Soo gelitaanka Noorway – xeerka karantiilka iyo qaadista tijaabada

Waxa xilligan Norway soo geli kara keliya muwaadiniinta noorweyjiga ah iyo ajnabiga si joogto ah u deggan Norway. Dhammaan dadka ajnabiga waa loo diidayaa soo gelitaanka waddanka iyadoo aan si gaar ah loo eegayn, haddi aanay ka mid ahayn kuwa laga dhaafay ee hoos ku sharraxan.

Dawladda Norway waxa ay dhammaan dadka deggan Norway kula talinaysaa in ay iska dhaafaan safarrada lagaga baxayo waddanka ee aan ahayn lagama maarmaan weyn. Dadka ku soo laabta Norway iyagoo ka soo laabtay safar aan lagama maarmaan ahayn waa in ay karantiilka ku qaataan hoteel karantiil ah. Waxyaalaha loo arko safar lagama maarmaan ah waxa lagu sharraxay qaybta ku saabsan hoteel karantiil.

Qofka imanaya Noorway waa in uu weli ku dhaqmo xeerarkan:

  • Waa in aad buuxiso foomka diiwaangelinta safarka ka hor intaanad soo bixin
  • Waa in aad wadato shahaado cadaynaysa in lagaa waayey koroonada, iyadoo tijaabada la qaaday xilli ka mid ah 24-kii saacadood ee ka horeeyey xilliga aad imanayso
  • Waa in aad tijaabo iska qaado marka aad timaado Noorway
  • Waa in aad Noorway ku gasho karantiimo 10 maalmood ah

Ku xadgudubka xeerarka covid-19 waxa ciqaabtoodu tahay ganaaxyo lacageed oo waaweyn.

Yaa hadda soo geli kara Norway

Xayiraadaha soo gelitaanka Noorway waxay khuseyaan dadka ka imanaya waddamada dhan, xataa dadka degan waddamada Midowga Yurub/Waddamada Aaga Wadashaqaynta Dhaqaale ee Yurub (EØS) iyo dadka degan waddamada Woqooyiga Yurub. Waxa ka mid ah:

  1. Dalxiiseyaasha
  2. Xubnaha qoyska ee aan lagu hoos xusin cida laga dhaafay: ehelka dhow
  3. Saaxiib(ad) ama qof in la is guursado lagula heshiiyey
  4. Dadka degan waddamada Midowga Yurub/Waddamada Aaga Wadashaqaynta Dhaqaale ee Yurub (EØS) (kuna jiraan dadka degan waddamada Woqooyiga Yurub), ee shaqo ama waxbarasho u imanaya Noorway, oo aan ka mid ahayn dadka laga dhaafay ee hoos ku qoran
  5. Safarleyda arrimo ganacsi u imanaysa waddanka
  6. Qof ajnabi ah oo la siiyey fiisaha waddamada Schengen, laakiin aan hoos imanayn qodobada dadka laga dhaafay ee hoos ku qoran
  7. Dadka guri-fasaxeed ku leh Noorway, laakiin aan halkaas ku noolayn / deganayn

Dadka qaarkood ayaa laga dhaafay xeerka, kuwan ayaa ugu badan:

  1. Ajnabiga si joogto ah u deggan Norway, haddii ay leeyihiin guriga ama haddii ay kiraysteen ba.
  2. Dadka sabab caadi ahayn darteed u imanaya waddanka, sida masuuliyad daryeel oo ka saraan ama uu ku leeyahay dad jooga Noorway, ama xaalado waaweyn sida booqashada qof sakaraad ah ama qaba xanuun weyn oo ahehel dhow.
  3. Ajnabiga carruurtooda la yeelanaya kulan/is-arag lagu balamay ama la go’aamiyey
  4. Ehelka ugu dhow qofka: xaaska/qof ay lammaane ku diiwaangashan yihiin/wada noolyihiin, carruur da’ yar ah ama carruur uu dhalay qofka aad is qabtaan, waalidka carruur da’ yar ah ama carruur uu dhalatay qofka aad is qabtaan
  5. Saxaafiyiinta iyo shaqaalaha kale ee hawl u wada hay’ad warbaahineed oo waddan kale ku taala.
  6. Ajnabiga diyaaradda ku beddelanaya garoon diyaaradeed oo ku yaala Noorway (ha noqoto duulitaannada caalamiga ah iyo kuwa Schengen gudaheeda ah)
  7. Shaqaalaha shaqooyinka badda iyo duulitaannada diyaaradaha
  8. Ajnabiga wada gaadiid sida badeecad ama dad
  9. Ajnabiga ka shaqeeya shaqooyinka aad ugu muhiim ah bulshada. Waa in ay wataan cadayn ka timi shaqo-bixiyaha.
  10. Shaqaalaha caafimaadka ee ka yimi iswiidhan ama Finland ee ka shaqeeya adeegyada caafimaadka iyo daryeelka ee Noorway
  11. Shaqaale si weyn looga maarmi karin. Waa in shaqo-bixiyuhu oggolaansho ka helo hay’addaha dawladda Noorway ka hor intaan shaqaaluhu iman Noorway.
  12. Carruurta maalin kasta ka soo gudubta xuduudaha Noorway si ay u aadaan iskuul
  13. Ajnabiga degan Iswiidhan ama Finland ee maalintii uu soo shaqo taga Noorway

