Vuođđojournála birra

Vuođđojournálas gávdnet dearvvašvuođabargit johtilit deháleamos dearvvašvuođadieđuid du birra. Dát lea erenoamážit ávkkálaš jus fáhkka buohccát.

  • Mii lea vuođđojournála?
  • Dát lea du vuođđojournála sisdoallu
  • Daga registreremiid ieš
  • Geat besset du vuođđojournálii?
  • Guđiid dokumeanttaid sáhttet dearvvašvuođabargit oaidnit du vuođđojournálas?

Mii lea vuođđojournála?

Vuođđojournála lea nationála digitála dearvvašvuođavuogádat, mii juogada dearvvašvuođadieđuid dearvvašvuođaásahusaid rastá. Dearvvašvuođabargit besset oaidnit dearvvašvuođadieđuid du birra beroškeahttá barget go buohcceviesus, fástadoavtterkantuvrras dahje gieldda dikšo- ja fuolahusbálvalusas.

Jus ovdamearkka dihte šattat sisačálihuvvot buohccevissui gos it leat leamaš ovdal, sáhttet dearvvašvuođabargit johtilit geahččat du vuođđojournála ja gávdnat deháleamos dearvvašvuođadieđuid du birra. Dát sáhttá addit dutnje rievttes divššu johtileappot jus don buohccát fáhkka.

Mearkkaš ahte muhtun doavtterfávttat ja gielddat eai leat vel váldán atnui bálvalusa.

Lea Norsk helsenett geas lea ovddasvástádus Vuođđojournálas.

Geas lea vuođđojournála?

Buot bissovaš ássiin Norggas lea vuođđojournála, earret sin geat leat vuosttildan dan.

Mánát ožžot maiddái automáhtalaččat sierra vuođđojournála. Go mánná deavdá 16 jagi, de sáhttá son beassat iežas vuođđojournálii Helsenorges, jus sus lea BankID.

Mii lea erohus vuođđojournálas ja pasieantajournálas?

Vuođđojournála čohkke oasi dehálaš dearvvašvuođadieđuin du birra, mat leat olámuttus buot dikšuide. Pasieantajournála sisttisdoallá dušše dearvvašvuođadieđuid divššuin maid leat ožžon buohcceviesuin.

Loga eambbo pasieantajournála birra

Dát lea du vuođđojournála sisdoallu

Vuođđojournála čohkke dieđuid olu gálduin ja lágida daid dearvvašvuođadieđuid gávdnan láhkái dearvvašvuođabargiide. Don sáhtát maiddái ieš mannat ja iskat leat go dearvvašvuođadieđut riekta.

Du Vuođđojournála sisttisdoallá:

  • Dehálaš dieđut vuođđojournálas leat dieđut du birra mat leat dehálaččat ahte dearvvašvuođabargit dihtet heahtedilis. Dát dearvvašvuođadieđut sáhttet dagahit ahte dearvvašvuođabargit rievdadit válljejuvvon iskkadeami, divššu ja čuovvoleami buohcceviesus.

    Don sáhtát buoridit iežat vuođđojournála go Iskat ahte buot dehálaš dieđut du birra leat registrerejuvvon, ja go lasihat iežat dieđuid buozanvuođahistorihkka birra.

  • Don sáhtát ieš registreret muhtun dieđuid iežat vuođđojournálii. Dieđut maid sáhtát registreret ieš sáhttet leat dieđut du lagamus oapmahaččaid birra, leat go dus earenomáš gulahallandárbbut dahje du buozanvuođahistorihka birra.

    Loga eambbo iežat registreremiid birra vuolábealde.

  • Dearvvašvuođabargit sáhttet oaidnit du boahkuid du vuođđojournálas. Buot ohcamat loggejuvvojit, vai don sáhtát oaidnit goas ohcan dáhpáhuvai ja gii lei.

    Don sáhtát ieš oaidnit guđiid buozanvuođaid vuostá don leat boahkuhuvvon ja goas leat boahkuhuvvon go logget Helsenorgii.

    Loga eambbo boahkuidat birra

  • Don sáhtát ráhkadit digitála donorkoartta iežat vuođđojournálii. Don sáhtát maiddái lasihit ovtta dahje guokte olbmo geat dihtet du mearrádusa orgánadonašuvnna birra. Dát olbmot sáhttet leat bearaš, skihpárat, bargoustibat, fástadoavttir dahje ránnját, ja fertejit leat badjel 18 jagi boarrásat.

