Vaksinar

Her finn du opplysningar om kva vaksinar du har tatt, når vaksinen er sett og anbefalte vaksinar for deg over 65 år. Har du barn under 16 år, kan du òg sjå vaksinane deira.

Om tenesta

I vaksinetenesta kan du:

  • sjå alle vaksinane som er registrerte på deg i det nasjonale vaksinasjonsregisteret (SYSVAK), som Folkehelseinstituttet har ansvar for
  • sjå kva vaksinar som er anbefalte for deg over 65 år i vaksenvaksinasjonsprogrammet
  • skrive ut vaksinasjonskort på bokmål og engelsk

Les meir om vaksinetenesta

Meir om vaksinetenesta

  • Denne tenesta krev samtykke til tilgangsnivå Basis eller høgare.

    Du kan sjå og endre samtykket ditt under personverninnstillingar.

  • Den du gir fullmakt til, kan sjå opplysningar som er registrerte om deg i helse- og omsorgssektoren, og som er tilgjengelege via Helsenorge. Personen kan òg be om retting og sletting av slike opplysningar.

    Den som får fullmakta får med dette valet ikkje innsyn i pasientjournalen din.

    Med dette valet gir du tilgang til å:

    • sjå reseptar tre år tilbake i tid
    • sjå vaksinekortet ditt
    • sjå informasjon om fastlegen din
    • sjå prøvesvar
    • be om retting av feil i register
    • sjå informasjon om forskingsprosjekt du deltek i
    • styre profilinnstillingane dine
    • sjå dokument som du ikkje har skjult for dei som har fullmakt
    • få oversikt over samtykka og reservasjonane dine

  • Du kan nytte denne tenesta på vegner av barn under 16 år som du har foreldreansvar for, men berre om minst éin av foreldra er folkeregistrerte på same adresse som barnet: 

    • Om ein eller fleire av foreldra er folkeregistrerte på same adresse som barnet, kan begge foreldra representere barnet. 
    • Om ingen av foreldra er folkeregistrerte på same adresse som barnet, kan ingen av dei representere barnet.

    Her finn du meir informasjon om å representere barn på Helsenorge.

    Frå 16 år

    Når den du har foreldreansvar for har fylt 16 år, har du ikkje lenger tilgang til helseopplysningane deira. For å få tilgang kan ungdommen sjølv logge seg inn på Helsenorge, eller gi deg fullmakt.

  • Ungdom mellom 13 og 16 år kan med foreldresamtykke få tilgang til denne tenesta. Les meir om ungdomstilgang med foreldresamtykke. 

  • Sidan helserettsleg myndigalder i Noreg er 16 år, har ikkje foreldre tilgang til vaksinasjonsstatusen til barna etter 16-årsdagen deira. Frå du er 13 år kan du bruke Buypass ID. Dersom du har ein slik ID og er eldre enn 16 år, kan du sjølv sjekke vaksinane dine ved å logge deg inn på vaksinetenesta på Helsenorge.

    Dersom du er mellom 16 og 18 år og du ikkje har Buypass ID, kan du bestille vaksinasjonskort direkte frå Folkehelseinstituttet.

    Det er 30 dagars utleveringsfrist på vaksinasjonskort frå Folkehelseinstituttet, men normalt blir det sendt ut 1-2 dagar etter bestilling.

  • Hemmeleg adresse blir ofte kalla «fortruleg adresse» eller «adressesperre». 

    Denne tenesta er tilgjengeleg for personar med fortruleg adresse (kode 7) og strengt fortruleg adresse (kode 6). 

    Det kan likevel finnast informasjon i denne tenesta som ikkje er tilgjengeleg for personar med fortruleg eller strengt fortruleg adresse. 

    Om du bur på fortruleg eller strengt fortruleg adresse, kan du ikkje bruke Helsenorge på vegner av andre. Andre kan heller ikkje bruke Helsenorge på dine vegner.