dahkat. Don sáhtát várjalit iežat ja iežat lagamuččaid go čuovut rávvagiid mat leat listtus. 

Muitte dieđihit heahteetáhtaide, riŋge 110, 111 dahje 113, ja čuovo sin bagadusaid báikkis.

Dát rávvagat leat obbalaččat ja gustojit buot heahtedáhpáhusaide main fáhtehalat várálaš ávdnasiidda. Dat mearkkaša ahte dat vuosttaš rávvagat várjalit iežat leat ovttaláganat, beroškeahttá makkár ávnnas lea čuohcán dutnje. 

Dárkilet rávvagat sáhttet addojuvvot konkrehta dáhpáhusas.

Muitte ahte jierásmuvvan ja ballu ieš alddis sáhttá dahkat ahte don dovddat iežat buohccin. Dat ii dárbbaš mearkkašit ahte várálaš ávdnasat leat čuohcán dutnje.

Mat leat várálaš ávdnasat? 

Muhtun ávdnasiiguin lea várálaš deaividit.  Dat sáhttet leat kemihkalaččat, njoammu, rádioaktiivvalaččat dahje eksplosiiva. Eahpedábálaš dáhpáhusat dakkár várálaš ávdnasiiguin gohčoduvvojit dávjá CBRNE-dáhpáhussan. 

Sivvan dakkár heahtedáhpáhusaide sáhttet leat 

  • stuorát lihkohisvuođat 
  • terror 
  • soahti 

Váldde oktavuođa doaktáriin jus oaččut symptomaid. 

Sisdoalu lea almmuhan Folkehelseinstituttet, Oslo universitetssykehus HF

Folkehelseinstituttet, Oslo universitetssykehus HF. Maid dagat jus várálaš ávdnasat čuhcet dutnje?. [Interneahtta]. Oslo: Dearvvašvuođadirektoráhta; ođasmahtton 2024 borgemánnu 27, maŋŋebárga [vižžon 2025 čakčamánnu 18, duorasdat]. Oažžumis dáppe: https://www.helsenorge.no/se/forstehjelp/farlige-stoffer/

Maŋimusat ođastuvvon 2024 borgemánnu 27, maŋŋebárga