Lasáhusat

Njammi mánát berrejit oažžut D-vitamiidnalasáhusa. Mánát geat ožžot čižžemielkebuhtadusa, eai dárbbaš lasáhusa.

D-vitamiidnalasáhus - maid dárbbaša mánná gii beare njammá čižžemielkki?

D-vitamiidnalasáhus - maid dárbbaša mánná gii beare njammá čižžemielkki?

Mánát geat beare njammet čižžemielkki dárbbašit D-vitamiidnalasáhusa. Čižžemielkkis lea unnán D-vitamiidna. Ávžžuhuvvo ahte addo 10 mikrográmma D-vitamiidna beaivái. Atte 5 D-vitamiidnagoaikkanasa juohke beaivvi dan rájes go mánná lea sullii 1 vahku. Sáhttá maiddái geavahit D-vitamiidnaspráijja. Čuovo rávvaga mii lea čállon páhkkii. Vai čoalit váldet kalsiuma de dárbbašuvvo D-vitamiidna. Mánát dárbbašit kalsiuma vai dákteriggi ahtanuššá. Ii ávžžuhuvvo addit guollevuoja lasáhussan vuosttaš jagi.

D-vitamiidnalasáhus - maid dárbbašit mánát geat beare ožžot čižžemielkebuhtadusa?

D-vitamiidnalasáhus - maid dárbbašit mánát geat beare ožžot čižžemielkebuhtadusa?

Jus mánná dušše oažžu čižžemielkebuhtadusa, de ii dárbbaš D-vitamiidnalasáhusa. Čižžemielkebuhtadusas lea D-vitamiidna. Jus mánná juohke beaivvi oažžu 7 dl čižžemielkebuhtadusa dahje eanet, de dat oažžu doarvái D-vitamiinna čižžemielkebuhtadusas. 7 dl čižžemielkebuhtadusas lea 10 mikrográmma D-vitamiidna. Mánáide ávžžuhuvvo addit 10 mikrográmma D-Vitamiinna beaivái. Jus mánná oažžu 7 dl čižžemielkebuhtadusa dahje eanet, de ii dárbbaš lasáhusa. Sáhttá šaddat menddo ollu jus oažžu D-vitamiinna sihke čižžemielkebuhtadusas ja lasáhusas. Ii ávžžuhuvvo addit guollevuoja lasáhussan vuosttaš jagi.

D-vitamiidnalasáhus - maid dárbbašit mánát geat ožžot sihke čižžemielkki ja čižžemielkebuhtadusa?

D-vitamiidnalasáhus - maid dárbbašit mánát geat ožžot sihke čižžemielkki ja čižžemielkebuhtadusa?

Jus mánná oažžu sihke čižžemielkki ja čižžemielkebuhtadusa, de sáhttá leat nu ahte dárbbaša D-vitamiidnalasáhusa. Man ollu D-vitamiidnalasáhusa mánná berre oažžut, lea dan duohken man ollu čižžemielkebuhtadusa mánná oažžu beaivái.

  • Jus mánná oažžu 1-3 dl čižžemielkebuhtadusa beaivái, de addojit 5 D-vitamiidnagoaikkanasa.
  • Jus mánná oažžu 4-6 dl čižžemielkebuhtadusa beaivái, de addojit 3 D-vitamiidnagoaikkanasa.
  • Jus mánná oažžu 7 dl čižžemielkebuhtadusa dahje eanet, de ii addo lasáhus.

7 dl čižžemielkebuhtadus addá 10 mikrográmma D-vitamiinna beaivái. Ja lea nu ollu D-vitamiidna mii ávžžuhuvvo. Sáhttá maiddái geavahit D-vitamiidnaspráijja. Čuovo rávvaga mii lea čállon páhkkii. Čižžemielkkis lea unnán D-vitamiidna. Ii ávžžuhuvvo addit guollevuoja lasáhussan vuosttaš jagi.

Hay G, Fadnes L, Holven KB, Øverby NC, Madar AA, Henriksen C. Nye råd om D-vitamintilskudd og tran til spedbarn. Tidsskr Nor Legeforen [Elektronisk artikkel]. 2020 Okt [Hentet 2021-02-22];16(1):5s. Tilgjengelig fra: https://tidsskriftet.no/2020/10/kronikk/nye-rad-om-d-vitamintilskudd-og-tran-til-spedbarn

Helsedirektoratet. Nasjonal faglig retningslinje for spedbarnsernæring. [Internett].Oslo: Helsedirektoratet; 2021 [hentet 2021-02-17]. Tilgjengelig fra: https://www.helsedirektoratet.no/retningslinjer/spedbarnsernaering

Sisdoalu lea almmuhan Helsedirektoratet

Helsedirektoratet. Lasáhusat. [Interneahtta]. Oslo: Dearvvašvuođadirektoráhta; ođasmahtton 2021 guovvamánnu 22, vuossárga [vižžon 2024 guovvamánnu 26, vuossárga]. Oažžumis dáppe: https://www.helsenorge.no/se/spedbarn/spedbarnsmat-og-amming/lasahusat/

Maŋimusat ođastuvvon 2021 guovvamánnu 22, vuossárga