    Loga eambbo donorkoartta birra

  • Dán gávnnat don iežat vuođđojournálas:

    • Dálkasiid maid leat ožžon e-reseapttain dahje báberreseapttain norgga apotehkain.
    • Bibmosiid ja golahusmateriálat
    • Listtu du gustovaš reseapttain

    Dán it gávnna iežat vuođđojournálas:

    • Dálkasiid maid leat oasttán reseaptta haga
    • Dálkasiid maid leat ožžon doavtterfávttas, buohcceviesus dahje buhcciidruovttus
    • Dálkasiid maid leat oasttán olgoriikkas
    • Dálkasiid mat gáibidit reseaptta maid leat ožžon apotehkain ovdal go du vuođđojournála ráhkaduvvui

    Loga eambbo boahkuidat birra

  • Dearvvašvuođabargi sáhttet oaidnit iskkusvástádusaid mat gusket koronavirusii ja eará virusiidda ja baktearaide mat sáhttet addit vuoigŋanoalleinfekšuvnna. Buot ohcamat loggejuvvojit, vai don sáhtát oaidnit goas ohcan dáhpáhuvai ja gii lei.

    Don it beasa ieš oaidnit buot iskkusvástádusaid iežat vuođđojournálas, muhto sáhtát ovdamearkka dihte oaidnit koronaiskosa vástádusa go logget sisa.

    Loga eambbo iskkusvástádusaid birra

  • Dearvvašvuođabargit sáhttet oaidnit du journáladokumeanttaid buohcceviesuin. Buot ohcamat loggejuvvojit, vai don sáhtát oaidnit goas ohcan dáhpáhuvai ja gii lei.

    Don it beasa ieš geahččat dokumeanttaid iežat vuođđojournálas, muhto sáhtát oaidnit olu dokumeanttaid buohcceviesuin go logget iežat pasieantajournálii Helsenorges. 

  • Don gávnnat dieđuid iežat oktavuođa birra buohcceviesuin ja spesialistadearvvašvuođabálvalusain iežat vuođđojournálas. Galledanhistorihkka sáhttá maiddái fátmmastit šiehtadusspesialisttaid, nugo ovdamearkka dihte liikespesialisttaid dahje váibmo- ja geahpesspesialisttaid.

    Oktavuođain oaivvilduvvo goas ja gos fitnet iskkademiin ja divššus dearvvašvuođabálvalusas, ovdamearkka dihte buohcceviesus. Dát sáhttet leat poliklinihkalaš galledeamit dahje sisačáliheamit.

    Du galledanhistorihka dieđut leat 01.01.2008 rádjái. Sáhttá gollat njeallje vahku dahje guhkit dan rájes go leat leamaš buohcceviesu dássážii go dieđut dan birra oidnojit du vuođđojournálas.

    Dieđihit boasttuvuođaid galledanhistorihkas

    Ii leat dábálaččat vejolaš rievdadit galledanhistorihka dieđuid vuođđojournálas. Dieđut leat vižžojuvvon Norsk Pasientregisteris. Dieđut oidnojit nugo dikšunbáiki lea raporteren daid.

    Don sáhtát ráddjet dearvvašvuođabargiid beassama du galledanhistorihkkii, ja váhnemiin lea vejolašvuohta giddet beassama máná galledanhistorihkkii.

  • Don sáhtát ieš iskat guđet dearvvašvuođabargit leat rahpan du vuođđojournála.

    Geat leat geahččan dokumeantta loggejuvvo dan buohcceviesus gos dokumeanta lea journálavuogádagas.

    Geahča iežat vuođđojournála geavaheami logga.

    Logga addá álkes bajilgova mas lea beaivi, namma, dáhpáhus ja duogáš manne vuođđojournála rahppojuvvui.

    Don sáhtát maiddái oaidnit jus dearvvašvuođabargi lea rahpan du vuođđojournála ja geahččan du pasieantajournála dokumeanttaid. Don it oainne guđet dokumeanttat leat rahppojuvvon.

    Sáhttá leat maŋŋonan vahku ovdal go oidno gii lea rahpan du vuođđojournála.

