ناروے میں کرونا وائرس کے متعلق اردو میں معلومات

نارویجن حکام کی طرف سے ناروے میں کرونا وائرس کی صورتحال کے لیے اصولوں، ہدایات اور مشوروں کے متعلق اردو میں معلومات

کیا COVID-19  کے متعلق آپ کا کوئی سوال ہے؟ صحت کی ڈائریکٹوریٹ کی معلوماتی فون لائن اب اردو میں دستیاب ہے!

815 55 015

انفیکشن سے بچاؤ کے عام اصول

·       اگر آپ بیمار ہوں تو گھر میں رہیں

·       ویکسین لگوائیں

·       اکثر ہاتھ دھوتے رہیں

کرونا وائرس کی علامات

کرونا وائرس کی علامات

کرونا وائرس کی علامات حال ہی میں ہونے والا بخار، کھانسی، سانس لینے میں مشکل، سر میں درد، سستی، سونگھنے یا چکھنے کی حسّ میں کمی اور پٹھوں میں درد ہو سکتی ہیں۔ گلے میں درد یا خراش، ناک بہنے یا ناک بند ہونے اور چھینکیں آنے کی علامات بھی ہو سکتی ہیں۔

اگر آپ یقین سے نہ جانتے ہوں کہ آپ کی علامات کرونا وائرس ہیں یا نہیں تو آپ کو اپنا ٹیسٹ کروانا چاہیے۔

اگر مجھے علامات پیش ہوں تو مجھے کیا کرنا چاہیے؟

  • اگر آپ بیمار ہوں تو گھر میں رہیں۔
  • اگر آپ بیمار ہوں اور آپ کو ڈاکٹر کی مدد یا ڈاکٹر کا مشورہ درکار ہو تو اپنے فیملی ڈاکٹر (جی پی) سے رابطہ کریں۔

کرونا وائرس انفیکشن کے بعد باقی رہنے والے اثرات

کچھ لوگوں میں COVID-19 ہونے کے بعد اس کے اثرات باقی رہ سکتے ہیں۔ عام ترین تکلیفیں سستی اور تھکن، دھیان برقرار رکھنے اور یادداشت کے مسائل، چکر آنا اور سانس لینے میں مشکل، سر میں درد اور سونگھنے اور چکھنے کی حس میں کمی ہیں۔

یہاں آپ مزید مشورے پڑھ سکتے ہیں اور جان سکتے ہیں کہ مدد حاصل کرنے کے لیے کہاں رابطہ کیا جائے۔

کرونا وائرس ٹیسٹنگ

میں کرونا وائرس ٹیسٹ کہاں کروا سکتا/سکتی ہوں؟

آپ سیلف ٹیسٹ سے خود اپنا ٹیسٹ کر سکتے ہیں۔ آپ بلدیہ کے ٹیسٹنگ سنٹر میں PCR ٹیسٹ بھی کروا سکتے ہیں۔

اپنی بلدیہ کی ویب سائیٹ دیکھیں۔ 

تصدیقی PCR ٹیسٹ

کچھ لوگ اپنے نتیجے کی تصدیق کے لیے ٹیسٹنگ سنٹر میں PCR  ٹیسٹ کروا سکتے ہیں۔

یہ ان لوگوں کے لیے کہا جا رہا ہے:

  • وہ سب لوگ جنہیں بوسٹر ڈوز (ویکسین کی تیسری ڈوز) نہیں لگی ہے اور جنہیں مؤثر کرونا وائرس سرٹیفکیٹ لینے کے لیے تصدیقی ٹیسٹ کی ضرورت ہو۔
  • وہ سب لوگ جنہیں ویکسین کی دو ڈوزیں لگی ہیں اور 3 مہینے سے زیادہ عرصہ پہلے کرونا وائرس انفیکشن ہوا ہے۔
  • 16 سال کی عمر سے چھوٹے بچے (جنہیں ویکسین نہیں لگی ہے اور جنہیں کرونا وائرس سرٹیفکیٹ کی ضرورت ہے)۔
  • کمزور مدافعتی نظام رکھنے والے سب لوگ۔
  • اگر آپ نے علاج کے لیے رجوع کیا ہو اور ڈاکٹر کی رائے میں آپ کا تصدیقیPCR  ٹیسٹ ضروری ہو۔ یہ ٹیسٹ اس ادارے میں کیا جائے گا جہاں آپ کا علاج ہو رہا ہو۔

