Pasieantamátki

Oza ruđa maŋŋel mátkki

Jus leat ieš ásahan mátkki, de sáhtat ohcat ruhtadoarjaga maŋŋel mátkki. Dan dagat helsenorge.no´s dahje ohcanskovi bokte bábirhámis. Goappašagat leat sámegillii.

Don fertet ohcat maŋŋel mátkki, ja muitte sáddet ohcama maŋimusat ovdal 6 mánu dikšuma rájes.

Oza neahta bokte

Jus ozat mátkki gokčojuvvot helsenorge.no´s, de oaččut mearrádusa maid doppe. Jus it leat ovttaoaivil mearrádusa badjel, de sáhtat váidit. Dan dagat helsenorge.no´s.

Oza bábirhámis

Jus it sáhte dahje hálidat ohcat helsenorge.no´s bokte, de sáhtat sáddet ohcanskovi bokte bábirhámis.

Dan sáhtat oažžut iežat divššáris dahje viežžat helsenorge.no´s, ja sáddet gárvvisin sihkarvuođa dieđáhusbalvalusa bokte (don fertet logget sisa ID-porten bokte go deaddilat liŋka) dahje dán čujuhussii:

Pasientreiser HF
Postboks 2533 Kjørbekk
3702 Skien

Dalle oaččut mearrádusa poasta bokte.

Erenoamaš mátkkit

Muhtin mátkkiidda sáhtat ohcat ruđa ohcanskovi bokte bábirhámis. Dákkár mátkkiid oktavuođas de sáddejuvvo mátkerehketskovvi eará čujuhussii.

Mátkkit mat guoskkahuvvojit leat:

• čiegus čujuhus
• dearvvašvuođafállan áigemeari rihkkun
• orgánadonašuvdna
• tuberkulosaiskkus

Ohcanskovvi dáid mátkkiidda sáddejuvvo sihkarvuođa dieđáhusbalvalusa bokte (don fertet logget sisa ID-porten bokte go deaddilat liŋka) dahje dán čujuhussii:

Pasientreiser HF
Postboks 2864 Kjørbekk
3702 Skien

Fásta submi juohke kilomehtera bokte

Váldonjuolggádusa lea ahte mátki buhtaduvvo dihto meriin kilomehteris (stándardmáksomearri). Jus leat mátkkoštan eanet go 300 kilomehtera juohke guvlui de sáhtat oažžut gokčojuvvo goluid hálbbimus almmolaš sáhttu meriin.

Fertet máksit iežasoasi jus dus ii leat friddjakoarta.

Jus galgat oažžut ruhtadoarjaga, de ferte mátkki leat:

• guhkkit go 10 kilomehtera juohke guvlui. Sáhtat oažžut gokčojuvvot mátkkiid vuolil 10 kilomehtera jus divššodeaddji duođášta ahte ledje dearvvašvuođa sivat biilageavaheapmái dahje droššin johtit.
• máŋga tákstaavádaga bokte almmolaš sáhttuin. Jus mátkki lea ovtta tákstaavádaga siste, dalle ii gokčojuvvo mátkki pasieantamátkki čađa. Vaikko makkár fievrru leaččat geavahan. Earo jus divššodeaddji duođášta ahte lei darbbašlaš biilla dahje drošša geavahit dán mátkái. Sáhtát maid fitnet gokčojuvvot mátkki ovtta tákstaavádaga siste jus it livčče juksan divššu jus almmolaš sáhtuin livččet johttán. Dán fertet de čilget.

Parkeren, feargajohtin, fánas ja biikkadeahkkadivvadaga

Jus áiggot oažžut gokčojuvvot parkeren, biilafearga, bomma ja biikkadeahkkadivvadaga   dearvvašvuođalaš siva geažil, de ferte divššudeaddji duođáštit dan.

Jus ledje mátkkálaš sivat biillageavaheapmái, nu go ahte ii gávdnon almmolaš sáhttu dan gaskkas, de fertet dán čilget go ozat.

Jus lei darbbašlaš biillageavaheapmái ja ii leat duođáštus, de sáhtát oažžut gokčojuvvot mátkki fásta submin juohke kilomehteris.

Girdi

Jus fertet geavahit girdi dikšui, de fertet riŋget Pasieantamátkkái telefovnna bokte 05515 nummariin go oaččut sisagohččunreivve. Pasieantamátkki ferte girdibileahtta diŋgut du ovddas.

Jus diŋgot ja mávssát girdibileahtta ieš, de sáhtát ohcat gokčojuvvot dihto meriin kilomehteris (stándardmáksomearri) maŋŋel mátkki. Mátkkit eanet go 300 kilomehter juohke guvlui gokčojuvvojit golut hálbbimus almmolaš sáhttu meriin.

