Fástadoavtterdilli
Fástadoavtterdilli
Gielddas lea ovddasvástádus fuolahit ahte don oaččut fástadoavtterbálvalusaid. Muhtun gielddain Norggas eai leat doarvái fástadoaktárat.
Listu mas ii leat fásta doavttir
Jus don leat listtus mas ii leat fásta doavttir, de gulat don dattetge muhtun doavtterkantuvrii. Dat lea dávjá seamma doavtterkantuvra gos dus ovdal lei fástadoavttir.
Lea ge buori áiggis
Sáhttá leat buorre váldit oktavuođa doavtterkantuvrrain buori áiggis, jus don ovdamearkka dihte dárbbašat ođasmahttit du reseapttaid.
Fástadoavtterlonuheapmi boahtá fápmui čuovvovaš mánu vuosttaš beaivvi rájes.
Miehtan
"Lonuhit fástadoaktára" -bálvalus gáibida miehtama beassándássái Basis dahje alit dassái.
Guokte dábálaš fástadoavtterlonuheami
Dus lea vuoigatvuohta lonuhit fástadoaktára gitta guovtte geardde jagis.
Lassin dán guovtti dábálaš lonuheapmái, sáhtát lonuhit jus álbmotregistarii dieđihat fárrema, dahje jus fástadoavttir heaitá dahje unnida iežas listtu.
Don sáhtát válljet fástadoaktára eará gielddas go doppe gos ásat.
Olbmot geat leat fárren Norggas siskkobealde ja almmuhan fárrema álbmotregistarii, sáhttet oažžut ovddeš fástadoaktára ruovttoluotta jus fárrejit fas seamma gildii gos ovdal leat orron ovdal go 3 jagi lea gollan. Dát vejolašvuohta gusto 6 mánu dán rájes go fárren lea registrerejuvvon álbmotregistarii.
Go ieš lonuhat fástadoaktára Helsenorge-siiddus, de oaččut guitte lonuheamis. Guitte vurkejuvvo Helsenorge-siidui poastaboksii.
Don sáhtát leat vuordinlisttus
us logget sisa bálvalussii «Lonuhit fástadoaktára» Helsenorge-siiddus, de sáhtát lonuhit fástadoaktára sihke alccet ja iežat mánáide geaid ovddas dus lea fuolahus ja geat leat vuollel 16 jagi boarrásat.
It go oro seamma čujuhusas go du mánát?
Don sáhtát maid bidjat iežat ja mánáidat vuordinlistui. Lea vejolaš leat dušše ovtta vuordinlisttus ain hávális.
Go fástadoaktáris lea guoros sadji, de boahtá lonuheapmi automáhtalaččat fápmui čuovvovaš mánu vuosttaš beaivvi rájes. Helfo sádde reivve dán birra sidjiide geat leat leamašan vuordinlisttus.
Man guhká ferten leat vuordinlisttus?
Muhtomin manná jođánit oažžut saji dan fástadoaktára listui gean vuordinlisttus leat, eará háviid sáhttá fas guhkit áiggi váldit. Don sáhtát geahččat iežat saji vuordinlisttus jus logget sisa Helsenorge-siidui dahje Helsenorge áppas válljet bálvalusa “Lonuhit fástadoaktára”.
Fástadoaktára pasieantalistu rahppojuvvo easka go leat šaddan 10 guoros saji. Go listu rahppojuvvo, de vuoruhuvvojit gieldda ássit geat eai leat ovttage fástadoavtterlisttus. Dan maŋŋel váldojuvvojit dat ássit sisa sii geat leat vuordinlisttus. Jus ain leat guoros sajit, de lea listu rabas dassážiigo dievvá.
Jus it šat háliit leat vuordinlisttus, de fertet ieš sihkkut iežat listtus. Dán fertet maiddái dahkat jus lonuhat eará fástadoaktárii.
Pasieantajournála sádden go lonuha fástadoaktára
Go lonuhat fástadoaktára, de fertet sihkkarastit ahte du journála sáddejuvvo ođđa doaktárii. Sáhtát váldit oktavuođa iežat ovddeš fástadoaktáriin/fástadoaktára kantuvrrain ja addit dieđuid dan ođđa doaktára birra.
Pasieantajournála fástadoaktára luhtte
Du pasieantajournálas leat doaktára notáhtat du dikšuma ja čuovvuleami oktavuođas. Dieđut buohcceviesuin, spesialisttain ja eará dearvvašvuođaásahusain, nugo vástádusat røntgen-govain dahje eará iskkusvástádusat, čoggojuvvojit journálii.
Dušše dus ja dearvvašvuođabargiin geat leat mielde du dikšumis, lea lohpi geahččat journála.
Fápmudus dahje váldeguoddifápmudus fástadoaktára lonuheami oktavuođas
Jus válddát oktavuođa Helfoin earáid ovddas, de fertet dus leat fápmudus.
Loga eambbo mo oaččut fápmudusa Helfo-áššiide (dárogillii ja eŋgelasgillii).
Loga eambbo mo sáhtát oažžut váldeguoddifápmudusa Helfo-áššiide (dárogillii ja eŋgelasgillii).