Liis buuxa oo ka kooban ka dhaafitaannada oo dhan, ka eeg lovdata.no (ingiriisi keliya)

Is diiwaangelinta ka hor intaanad soo gelin waddanka

Qof kasta oo soo gelaya Noorway waa inuu buuxiyo foomka soo gelitaanka. Diiwaangelinta dhijitaalka ah kadib waxaad helaysaa rasiidh aad booliska tusayso markaad timaado.

Waa inaad is diiwaangeliso ka hor intaanad iman Noorway, laakiin ma ka horayn karto xilliga ku beegan 72 sacadood ka hor soo wakhtiga gelitaanka.

Gal diiwaangelinta soo gelitaanka ee dhijitaalka ah (entrynorway.no)

Karantiilka iyo tijaabo-qaadista Norway: Eeg xeerarka ku khuseeya (Helsedirektoratet.no)

Tijaabo qaadis ka horreysa xilliga soo gelitaanka waddanka

Shahaado tijaabo covid-19 ah oo natiijadu tahay ka waayitaan (negatiif)

Dhammaan muwaadiniinta Norway iyo ajnabiga laga dhaafay madnuucista soo gelitaanka waddanka, waa in ay soo bandhigaan shahaado muujinaysa in laga waayey koroona, marka ay yimaadaan xadka Noorway.

  • Waa in tijaabada la qaaday xilli ka mid ah 24-kii sacadood ee ka horeeyey wakhtiga imaanshaha Noorway
  • Habka tijaabada ee la oggolyahay waa PCR ama tijaabada degdega ah ee antigen
  • Shahaadadu waa inay ku qornaato noorweyji, iswiidhish, dheenish, ingiriisi, faransiis ama jarmal

Haddii aad diyaarad ku imanayso, waxaad tijaabada iska qaadi kartaa xilli ka mid ah 24-kii sacadood ee ka horeeyey wakhtiga lagu talogalay in diyaaradaada u horaysaa kacdo.

Karantiilka iyo tijaabo-qaadista Norway: Eeg xeerarka ku khuseeya (Helsedirektoratet)

Dadkan hoos ku xusan ma u baahna inay soo bandhigaan shahaado cadaynaysa in koroona laga waayey marka ay yimaadaan Norway:

  1. Safarleyda ka imanaysa waddamo/aagag oo aan karantiilku waajib ku ahayn qofkii ka yimaada
  2. Carruurta ka yar 12 sanno jir
  3. Shakhsiyaadka hab shaybaadh ah oo la oggolyahay (PCR) ku cadayn kara inay covid-19 qaadeen xilli ka mid ah lixdii bilood ee u dambeeyey.
  4. Ajnabiga si aad ah loogu baahanyahay si loo sii wadi karo hawlaha aad ugu muhiim ah bulshada ama lagu ilaalinayo baahiyaha asaasiga ah ee dadweynaha, taas oo halis ku keenaysa nafta iyo caafimaadka dadweynaha haddii loo diido soo gelitaanka.
  5. Ajnabiga hakad safar diyaaradeed ku jira (taraansit ah)
  6. Ajnabiga si joogto ah u yimaada Norway ee Iswiidhan ama Fiinland uga yimaada shaqo ama waxbarasho darteed, ee in ka badan toddoba maalmo ka maqnaa Norway. Shaqaalaha caafimaadka ee ka imanaya Iswiidhan iyo Finland waxa lagu xidhayaa shuruudo gaar ah oo ku saabsan shahaadada tijaabada. Eeg qaybta ku saabsan karantiilka soo gelitaanka waddanka ee shaqaalaha iyo shaqaalaha ka dhaxa gurigooda.
  7. Magangelyo-dooneyaasha iyo qaxootiga la soo qaatay
  8. Ajnabiga Norway ku leh sharci joogitaan oo ku salaysan midayn-qoys
  9. Shakhsiyaadka wada hawlo ku shaqo leh diblomaasiyad, hawlaha qunsuliyadaha iyo safaaradaha
  10. Ajnabiga ka shaqaynaya gaadiidka wada badeecadaha iyo dadka, ama ku socda ama ka soo socda hawl noocaas ah
  11. Duuliyeyaasha ama shaqaalaha badda ee ku socda ama ka soo socda hawl noocaas ah
  12. Dadka maalintii ka soo shaqo taga Iswiidhan ama Finland oo goobta lagaga qaado tijaabada fayrusta koroonada maalin kasta oo 7-aad oo isla markaana cadayn kara arrintaas.
  13. Dadka si joogto ah u deggan Svalbard
  14. Boolis ka yimi Iswiidhan ama Finland oo taraansit ah, iyo qaar ka mid ah shaqaalaha kastamada Iswiidhan iyo Finland ee shaqada ku jira