Daga registreremiid ieš

Go ieš registreret dehálaš dearvvašvuođadieđuid iežat vuođđojournálii, de ožžot dearvvašvuođabargit eanet dievaslaš gova dus ja du dearvvašvuođas. Dát sáhttá leat dehálaš jus buohccát fáhkka.

Dieđut maid sáhtát ieš registreret leat:

Geat besset du vuođđojournálii?

Go don oaččut dearvvašvuođaveahki registrerejuvvojit dieđut du dearvvašvuođa ja divššu birra pasieantajournálii dan báikkis gos oaččut divššu?

Buohcceviesu pasieantajournála dokumeanttaid sáhttá juogadit earáiguin vuođđojournála bokte. Dát mearkkaša ahte jus don maŋŋel oaččut divššu eará báikkis, de leat pasieantajournála dokumeanttat gávdnamis du vuođđojournálas. Lea iešguđetge buohcceviessu mii mearrida guđiid dokumeanttaid sáhttá juogadit.

Leat dušše autoriserejuvvon dearvvašvuođabargit geat besset rahpat du vuođđojournála go don leat divššus. Sii sáhttet maiddái rahpat dan go plánejit du divššu.

Dearvvašvuođabargiin leat dieđut du birra olámuttus juogo njuolga portála vuođđojournálas, dahje go go ožžot dieđuid fágavuogádahkii.

Don oainnát dieđuid addima birra «Geavaheami logga» vuolde go leat loggejuvvon iežat vuođđojournálii Helsenorges.

Don sáhtát ieš ráddjet gii beassá vuođđojournálii.

Don sáhtát ieš ráddjet guđe láhkái du vuođđojournála galgá geavahit ja gii beassá oaidnit du dearvvašvuođadieđuid.

Go logget sisa sáhtát don:

  • Sihkkut beassama vuođđojournálii Helsenorges.
  • Vuosttildit ahte dus dahje du mánás lea vuođđojournála.
  • Heaittihit vuosttildeami ja ođđasit rahpat beassama (ovdal 30 beaivvi leat gollan)
  • Giddet dihto dearvvašvuođabargi beassama.
  • Giddet buot dearvvašvuođabargiid beassamis iežat bajilgovvii galledemiin buohcceviesuin ja spesialisttaid luhtte
  • Ráddjet olles vuođđojournála dahje osiid vuođđojournálas buot dearvvašvuođabargiin
  • Oažžut dieđu go dearvvašvuođabargit leat rahpan dahje rievdadan du vuođđojournála.

Háliidat go baicca deavdit báberskovi?

Jus háliidat rievdadit gii beassá du vuođđojournálii ja it sáhte dahkat sisaloggema bokte, sáhtát don deavdit báberskovi.

Don gávnnat vuođđojournála rievdadanskovi dás

Guđiid dokumeanttaid sáhttet dearvvašvuođabargit oaidnit du vuođđojournálas?

Dearvvašvuođabargit sáhttet maiddái oaidnit du vuođđojournála maŋás guvlui áiggis.

  • Epikriissat ja čoahkkáigeasut: Oanehis čilgehusat ovdamearkka dihte dearvvašvuođastáhtusis,, divššus ja iskkadeamis (rájeheamit maŋás áiggis otnáža rájes, mii mearkkaš dan beaivvi rájes go dearvvašvuođabargit mannet vuođđojournálii ja vižžet du dokumeanttaid)
  • Rádiologiijačilgehusat: ovdamearkka dihte røntgen, MR, CT ja PET (vihta jagi maŋás otná beaivvi rájes)
  • Čujuhusat (jagi maŋás otná beaivvi rájes)
  • Iskkusvástádusaid (jagi maŋás otná beaivvi rájes)

Sisdoalu lea almmuhan Norsk helsenett

Norsk helsenett. Vuođđojournála birra. [Interneahtta]. Oslo: Dearvvašvuođadirektoráhta; ođasmahtton 2022 juovlamánnu 19, vuossárga [vižžon 2024 juovlamánnu 11, gaskavahkku]. Oažžumis dáppe: https://www.helsenorge.no/se/tjeneste-kjernejournal/om-kjernejournal/

Maŋimusat ođastuvvon 2022 juovlamánnu 19, vuossárga