Sjukdom og kritisk informasjon

Her ser du opplysningar om deg og helsa di som helsepersonell skal kjenne til ved undersøkingar og behandling.

Du kan sjølv legge inn sjukdommar eller helsetilstandar som du har eller har hatt, og som du ønsker at helsepersonell skal vite om når du får behandling.

Snakk med legen din først dersom du er i tvil om du skal legge inn ein sjukdom eller ikkje.

Kritisk informasjon må registrerast av helsepersonell

Kritisk informasjon er informasjon som lege, og i nokre tilfelle sjukepleiar eller psykolog, må registrere for deg i journalsystemet sitt.

Les meir om sjukdom og kritisk informasjon.

Meir om tenesta

  • Denne tenesta krev samtykke til Full tilgang. Du kan sjå og endre samtykket ditt under personverninnstillingar.

  • Du kan gi andre fullmakt til å sjå og registrere opplysningar på dine vegner, og du kan få tilsvarande fullmakt frå andre.

    Kva ønsker du å gi fullmakt til?

    • Sjå opplysningar i kjernejournalen din
      Du må gi fullmakt til «Innsyn i opplysningar registrert om deg».
    • Endre eller legge inn opplysningar
      Du må gi fullmakt til «digitale helsetenester».

    Her kan du gi eller endre fullmakter

  • Barn under 12 år

    Du kan bruke tenesta på vegner av barn under 12 år som du har foreldreansvar for. Kravet er at minst éin av foreldra er folkeregistrerte på same adresse som barnet.

    Barn og ungdom 12–16 år

    Det er avgrensa innsynsrett for barn og unge 12–16 år. Når barnet fyller 12 år får du automatisk redusert innsynsrett.

    Du kan ikkje sjå kritisk informasjon, men kan legge til eigne opplysningar om sjukdomshistorikk.

    Ønsker du innsyn i kritisk informasjon i kjernejournalen for aldersgruppa 12–16 år? Då må du må be fastlegen til barnet eller annan lege som behandlar barnet om utskrift.

    Her finn du meir informasjon om foreldreansvar og korleis du kan representere barn på Helsenorge.

    Frå 16 år

    Når den du har foreldreansvar for har fylt 16 år, har du ikkje lenger tilgang til helseopplysningane deira. Då må  ungdomen sjølv logge seg inn på Helsenorge, eller gi deg fullmakt.

    Les meir om korleis du brukar Helsenorge frå du er 16 år.

  • Hemmeleg adresse blir ofte kalla «fortruleg adresse» eller «adressesperre».

    Denne tenesta er ikkje tilgjengeleg for personar med fortruleg adresse (kode 7) og strengt fortruleg adresse (kode 6).

    Om du bur på fortruleg eller strengt fortruleg adresse, kan du ikkje bruke Helsenorge på vegner av andre. Andre kan heller ikkje bruke Helsenorge på dine vegner.