Tijaabo-qaadista waajibka ah xilliga soo gelitaanka

 Caddaynta lagaa rabo ee ku saabsan in waayey cudurka lagaa waayey ka hor intaanad u soo safrin Norway, waxa dheer oo lagaa rabaa in aad tijaabada covid-19 iska qaado isla marka aad timaado Norway. Xarummo lagu qaado tijaabooyinka ayaa ku yaalla xuduudda, Waxa kugu waajib ah in aad goobta joogto ilaa inta aad helayso jawaabta tijaabada. Caadi ahaan waxa la sugaa 30 daqiiqo. Haddii jawaabtu ay sheegto in cudurka lagaa helay waa in aad tijaabo PCR ah iska qaadid 24 saacadood gudahood,laakiin haddii aad joogtay meel ka baxsan Aagga Dhaqaale ee Yurub iyo Aagga Schengen, xilli ka mid ah 10-kii maalmo ee u dambeeyey waa in aad goobtada iskaga qaado tijaabo PCR ah.

Xataa carruurta ka yar 12 sanno jir waa in laga qaado tijaabada, laakiin haddii ay adkaato in tijaabo laga qaado ilmaha oo uu tusaale ahaan diido, waa in aan laga qaadin tijaabo.

Waxa lagu siin doonaa ciqaab ganaax lacageed ah haddii adiga oo aan haysan sabab macquul aad diido iska qaadista tijaabada marka aad timaado, islamarkaana iskaa uga bixi weydo Norway.

Dhammaan dadka yimaada waa in ay haddana tijaabo iska qaadaan maalinta toddobaad kadib markay soo galaan waddanka.

Dadkan hoos ku xusan waa laga dhaafay tijaabada waajibka ah ee xuduuda:

  1. Dadka laga dhaafay inay karantiil ku jiraan xilliga shaqada iyo wakhtiga firaaqada. Dadka arrintani khuseyso ka eeg qaybta ku saabsan karantiilka.  
  2. Dadka deggan ee ka soo shaqo taga guryahooda ku yaala Iswiidhan ama Finland ee laga dhaafay madnuucista soo gelitaanka, isla markaana raacaya nidaam tijaabo-qaadis ah oo u gaar ah
  3. Darawallada gaadiidka masaafada fog wax geeya iyo shaqaalaha tareenka ee aan ka shaqayn tareen-badeecadeedka, iyo qaybo ka mid ah shaqaalaha tareen-badeecadeedka
  4. Haddii aanay suurtaggal noqon karin in tijaabo laga qaado dadka si aad ah loogu baahan yahay si loo sii wadi karo hawlaha aad ugu muhiim ah bulshada ama lagu ilaalinayo baahiyaha asaasiga ah ee dadweynaha.
  5. Diblomaasiyiinta
  6. Shaqaalaha diyaaradaha iyo tareennada ee shaqadooda ka bilaabay Norway ee aada dibedda laakiin aan ka bixin diyaaradda ama tareenka, waxa laga dhaafay karantiilka safarka xilliyada saacadaha iyo wakhtiga firaaqadaba ee ay joogaan Norway.
  7. Ajnabiga ay dawladda Norway ku casuuntay ka qaybgalka wadahadallo caalami ah ama wax kale, iyo ajnabiga ka mid ah weftiyo Norway u imanaya fulinta heshiisyo calaami ah.
  8. Booliska iyo shaqaalaha kastammada ee ka yimi Iswiidhan ama Finland ee dhexmaraya Norway, iyo shaqaalaha kastammada Iswiidhan iyo Finland ee ka shaqaynaya Norway.

Qodobada 5 iyo 7 ee liiska kore ma khuseyaan dadka xilli ka mid ah 10-kii maalmood ee ka horreeyey soo gelitaankooda Norway soo joogay waddamo aan ahayn waddamada Aagga Dhaqaale ee Yurub (EØS) iyo/ama Schengen.

Karantiilka soo gelista waddanka

Qofk kasta oo Norway soo gelaya isagoo ka yimi waddan kale waa inuu galo 10 maalmood oo karantiil ah, waxase laga dhaafay aagag gaar ah oo ku yaala Woqooyiga Yurub (Noordika)/Yurub ee faafitaanku ku yar yahay (aagaga iyo waddamada huruuda ah).

