Veahkki hálddašit váttuid maŋŋá covid-19
Dán gihppagis gávnnat rávvagiid ja hárjehallamiid mat sáhttet leat ávkin daid dábáleamos váttuide maid lea ožžon maŋŋá covid-19.
Lossat vuoigŋat
Lea dábálaš vásihit váttisvuođaid vuoigŋamiin maŋŋágo lea buohcan covid-19:in. Sivvan dasa sáhttá leat ahte leat massán givrodaga ja sávrivuođa go ledjet buozas, ja dávda iešalddis. Dán videos oainnát mo lihkadit ja makkár hárjehusat sáhttet leat buori vuoigŋamii.
Jietnaváttisvuođat
Covid-19 sáhttá dagahit váttuid nu go čottabákčasa, gosahaga ja ahte ii leat jietna. Videos dás vuolábealde oaččut buriid rávvagiid jietnaváttisvuođaide.
Hárjehallan maŋŋá buozalmasvuođa
Hárjehallan lea ávkin máŋgga váddui maid vásihat maŋŋá covid-19. Videos vuolábealde oaččut rávvagiid ja hárjehusaid mat dahket álkibun boahtit johtui.
Borran, juhkan ja njiellan
Ii leat eahpedábálaš ahte leat váttisvuođat njiellat borramuša ja juhkamuša maŋŋá covid-19. Videos dás vuolábealde leat tipsat ja teknihkat mat sáhttet leat ávkkálaččat go leat váttisvuođat njiellamiin.
Beaivválaš doaimmat
Lea dehálaš doaimmahišgoahtit dađi mielde go veadjigoađát buoret. Dán videos mii čájehat mo don sáhtát dahkat.
Konsentrašuvdna ja muitu
Ii leat eahpedábálaš ahte šaddet váttisvuođat muittuin ja konsentrašuvnnain maŋŋá covid-19. Dát gohčoduvvo muhtumin “vuoiŋŋašskoaddun”. Jus vásihat dán, sáhttet doaibmabijut videos dás vuolábealde leat ávkkálaččat.