Rekviverejuvvon mátki

Jus ii leat vejolaš almmolaš sáhttu, ieš vuoddjit dahje eará sáhttu, de sáhttá divššudeaddji dahje Pasieantamátkki rekviveret mátkki mas lea heivvehuvvonsáhttu.

Jus galggat oažžut rekviverejuvvon mátkki, de ferte dearvvašvuođasivaid dihtii leat darbbašlaš. Jus lea dearvvašvuođasivaid dihtii darbbašlaš, váldde oktavuođa iežat divššárin. Jus lea johtolas sivat, váldde oktavuođa Pasieantamátkkiin telefovnna bokte 05515 nummariin.

Sámegiellahálli áššemeannudeaddji

Jus darbbašat hallat sámegiellahálli áššemeannudeadjin, váldde oktavuođa njuolgga Pasieanttamátkkiin Finnmarkssykehuset HF bokte. Jus Pasieanttamátkki Finnmarkssykehuset HF ii leat lagamus pasieantamátkkekantuvra, de riŋge 05515 nummariin, deaddil “0” boahtit eará kantuvrii, ja deaddil dan maŋŋel poastanummara “9600”.

Lagamus báiki

Váldonjuolggadus lea ahte  mátkegolut gokčojuvvojit seammá meriin go livččii álbmotregistrerejuvvon čujuhussii/ čujuhusas lagamus dikšunbáikái ja ruoktot fas. Jus leat eará báikkis go álbmotregistrerejuvvon čujuhusas barggu, studerema, militearabálvalus dahje institušuvnna sajušteami dihtii de sáhttet mátkegolut gokčojuvvot doppe.

Mátkkit spesialistadearvvašvuođabálvalusaide (ovdamearkka dihtii buohccivissui dahje spesialisttaid lusa) gokčojuvvojit mátkkit iežat dearvvašvuođaregiovnnas (regjeringen.no)

Jus leat ožžon divššu olggobealde iežat dearvvašvuođaregiovnnas, ja leat friija dikšunválljema oktavuođas mátkkoštan de gessojuvvo stuorát iežasoassi mátkái.

Mátkkit sihke dearvvašvuođabalvalusii ja ruoktot fas (ovdamearka dihtii fástadoaktárii), sáhtát oažžut gokčojuvvot mátki iežat gieldda siste dahje ovttasbarggugielddaiguin. Jus don ovdamearka dihtii váljjet fástadoaktára eará gielddas, de sáhtát lihkká oažžut mátki gokčojuvvot. Ruhtadoarjagat leat seammalágan jus leat mátkkošteamin geográfalaččat lagamus dikšunbáikái. Don mávssát iežasoasi juohke mátkái jus ii leat friddjakoarta dahje luvvena vuođul.

Boahtinduođáštus

Don it darbbaš boahtinduođáštusa bidjat mielddusin iežat divššodeaddjis ahte leat leamaš divššus.

Boahtinduođaštus ferte aŋkke mielddusin go

• fuolaheaddji ohccá mánnái gaskkal 12 ja 18 jagi
• mieđušteaddji ohccá gokčojuvvot mátkegoluid
• oapmahaččat ohcet gokčojuvvot mátkegoluid
• lei mátkekursii ja dikšui mii ii registrerejuvvo elektrovnnalaččat
• olmmoš guđes čiegus čujuhus ohccá
• mátki lei orgánadonašuvnna oktavuođas
• mátki lei tuberkolosaiskosa oktavuođas

Mieđusteaddji

Mieđusteaddji sáhtá oažžut gokčojuvvot goluid jus divššodeaddji duođášta ahte dearvvašvuođasivaid dihtii lei darbbašlaš mieđuštit.

Jus mieđusteaddji ja pasieanta mátkkošteaba biillain, de gokčojuvvo mátki ovttain stándardmáksomeriin. Jus pasieantta ja mieđusteaddji mátkkošteaba almmolaš sáhttuin de gokčojuvvo guovtti stándardmáksomeriin juohke kilomehtera bokte. Muitte bidjat guittid dahje bileahtaid mielddusin.

Jus leat mieđusteaddji mánnái vuolil 18 jagi, de it darbbaš bidjat duođaštusa. Váldonjuolggadus lea ahte okta mieđušteaddji gokčojuvvo. Sáhtát ohcat ahte guokte mieđušteaddji gokčojuvvojit jus divššodeaddji duođašta ahte dearvvašvuođasivaid dihtii lei dárbbašlaš, beroškeahttá jus čuovvuba máná. Goappášagat váhnemat sáhttiba oažžut gokčojuvvot goluid sihke dikšunbáikái ja ruoktot fas jus čuovvuba duođalaččat buohccán máná

Eambbo dieđut

Jus lea gažaldagat dahje darbbašat eambbo dieđuid pasieanttamátkkid birra, de váldde oktavuođa Pasieantamátkkiin telefovnna bokte 05515 nummariin.