Qariirada waddamada/aagaga cas iyo kuwa huruuda ah ee Yurub (af-ingiriisi keliya)

Marka aad soo gasho Norway, waa in aad toos u gasho karantiilka, In covid-19 hore ugu soo dhacday qofku ma keenayso in laga dhaafo karantiilka.

Qaabkan ayaad u gelaysaa karantiilka soo gelitaanka

  • Waa in aad karantiilka soo gelitaanka ku gashid hoteel karantiil, ama meel kale oo ku haboon haddii lagaa dhaafo shuruudka hoteel karantiil ee hoos lagu sharraxay.
  • Dibedda goobta aad joogto waxaad aadi kartaa keliya haddii aad iska ilaalin kartid u dhawaanshaha dad aan ahayn kuwa kula deggan.
  • Ma joogi kartid goob shaqo oo dad kale joogaan, iskuul ama xannaano carruureed.
  • Ma isticmaali kartid gaadiidka dadweynaha, laga reebo aadista iyo ka imaanshaha garoonka diyaaradda, deked ama meelo la mid ah goobaha gelitaanka iyo ka bixitaanka Norway. Markaas oo kale waa inaad isticmaasho af-daboolka haddii aad ka weyn tahay 12 sanno jir.
  • Haddii aad cid kale la deggan tahay xilliga karantiilka, waxa wacan in aad haysataan qolal hurdo iyo suuliyo kala gaar ah, isla markaana kala fogaataan labo mitir. Haddii aanay suurtaggal ahayn waxa haboon in xataa dadka kula deggan galaan karantiil. Haddii arrintaasi suurtaggal ahayn, waxa lagu talinayaa in la galo hoteel karantiil ama fursad hoteel oo kale oo ka jirta degmada.
  • Waxa wacan in kuwa kula deggan gurigi iyaguna tijaabo iska qaadaan toddoba maalmo kadib markii aad timi guriga (adiga waa kugu waajib, laakiin waa lagula talinayaa dadka kula deggan).
  • Haddii aad isku aragtid calaamada covid-19 marka aad ku jirto karantiil, waa inaad gooni uga baxdid dadka kale (isolasjon) oo aad wacdo adeega/goob-caafimaadeedka kuu dhow si aad isaga qaado tijaabo. Telefoonka la wacayo waa 116117.

Soo gaabinta wakhtiga karantiilka

Waad soo gaabin kartaa wakhtiga karantiilka safarka haddii aad cadayn karto in aad iska qaaday tijaabada koroonada (nooca PCR) oo la qaaday ugu horayn marka toddoba maalmo ka soo wareegto waqtigii aad soo gashay waddanka.Tijaabadani waa ku waajib qof kasta oo soo galay waddanka. Waajibaadka karantiilku wuxu jiraa ilaa inta jawaabta tijaabada koroonadu sheegayso in lagaa waayey cudurka.

La xidhiidh degmada ama xarun lagu qaado tijaabo si aad isaga qaadid tijaabo.

Halkee lagu gelayaa karantiilka safarka?

Caadi ahaan waa in dhammaantood joogaan hoteel karantiil, xataa muwaadiniinta Norway iyo dadka hoy rasmi ah ku leh Norway. Waa in aad degto hoteel karantiil oo ku yaalla meesha aad ka soo gashay xuduudda waddanka.

Faahfaahin ku saabsan hoteel karantiil ka akhriso hoos.

Dadka ehelka isu dhow ah (xaas, dadka waxa nool iyo carruurtooda), ee wada deggan waddankooda hooyo oo safar ku wada imanaya Norway, waxay karantiilka soo gelitaanka ku wada geli karaan isla ah meel.

 Meelahan ayaa la oggol yahay in ay karantiilka ku qaataan dadka laga dhaafay hoteel karantiil:

  • Hoy rasmi ah oo ku yaalla Norway, macno ma leh inuu kiro yahay ama inaad leedahay. Arrintani ma khusayso meelaha la joogo ee guur-guuri kara sida baabuur-guri (campingvogner), doomaha iyo wixii la mid ah. Waa inaad cadayn karto inuu kiro yahay ama aad leedahay xilliga soo gelitaanka, isla markaana waa in muddada heshiiska kiradu ahaato ugu yaraan lix bilood. Dadka kula deggan adiga oo ku jira karantiil, waxa lagula talinayaa in ay karantiil galaan haddii aydaan heli karin qolal hurdo iyo suuliyo kala gaar ah.
  • Goob kale oo haboon haddii aad marka aad soo gelayso cadayn karto in ay jiraan xaalado miisaan culus oo qasbaya in aad halkaas degto. Waa in aad cadayn karto in goobtu tahay meel ku haboon in lagu galo karantiilka. Hoosta liiskan ka eeg faahfaahin ku saabsan goob kale oo ku haboon karantiilka.
  • Meel ku haboon oo shaqo-bixiyuhu diyaariyey. Waa in shaqo-bixiyuhu marka hore loo oggolaanshaha goobta joogitaanka ka helo Hay’adda Kormeerka Goobaha Shaqada ka hor intaan shaqaaluhu soo gelin Norway. Waa in aad cadayn kartid in aad oggolaansho heshay marka aad soo gelayso waddanka.