جب آپ بیمار ہوں تو گھر میں رہیں

کرونا وائرس ویکسین

ویکسین کرونا وائرس کی وجہ سے شدید بیماری سے بچاتی ہے۔ نارویجن حکام صحت ان سب لوگوں کو ویکسین لگوانے کا مشورہ دیتے ہیں جو ویکسین لگوا سکتے ہیں۔

آپ کو کرونا وائرس ویکسین پیش کرنا اس بلدیہ کی ذمہ داری ہے جہاں آپ رہتے ہیں یا ٹھہرے ہوئے ہیں۔ ویکسین لگوانا مفت اور آپ کی مرضی پر منحصر ہے۔

وہ سب لوگ جو ایک عرصے سے ناروے میں ہیں، ویکسین لگوانے کا حق رکھتے ہیں، چاہے ملک میں ان کے قیام کی حیثیت کچھ بھی ہو۔

نارویجن انسٹی ٹیوٹ آف پبلک ہیلتھ(FHI)  سب حاملہ خواتین کو ویکسین لگوانے کا مشورہ دیتا ہے اور اب بالغ افراد کو ویکسین کی تیسری ڈوز پیش کی جا رہی ہے۔ کمزور مدافعتی نظام رکھنے والوں کو ویکسین کی چوتھی ڈوز کی پیشکش مل رہی ہے۔

اگر آپ کو ویکسین کی پیشکش نہیں ملی ہے تو اپنی بلدیہ سے رابطہ کریں۔ ناروے میں صحت کی خدمات حاصل کرتے ہوئے آپ کو ترجمان لینے کا حق حاصل ہوتا ہے۔

بچوں اور نوعمر افراد کے لیے کرونا وائرس ویکسین

17 سال عمر سے چھوٹے بچوں کو کرونا وائرس ویکسین کی پیشکش ملتی ہے۔ اب 5 سے 11 سال عمر کے بچوں کو بھی ویکسین کی پیشکش مل رہی ہے لیکن یہ نارویجن انسٹی ٹیوٹ آف پبلک ہیلتھ کا عمومی مشورہ نہیں ہے۔

 16 سال سے کم عمر کے بچوں کی ویکسینیشن کا حتمی فیصلہ والدین کے ہاتھ میں ہے۔

کرونا وائرس ویکسینز کے متعلق معلوماتی وڈیوز کا لنک۔ یہاں آپ کو معلومات ملیں گی کہ ویکسین کیا ہے، یہ کیسے اثر کرتی ہے اور ہم کس لیے ویکسین لگوائیں۔   

ویکسین کیا ہے؟

ویکسین کیسے کام کرتی ہیں؟

ہمیں CoVID-19 کے خلاف ویکسین کیوں لگائی جا رہی ہے؟

یہ اہم ہے کہ آپ ویکسینیشن کے بعد بھی انفیکشن سے بچاؤ کے عام اصولوں پر عمل کریں۔

سفر

بیرون ملک جانا اور بیرون ملک سے آنا

  • مسافروں کے ناروے میں داخل ہونے پر کوئی پابندی نہیں ہیں۔
  • مختلف ممالک میں اپنے یہاں آنے والے مسافروں کے لیے مختلف اصول ہو سکتے ہیں۔اس لیے یہ اہم ہے کہ آپ سفر کرنے سے پہلے اس ملک میں واجب اصولوں کے متعلق معلومات حاصل کر لیں جہاں آپ کو جانا ہو۔ یورپیئین ممالک میں واجب اصولوں کے لیے Re-open EU دیکھیں۔