Reseptar

Her finn du ei samla oversikt over reseptane dine på medisinar og andre varer. Du kan òg fornye reseptar og sjå logg over bruk.

Om tenesta

Her blir reseptane dine og informasjon om utleverte legemiddel, næringsmiddel og medisinsk forbruksmateriell vist. Opplysningane blir henta frå reseptformidlaren og kjernejournal. 

Les meir om reseptar.

Sjå og fornye reseptar

Dersom fastlegen din tilbyr det, kan du be om få fornya reseptane dine direkte frå legemiddel når du er innlogga på Helsenorge. Der får du oversikt over kva reseptar du har og om det er meir igjen på resepten din.​ 

Dersom fastlegen din ikkje tilbyr digitale tenester på Helsenorge, vil du få beskjed om dette når du loggar inn. Sjølv om fastlegen ikkje tilbyr digitale tenester, finn du informasjon om kven fastlegen din er og kontaktopplysningar til legekontoret. 

For ungdom mellom 13 og 16 år med foreldresamtykke 

Er du mellom 13 og 16 år, kan du førebels ikkje fornye reseptar via Helsenorge. Kontakt behandlaren din på annan måte om du treng å fornye ein resept.  

Meir om tenesta

  • Denne tenesta krev samtykke til Full tilgang.

    Vil du sjå kva samtykke du har gitt, eller endre samtykket, kan du gjere det under Personverninnstillingar.

    Dersom du ikkje vil samtykke til Full tilgang, kan du sjå reseptane dine med Basis tilgang. 

  • For å kunne nytte denne tenesta på vegner av andre som du ikkje har foreldreansvar for, må dei gi fullmakt til tenesteområde nummer 3: Digitale helsetenester.

    Finn meir informasjon om fullmakter.

    Merk at fullmakt til å sjå og fornye reseptar ikkje er det same som fullmakt for å hente ut varer på vegner av andre.

    For å hente ut legemiddel eller varer for andre på apotek, må du bruke ei fullmakt spesifikt for dette. Hos Apotekforeningen finn du eit skjema du kan bruke.

  • Du kan nytte denne tenesta på vegner av barn under 16 år som du har foreldreansvar for, men berre om minst éin av foreldra er folkeregistrerte på same adresse som barnet: 

    • Om ein eller fleire av foreldra er folkeregistrerte på same adresse som barnet, vil begge foreldre kunne representere barnet. 
    • Om ingen av foreldra er folkeregistrerte på same adresse som barnet, vil ingen av dei kunne representere barnet.

    Her finn du meir informasjon om å representere barn på Helsenorge.

    Frå 16 år

    Når den du har foreldreansvar for har fylt 16 år, har du ikkje lenger tilgang til helseopplysningane deira. For å få tilgang kan ungdommen sjølv logge seg inn på Helsenorge, eller gi deg fullmakt.

  • Hemmeleg adresse blir kalla ofte «fortruleg adresse» eller «adressesperre». 

    Denne tenesta er tilgjengeleg for personar med fortruleg adresse (kode 7) og strengt fortruleg adresse (kode 6). 

    Det kan likevel finnast informasjon i denne tenesta som ikkje er tilgjengeleg for personar med fortruleg eller strengt fortruleg adresse. 

    Om du bur på fortruleg eller strengt fortruleg adresse, vil du ikkje kunne bruke Helsenorge på vegner av andre. Andre vil heller ikkje kunne bruke Helsenorge på dine vegner.