Goob joogitaan ku haboon: Waa inay si buuxda suurtaggal u tahay in aan loo dhawaan dad kale. Goobta joogitaanku waa in ay lahaato qol gaar ah oo leh telefeeshan iyo internet, suuli u gaar ah, iyo jiko u gaar ah ama cunto loo keenayo

Foomka diiwaangelinta safarka ee waajibka ah, waa inaad soo raacisid cadaynta ah in goobta joogitaanku buuxinayso shuruudaha ku gelitaanka karantiilka.

Xarunta qaranka ee hubinta dadka soo galay

Dadka Norway soo gala waxa muddada karantiilka la soo xidhiidhi doona Xarunta qaran ee hubinta dadka waddanka soo galay iyagoo isticmaalaya SMS iyo telefoon.

Haddii xarunta hubintu ku heli weydo, waxa arrintaas loo sheegi karaa dhaqtarka degmada ama Hay’adda Kormeerka Goobaha Shaqada.

Xarunta hubintu waxay macluumaadkaaga ka helaysaa diiwaanka dadka soo galay waddanka.

Waa muhiim in aad ka jawaabto marka lagaa soo wacao telefoonka 2189xxxx.

Dadkan hoos ku qoran ayaa laga dhaafay karantiilka safarka xilliyada saacadaha shaqada iyo wakhtiga firaaqada:

  1. dadka Norway soo gala iyagoo soo maray aag karantiilku waajib noqonayo ee aan isticmaalin gaadiidka dadweynaha, u dhixin meesha islamarkaana aan u dhawaan dad kale oo aan ahayn kuwa ay la deggan yihiin.
  2. dadka Norway soo gala kaddib markii ay dayactir iyo kormeer lagama maarmaan ah ku soo sameeyeen dhismo, doon, baabuur-guriyeed iyo waxyaalo la mid ah oo ku yaalla Iswiidhan iyo Finland, iyaga oo aan isticmaalin gaadiidka dadweynaha, u dhixin meesha islamarkaana aan u dhawaan dad kale oo aan ahayn kuwa ay la deggan yihiin.
  3. dadka kora doon joogta Norway oo doonta aan ka bixin ilaa inta ay Norway ku soo laabanayaan. Waa in aan rakaab kale ama shaqaale kale oo joogay berriga deked ku taalla waddan kale aanay soo korin doonta, marka laga reebo dadka ka shaqeeyaa gaadiidka badeecadaha haddii ay iska ilaalinayaan u dhawaanshaha rakaabka iyo shaqaalaha.
  4. Shaqaalaha diyaaradaha iyo tareennada ee shaqadooda ka bilaabay Norway ee aada dibedda laakiin aan ka bixin diyaaradda ama tareenka. Haddii aad ka baxdid diyaaradda ama tareenka waa in tijaabo lagaa qaado marka aad soo galayso Norway (shaqaalaha diyaaradaha), ama 24 saacadood gudahood (shaqaalaha tareennada), kaddibna waa in tijaabo lagaa qaado maalin kasta oo 7-aad.

Xeerarka soo gelista waddanka ee khuseeya dadka socotada ah ee ka imanaya dhammaan waddamada aan ka mid ahayn Aagga Dhaqaale ee Yurub (EØS) iyo Schengen

Dhammaan socotada ka imanaysa waddamo ama aagag ka mid ahayn Aagga Dhaqaale ee Yurub (EØS) iyo aaga Schengen waa in ay caadi ahaan galaan hoteel karantiil marka ay soo galaan Norway. Waa in ay sidan sameeyaan xataa marka ay safarro lagama maarmaan ah ku tageen waddamadaas. Dadkaasi ma raaci karaan gaadiidka dadweynaha marka ay ka tegayaan goobta ay yimaadeen kuna socdaan hoteelka karantiilka.

Xaaladdo kooban oo keliya ayaa keeni kara in qofka laga dhaafo xeerka gelitaanka hoteel karantiil marka uu ka yimaado aagag ka mid ahayn Aagga Dhaqaale ee Yurub (EØS) iyo Schengen. Dadka laga dhaafi karo hoteelka karantiilku waa in ay sameeyaan mid ka mid ah arrimahan

  1. caddeeyaan in ay jiraan xaaladdo nololeed oo waaweyn, islamarkaana haystaan meel joogitan ku habboon oo dadka kale laga fogaan karo. Faahfaahin ku saabsan meel joogitaan ku habboon ka akhriso hoosta qaybta Halkee lagu geli karaa karantiilka.
  2. codsadaan magangelyo ama yihiin qaxooti la soo qaatay
  3. haystaan xidhiidh diblomaasiyadeed
  4. ka soo gudbaan xadka Norway iyagoo u socda fulinta la joog carruur oo lagu balamay ama la go’aammiyey kuna salaysan xeerka carruurta ama xeerka daryeelka carruurta.

