Riekti váidit (dárogillii)
Dus lea riekti váidit jus oaivvildat ahte vuoigatvuođaidat eai leat ollašuhtton, dahje ahte don it leat ožžon dearvvašvuođabálvalusaid maid lea gáibádus oažžut.
Illustrašuvdna: Eugenio Marongiu / Johnér Bildbyrå AB
Dárbbuin koordinerejuvvon bálvalusaide oaivvilduvvo ahte lea dárbu ahte fágaolbmot ovttasbarget addin dihte dutnje ollislaš fálaldaga. Árvvoštallamis galgá maiddái fátmmastit dárbbu NAV:a, skuvlla, mánáidgárddi, ja mánáidsuodjalusa bálvalusaide.
Mii lea individuála plána
Individuála plána čilget movt bálvalusat galget ovttasbargat addin dihte dutnje ollislaš čuovvoleami. Plána ráhkadeapmi lea ovttasbargu gaskal du ja du bálvalusaddiid ja ođasmahttojuvvo dađistaga. Plána vuođđun leat du dárbbut ja dat mii dutnje lea dehálaš.
Dehálaš čuoggát plánas leat:
- du mihttomearit
- mii galgá dahkkot
- gean ovddasvástádus lea mii
- goas bálvalusat galget addot
Eará doaibmabijut ja bálvalusat maidda dus lea dárbu fátmmastuvvojit plánii, ovdamearkka dihte NAV, mánáidsuodjalus, láhčin skuvllas ja mánáidsuodjalusas jnv.
Mii lea koordináhtor
Koordináhtor lea olmmoš gii galgá láhčit ahte bálvalusaddit ovttasbarget bures nu ahte don oaččut buori ja koordinerejuvvon čuovvoleami. Koordináhtor fuolaha ahte don fátmmastuvvot čavga bargui iežat individuála plánain. Koordináhtor lea dávjá okta sis geain don oaččut bálvalusaid. Don sáhtát sávvat gean háliidat koordináhtorin.
Gii sáhttá oažžut Individuála plána ja koordináhtora
Don geas lea dárbu olu bálvalusaide dihto áiggi, ja gos bálvalusat fertejit ovttasbargat vai fálaldat šaddá ollislaš ja koordinerejuvvon. Dárbu ii dárbbaš leat bistevaš. Dat guoská beroškeahttá agis ja dahje guđet diagnosat dahje funkšuvdnahástalusat dus leat.
Maid mearkkaša dutnje ahte dus lea individuála plána ja koordináhtor
- Don leat fárus plánemin movt bálvalusat galget addot, ja plána lea vuođđuduvvon du mihttomeriide.
- Dus lea koordináhtor geas lea bajilgovva du dilálašvuođas.
- Don it soaitte oažžut eanet bálvalusaid, muhto don oaččut koordinerejuvvon bálvalusaid. Dat mearkkaša ahte bálvalusat ovttasbarget vai don olahat mihttomeriidat.
- Don mearridat guđiid dieđuid juoga bálvalusaid gaskkas.
Movt sáhtát oažžut individuála plána ja koordináhtora
Fálaldagaid bargit galget juohkit dieđuid ja fállat dutnje individuála plána ja koordináhtora. Don dahje du oapmahaččat sáhttet maiddái ieža dáhttut dan. Don sáhtát váldit oktavuođa koordinerejeaddji ovttadagain iežat gielddas. Don sáhtát oažžut koordináhtora vaikko it siđage individuála plána. Sáhttá ráhkaduvvot individuála plána ja nammaduvvot koordináhtor dušše jus don mieđat dasa. Jus don leat veallamin buhcciidviesus galget sii dieđihit dárbbu individuála plánii ja koordináhtorii koordinerejeaddji ovttadahkii gielddas jus dus leažžá dárbu dasa.
Riekti váidit
Don sáhtát váidit jus oaivvildat ahte du riekti individuála plánii ja koordináhtorii ii leat ollašuhtton.