Reseptar

Denne tenesta krev samtykke til Full tilgang.

Vil du sjå kva samtykke du har gitt, eller endre samtykket, kan du gjere det under Personverninnstillingar.

Dersom du ikkje vil samtykke til Full tilgang, kan du sjå reseptane dine med Basis tilgang. 

For å kunne nytte denne tenesta på vegner av andre som du ikkje har foreldreansvar for, må dei gi fullmakt til "Digitale helsetenester".

Fullmakt til å hente reseptvarer

Du kan gi andre fullmakt til å hente medisinar og andre reseptvarer for deg på apotek og hos bandasjist. Dette er ikkje det same som fullmakt til å bruke Helsenorge på vegner av andre.

Det er to måtar du kan gi andre fullmakt til å hente reseptvarer for deg:

Du kan opprette ein fullmakt på Helsenorge til å hente reseptvarer for andre. Tenesta er under utprøving, og fullmakta kan førebels berre brukast hos Apotek 1 og Farmasiet.

Les meir om korleis du opprettar ein fullmakt på Helsenorge til å hente reseptvarer.

Du kan bruke dette skjemaet hos Apotekforeningen for å gi fullmakt til å hente reseptvarer (apotek.no).

Finn meir informasjon om fullmakter.

Merk at fullmakt til å sjå og fornye reseptar ikkje er det same som fullmakt for å hente ut varer på vegner av andre.

For å hente ut legemiddel eller varer for andre på apotek, må du bruke ei fullmakt spesifikt for dette. Hos Apotekforeningen finn du eit skjema du kan bruke.

Du kan nytte denne tenesta på vegner av barn under 16 år som du har foreldreansvar for, men berre om minst éin av foreldra er folkeregistrerte på same adresse som barnet: 

• Om ein eller fleire av foreldra er folkeregistrerte på same adresse som barnet, kan begge foreldra representere barnet. 
• Om ingen av foreldra er folkeregistrerte på same adresse som barnet, kan ingen av dei representere barnet.

Her finn du meir informasjon om å representere barn på Helsenorge.

Frå 16 år

Når den du har foreldreansvar for har fylt 16 år, har du ikkje lenger tilgang til helseopplysningane deira. For å få tilgang kan ungdommen sjølv logge seg inn på Helsenorge, eller gi deg fullmakt.

Hemmeleg adresse blir ofte kalla «fortruleg adresse» eller «adressesperre». 

Denne tenesta er tilgjengeleg for personar med fortruleg adresse (kode 7) og strengt fortruleg adresse (kode 6). 

Det kan likevel finnast informasjon i denne tenesta som ikkje er tilgjengeleg for personar med fortruleg eller strengt fortruleg adresse. 

Om du bur på fortruleg eller strengt fortruleg adresse, kan du ikkje bruke Helsenorge på vegner av andre. Andre kan heller ikkje bruke Helsenorge på dine vegner.