Svalbard

Dhammaan dadka safar ku aadaya Svalbard waa in ay caadi ahaan soo bandhigaan shahaado caddaynaysa tijaabo laga qaaday oo laga waayey koroonada. Waa in tijaabadu ahaato mid Norway la iskaga qaaday xilli ka mid ah 24-kii saacadood ee ka horreeyey xilliga aad soo gelayso Svalbard.

Karantiilka safarka ee shaqaalaha iyo shaqaalaha waddanka degganayn

Shaqaalaha ajnabiga ah waa in ay caadi ahaan karantiilka ku galaan hoteel karantiil. Qof kasta oo soo gelaya Norway kana yimi waddamo karantiilku waajib noqonayo:

  • waa inuu galo karantiil ah 10 maalmood intaanu bilaabin shaqada
  • wuu soo gaabin karaa wakhtiga karantiilka haddii tijaabo kadib laga waayey fayrusta koroonada, sida kor lagu soo sheegay

Ka dhaafitaanka khuseeya waqtiga shaqada ee dadka marar badan ka soo talaaba xuduudaha

  • Shaqaalaha caafimaad ee si buuxda loo talaalay, ee shaqqooyin aad u muhiim ah ka haya cisbitaallada ama adeegyada caafimaad ee degmo, waxa laga dhaafaya in ay karantiil galaan wakhtiga shaqada haddii tijaabo ka-waayitaan noqota (negatiif) laga qaado markay soo galaan Norway.
  • Kuwo ka mid ah shaqaalaha darawaliinta ah ee masaafo fog wax geeya, shaqaalaha tareennada,shaqaalaha diyaaradaha iyo shaqaalaha gaadiid-badeed ka raacaya deked Norweyji ah si ay u shaqeeyaan waa laga dhaafi karaa karantiilka safarka xilliga waqtiga shaqada. Kuwaasi waa inay la hadlaan shaqo-bixiyahooda ay u ogaadaan nidaamka khuseeya iyaga.
  • Boolis ka yimi Iswiidhan ama Finland oo taraansit ah, iyo qaar ka mid ah shaqaalaha kastamada Iswiidhan iyo Finland ee shaqada ku jira waa laga dhaafay karantiilka xilliga saacadaha shaqada
  • Shaqaalaha waddan kale deggan ee wax hal mar ka badan muddo ah 15 maalmo ka soo talaaba xuduuda Norway ee ka yimi Iswiidhan ama Finland waxa laga dhaafi karaa in ay karantiil galaan xilliga shaqaqa haddii ay tijaabo iska qaadaan;
  1. ugu yaraan maalin kasta oo toddobaad

ama

  1. maalinta koowaad ee aad timaado Norway, kadibna maalin kasta oo toddobaad, haddii wax ka badan toddoba maalmo ka soo wareegeen markii tijaabo lagaaga qaaday Norway

ama

  1. toddoba maalmo gudahood kadib markii tijaabadii covid-19 la iskaga qaaday Iswiidhan ama Finland (waxay khuseysaa keliya ajnabiga deggan waddan kale) 

Ma heli kartid ka-dhaafitaan haddii aad soo joogtay waddan aan ahayn Iswiidhan ama Finland xilli ka mid ah 10 maalmood ee ka horeeyey imaanshaha Norway, ama haddii aad isla markaasna ka soo shaqaysay goobaha adeegyada c.aafimaadka ee Iswiidhan ama Finland

Faahfaahin dheeraad ah ka akhriso halkan (af-ingiriisi keliya)

Ka-dhaafitaanka karantiilka soo gelitaanka markay jiraan xaaladdo nololeed oo waaweyn

Xaaladaha qaarkood ayaa lagaa dhaafi karaa shuruudka ku saabsan karantiilka soo gelitaanka waddanka:

