Mánáid koordináhtor

Mánáidkoordináhtor lea vuoigatvuohta mii lea čadnon bearrašiidda geain leat mánát geat leat duođalaš buohccin, vaháguvvan dahje heajut doaibmannákca ja dárbbašit iešguđetlágan čálgobálvalusaid. Mánáidkoordináhtor galgá earret eará koordineret čálgobálvalusaid bearrašii ja mánnái ja gozihit ahte suohkan fuolaha čuovvolahttin ja láhčen ovddasvástádusastis.

Makkár bearrašiin lea riekti oažžut mánáidkoordináhtora

Du bearrašis lea riekti oažžut mánáidkoordináhtora jus:

  • bearrašis leat vuolil 18 ahkásaš mánát dahje leat áhpeheapme,
  • mánás lea duođalaš dávda, vahát dahje lea doaibmavádjit ja
  • mánná dárbbaša guhkilmas ja seagáš dahje koordinerejuvvon dearvvašvuođa- ja fuolahusbálvalusaid ja eará čálgobálvalusaid

Riekti váidit

Dis lea riekti váidit jus oaivvildehpet ahte mánáidkoordináhtorvuoigatvuohta ii ollašuhttojuvvon.

Mainna galgá mánáidkoordináhtor veahkehit bearraša

Mánáidkoordináhtor galgá earret eará:

  • koordineret bálvalusaid bearrašii ja mánnái
  • háhkat dieđuid ja áimmahuššat suohkana ovddasvástádusa čuovvoleames ja veahkeheames bearraša ja máná vai sii ožžot dearvvašvuođa- ja fuolahusbálvalusaid ja eará čálgobálvalusaid. Dát mearkkaša earret eará aht
    • aktiivvalaččat fuolahit ahte bearaš ja mánná oažžut dárbbašlaš čuovvoleami čálgobálvalusai
    • neavvut bearraša ja máná veahkkebálvalusa iešguđetge osiid birr
  • ahte bearaš ja mánná ožžot dieđuid ja neavvagiid dearvvašvuođa- ja fuolahusbálvalusaid, eará čálgobálvalusaid ja pasieanta- ja geavaheaddjiorganisašuvnnaid birra.
  • Ahte barggu oktagaslaš plánain ovdána

Movt sáhttá bearaš oažžut mánáidkoordináhtora

Suohkanis lea ovddasvástádus nammadit mánáidkoordináhtora du bearrašii. Jus suohkan gávnnaha ahte dis lea riekti oažžut mánáidkoordináhtora, de sii galget bagadallat din dan vuoigatvuođa birra ja seammás árvvoštallat leago dis vuoigatvuohta oažžut mánáidkoordináhtora jus dii dan háliidehpet.

Dii sáhttibehtet maiddái iežadet vuolggaheami mielde dáhttut mánáidkoordináhtora. Mánáidkoordináhtora sávaldat sáhttá ovddiduvvot sihke njálmmálaččat ja čálalaččat.

Suohkan sáhttá dušše nammadit mánáidkoordináhtora dušše váhnemiid mieđáhusa vuođul dahje gii máná ovddas dan dáhttu.

Bagadeaddji ja láhkaásahus

Pasieanta- ja geavaheaddjeáittardeaddji (dárogillii)

Áittardeaddji veahkeha du gažaldagaiguin dearvvašvuođabálvalusaid birra, ja addá ráđi ja bagadusa vuoigatvuođaidat birra.

Sisdoalu lea almmuhan Helsedirektoratet

Helsedirektoratet. Mánáid koordináhtor. [Interneahtta]. Oslo: Dearvvašvuođadirektoráhta; ođasmahtton 2022 juovlamánnu 19, vuossárga [vižžon 2024 cuoŋománnu 14, sotnabeaivi]. Oažžumis dáppe: https://www.helsenorge.no/se/rettigheter/barnekoordinator/

Maŋimusat ođastuvvon 2022 juovlamánnu 19, vuossárga