Dieđihit duođalaš dáhpáhusaid birra dearvvašvuođabálvalusas

Makkár dáhpáhusaid sáhtát dieđihit?

Sáhtát dieđihit dáhpáhusaid mat devdet dáid eavttuid:

• Dáhpáhus dagahii ahte pasieanta dahje geavaheaddji jámii dahje roasmmohuvai hui garrasit.
• Dáhpáhus dáhpáhuvai dearvvašvuođa- ja fuolahusbálvalusaid siskkobealde, dahje eará pasieanta dahje bálvalusgeavaheaddji roasmmuhuhtii nuppi olbmo.
• Dáhpáhus dáhpáhuvai vuorddekeahttá. 

Buot eavttut galget devdojuvvon.

Geasa sáhtát dieđihit?

Dieđáhus jápmima dahje hui duođalaš roasmmehuvvama birra galgá sáddejuvvot: 

• Stáhtahálddašeaddji ja/dahje
• Stáhta guorahallankommišuvdna dearvvašvuođa- ja fuolahusbálvalusaid várás (Statens undersøkelses­kommisjon for helse- og omsorgs­tjenesten (Ukom)) 

Jus leat vásihan boasttuvuođaid dearvvašvuođabálvalusas mii ii guoská jápmimii dahje hui duođalaš vahágii, de sáhtát váldit oktavuođa dainna dearvvašvuođa- ja fuolahusbálvalusain gos ožžot divššu. 

Gávnnat eanet dieđuid siiddus váidin ja buhtadus. Don sáhtát váldit oktavuođa Pasieanta- ja geavaheaddjiáittardeddjiin oažžun dihte veahki ja bagadallama jus leat eahpesihkar. 

Mo dieđihat? 

Don sáhtát dieđihit duođalaš dáhpáhusaid skoviin dás vuolábealde:

Skovvi gáibida ahte leat miehtan ollislaš beassamii Helsenorges. Iežat personsuodjalanválljemiin sáhtát oaidnit makkár miehtama don leat addán, dahje rievdadit miehtama.

It go sáhte geavahit skovi? 

Jus it sáhte deavdit skovi, de sáhtát váldit oktavuođa; 

• Váldde oktavuođa stáhtahálddašeddjiin iežat fylkkas (statsforvalteren.no) 
• Váldde oktavuođa Stáhta guorahallankommišuvnnain dearvvašvuođa- ja fuolahusbálvalusaid várás (Ukom). 

Persondieđuid gieđahallan

Dieđut maid deavddát dieđihanskovvái gieđahallojuvvojit dorvvolaš vugiin ja persondiehtolága mielde. Loga eambbo personsuodjalusa birra Helsenorges.

Mii dáhpáhuvvá go Stáhtahálddašeaddji oažžu dieđiheami?

Stáhtahálddašeaddji árvvoštallá dieđiheami, ja don oaččut reivve mas leat dieđut Stáhtahálddašeaddji árvvoštallama birra.   
 
Stáhta dearvvašvuođabearráigeahču oažžu kopiija dieđiheamis. Dieđut geavahuvvojit Stáhta dearvvašvuođabearráigeahču barggus identifiseret riskasurggiid ja nannet buoridanbarggu dearvvašvuođa- ja fuolahusbálvalusain riikkadásis.

Mii dáhpáhuvvá go Ukom oažžu dieđiheami?

Stáhta guorahallankommišuvdna dearvvašvuođa- ja fuolahusbálvalusaid várás (Ukom) árvvoštallá ja geahčada dieđihemiid maid ožžot. Raporttat addet dehálaš máhtu riskkaid ja duođalaš dáhpáhusaid birra dearvvašvuođa- ja fuolahusbálvalusas. Dieđut geavahuvvojit válljet guđiid dáhpáhusaid dahje fáttáid galgá dutkat. Ukom ii váldde beali siviilarievttálaš dahje ráŋggáštusrievttálaš sivalašvuođa ja ovddasvástádusa ektui.

Ukom váldá duinna oktavuođa jus sii mearridit guorahallat dáhpáhusa maid don leat dieđihan, dahje jus sii dárbbašit eanet dieđuid. 

Sisdoalu leat buvttadan Dearvvašvuođa- ja fuolahusdoaimmahat ja Stáhta guorahallankommišuvdna dearvvašvuođa- ja fuolahusbálvalusaid várás (Ukom).