  • Si loo booqdo ehel dhow oo aad u buka ama ka qaybgalayo aaska qof u dhow. Ka dhaafitaanka karantiilku waxay khuseysaa keliya wakhtiga/saacadda la booqanayo bukaanka ama laga qaybgalayo aas. Intaas kadib waxa ku waajiba ah karantiil. Ka dhaafitaankani waxa uu dhici karaa keliya marka tijaabo ka-waayitaan ah la iskaga qaaday xuduuda OO ay isla maalintaas dhacayaan booqashada ama aasku. Waa inaad adigu iska bixiso lacagta tijaabada markan oo kale.
  • Haddii aad haysato heshiis ku salaysan xeerka carruurta ama xeerka daryeelka carruurta oo xaq kuu siinaya in aad la joogto carruur:
    1. ma lagaa dhaafi doono karantiilka soo gelitaanka marka aad soo gasho Norway, laakiin waxa la oggolyahay in carruurta lala joogo xilliga karantiilka. Waxa shuruud ah in tijaabo (PCR) la iska qaado maalinta 3-aad iyo maalinta 7-aad kaddib soo gelitaanka waddanka.
    2. waxa lagaa dhaafi karaa karantiilka soo gelitaanka marka ay tahay saacadaha shaqada kaddib haddii aad waddanka dibeddisa u tagtay in aad isla joogitaan xuquuq ah la yeelatid carruur deggan dibedda. Arrintan waxaad samayn kataa keliya haddii tijaabo (PCR) oo ka waayitaan noqday lagaa qaaday ugu horayn maalinta 3-aad kadib marka aad timi Norway. Haddii aad shaqo ku haysan Norway, ma lagaa dhaafi doono karantiilka xilliga shaqada marka aad timaadid si aad ula joogtid carruur.
    3. waxa ilmahaaga ka imanaya waddan kale kadib markii ay la soo joogeen waalidkooda waxa lagaa dhaafi karaa karantiilka marka ay tahay saacadaha iskuulka haddii tijaabo (PCR) oo ka waayitaan noqday lagaa qaaday ugu horayn maalinta 3-aad kadib marka la yimi Norway. Carruurta ka yar 12 sanno waa laga dhaafayaa karantiilka, xataa haddii aan laga qaadin tijaabada koroonada.

Haddii aad caddayn karto in aad xuduudda Norway uga soo gudbaysid in aad samayso la joog carruur oo lagu balamay ama la go’aammiyey kuna salaysan xeerka carruurta ama xeerka daryeelka carruurta, waxaad karantiilka ku qaadan kartaa meel ku habboon. Shardi maaha in meeshu lahaato qol, suuli ama jiko kuu gaar ah.

Haddii adoo lagaa dhaafay karantiil aad isku aragto calaamadaha Covid-19, ama dhakhtar kugu tuhmayo inaad qabto Covid-19, waa inaad gasho karantiil.

Hoteel karantiil

Marka aad soo gasho Norway waa inaad caadi ahaan gashid hoteel karantiil. Haddii lagaa dhaafay waa in aad caadi ahaan soo bandhigtid waxa caddaynaya arrintaas marka aad soo gelayso waddanka. Macluumaad ku saabsan karantiilka lagu galo hoteel waxa ku siin kara booliska jooga meelaha laga soo talaabo xuduuda iyo baraha laga soo galo Norway.

Dawladda Norway waxa ay dhammaan dadka deggan Norway kula talinaysaa in ay iska dhaafaan safarrada aan ahayn lagama maarmaan weyn.

Waa in aad caddaysid in safarku yahay mid mid si weyn lagama maarmaan u ah. Isla markaana waa in aad caddayn karto in aad haysato meel joogitaan ku haboon oo aad ku qaadato karantiilka, oo ah meel ay suurtaggal tahay in la iska ilaaliyo u dhawaanshaha dadka kale, oo leh qol gaar ah, suuli gaar ah iyo jiko gaar ah ama cunto laguu keenayo. Haddii aad caddayn kari weydo, waa in aad degto hoteel karantiil.

Safarrada si weyn u ah lagama maarmaan waxa weeye keliya safarrada shaqada ama safarro ay sababeen xaalado nololeed oo waaweyn. Xaalado nololeed oo waaweyn waxa tusaale ahaan ka mid noqon kara ilmo kuu dhalanaya, booqashada qof la isku dhow yahay oo aad u xanuunsanaya ama sakaraad ah, aaska qof kuu dhow, ama haddii aad dibedda u aadaysid daawayn lagama maarmaan ah.  Dadka ka soo gudba xuduudda si ay u fuliyaan la joog carruur oo lagu balamay ama la go’aammiyey kuna salaysan xeerka carruurta ama xeerka daryeelka carruurta waxa iyagana laga dhaafayaa hoteel karantiil (eeg qaybta kor ah ee ku saabsan Ka-dhaafitaanka karantiilka soo gelitaanka markay jiraan xaalado nololeed oo waaweyn). Waxyaalaha lagu caddayn karo in ay jiraan xaalado nololeed oo waaweyn, waxa ay karaan tusaale ahaan heshiis ku saabsan la jooga carruurtaada ama caddayn dhakhtareed.

Booqashada seyga/xaaska, saaxiib/saaxiibbad ama dad kale oo kuu dhow laakiin aan qabin xanuun daran ma loo arkayo "xaaladdo nololeed oo waaweyn" marka la eego qodobkan.

Waa in aad iska bixiso lacagta hoteelka. Waa in aad halkaas joogto ugu yaraan toddoba maalmo. Maalinta 7-aad waxaad iska qaadi kartaa tijaabada covid-19 oo cusub. Haddii tijaabadaasi sheegto in lagaa waayey cudurka waad ka bixi kartaa karantiilka.

Carruurta da’yarta ah ee keligood yimaada Norway isla markaana laga dhaafi karin karantiilka, waa in qof daryeele ah la joogi karo hoteelka karantiilka.

Kharashka

Qaybta la iska bixinayo lacagta hoteelka karantiimadu waa 500 NOK oo maalintii oo laga rabo qofka shakhsiga ah ee ka weyn 18 sanno jir iyo shaqo-bixiyeyaasha. Carruurta ka yar 10 sanno jir ee qol degan waalidkooda waa u bilaash. Carruurta u dhaxaysa 10 ilaa 18 sanno jir waxa qaybtoodu tahay 250 NOK maalintii. Qaybta lacagta ee la iska bixinayo waxa lagu bixinayaa hoteelka karantiimada, marka la yimaado ama marka laga baxayo.

Hoteelada karantiimada waxa laga helaa tijaabooyinka covid-19 oo bilaash ah.

Dadka hoos ku xusan ma u baahna in ay joogaan hudheel karantiimo:

  1. Dadka marka ay soo gelayaan waddanka caddayn kara in ay deggan yihiin Norway iyo in safarku ahaa lagama maarmaan, ee joogaya guriga ama meel kale oo ku haboon. Meesha la deggan yahay waxa caddayn u noqon karta in laga diiwaangashan yahay Diiwaanka Dadweynaha ama tusaale ahaan goobta la deggan yahay laga diiwaangeliyey Hay’adda Cashuuraha ama heshis kiro guri oo muddadiisu tahay ugu yaraan lix billood. Waxa kale oo qodobkani khuseeyaa dad guur kala dhexeeyo ama carruur isu leeyihiin qof deggan Norway, iyo carruurtooda da’ yarta ah, haddii ay Norway yimaadaan iyaga oo wada socda. Dadkaasi waxa ay karantiilka ku qaadan karaan guriga xaaska/seyga ama waalidka kale ee carruurta.
  2. Dadka shaqo ama hawl shaqo darteed u safraya ee shaqo-bixiyuhu u diyaariyey meel uu joogo oo leh qol u gaar ah oo ay joogaan wakhtiga karantiilka. Waa inaad wadato wax cadaynaya inaad shaqo ama hawl shaqo u socoto iyo in shaqo bixiyaha loo oggolaaday meesha aad joogayso. Meesha aad joogayso waa in ay ahaato meel ay suurtagal tahay in aan loo dhawaan dad kale, iyadoo la helayo qol gaar ah oo leh telefeeshan iyo internet, suuli u gaar ah iyo kijin u gaar ah ama cunto loo keenayo qofka. Waxyaalaha cadayn kara waxa ka mid ah heshiis shaqo. Waa inay ka muuqato meesha aad degi doonto, iyo magaca, cinwaanka iyo telefoonka shaqo-bixiyaha.
  3. Dadka caddayn kara in ay jiraan xaalado nololeed oo waaweyn, sida in ay qabaan cudur ama dhib u baahan in si gaar ah loola socdo iyo adeegyo laga heli karin hoteelka karantiilka. Marka aad waddanka soo gelayso waa in aad caddayn karto in goobta aad joogayso tahay meel haboon.
  4. Magangelyo-dooneyaasha ama qaxootiga la soo qaatay
  5. Qaar ka mid ah xirfadleyda imanaysa Norway ee caddayn kara in ay fulinayaan shaqo ama hawl qandaraas ah, iyo in iyaga si buuxda ama si qayb ahaan ah looga dhaafay karantiilka. Waxa haboon in kuwaasi la xidhiidhaan shaqo-bixiyaha si u kala caddeyaan waxa iyaga khuseeya.
  6. Qayb ciidan oo ajnabi ah oo Noorway u imanaysa tabobar, tijaabin ama hawlgal ay oggolaatay Wasaaradda Difaacu.
  7. Boolis ka yimi Iswiidhan ama Finland oo taraansit ah, iyo qaar ka mid ah shaqaalaha kastamada Iswiidhan iyo Finland ee shaqada ku jira

Ka dhaafitaannadan waxa u shuruud ah in aad joogto hoyga ama meesha kale ee ku haboonaatay karantiimada.

Halkan ayaad ka helaysaa macluumaad kale oo ku saabsan koroonada kuna qoran afaf badan (regjeringen.no)

----

Macluumaadka waxa keenay Hay’adda Agaasinka Caafimaadka / Content provided by The Norwegian Directorate of Health