Páhkkamannolat ruoktu borasdávdapasieanttaide

Čuovvoleapmi go lea ožžon borasdávdadiagnosa 

Buohkat geat ožžot borasdávdadiagnosa váldojit fárrui páhkkamannolaga ruktui borasdávdapasieanttaide. Páhkkamannolagas fállojit ságastallamat mat galget buktit ovdan du bálvalus- ja čuovvolandárbbuid, mii ii gula iešalddis borasdávdadikšumii. Guovddážis galgá leat du eallindilli, ja mii lea dehálaš dutnje.

Mihttun lea ahte vásihat bures organiserejuvvon ja diehttevaš mannolaga heivehuvvon du čuovvuleapmadárbbuide. Páhkkamannolat ruoktu borasdávdapasieanttaide galgá dán dahkat ságastallanfálaldaga bokte, mas kártet du dárbbuid dikšunáigodaga iešguđet áigemuttuin.

Makkár sisdoallu lea páhkkamannolagas?

Golmma háve lea ovttasdoaibman páhkkamannolagas gos oaččut ságastallanfálaldaga mas kártet du dárbbuid. Ságastallamat leat dárbbuid birra mat eai guoská borasdávdadikšumii.

Dat geat galget čuovvolit du ožžot dieđu jus dárbbašat čuovvoleami. Soaitá leahkit dárbu dialogii gaskal dearvvašvuođabálvalusa ja eará bálvalusaid, nugo ovdamearkka dihte NAVa bargo- ja čálgobálvalusaiguin.

Oaččut ságastallanfálaldaga:

• Buohcciviesus maŋŋel go oaččut borasdávdadiagnosa  
• Suohkanis su. 3-4 mánu maŋŋel go ožžot borasdávdadiagnosa
• Suohkanis su. 12-18 mánu maŋŋel go ožžot borasdávdadiagnosa

Du dilli, ja dáhttu ja vejolašvuohta čađahit ságastallama galgá vuhtiiváldot.

Jus háliidat, de sáhtát váldit mielde oapmahačča dahje ustiba ságastallamii.

Ságastallamiid čađaha doavttir, buohccidivššár, sosionoma, borasdávdakoordináhtora dahje eará dearvvašvuođabargi.

Áigeguovdilis fáttát ságastallamiin:

• Bearašdilli ja fierpmádat
• Bargu, skuvla ja oahppu
• Ekonomiija ja orrundilli
• Ruovttus veahkki ja heiveheapmi
• Návccaiduhttin
• Fysalaš aktivitehta ja fysalaš funkšuvdna
• Biebmodilli, biebmu ja borran
• Iežat dearvvašvuođa fuolaheapmi
• Iežat resurssat, oahppan ja hálddašeapmi
• Astoáigi ja sosiála aktivitehtat
• Psyhkalaš dearvvašvuohta
• Seksuála dearvvašvuohta
• Njálbme- ja bátnedikšu

Man birra ságastallamis hupmabeahtti lea du eallindili duohken ja dan duohken man birra háliidat hupmat. Dárbokárten galgá veahkehit du dárbbuid oažžut oidnosii.

Páhkkamannolaga loahpaheapmi

Maŋemus ovttasdoaibman páhkkamannolagas lea 12-18 mánu maŋŋel go leat ožžon borasdávdadiagnosa. Dat ii mearkkaš ahte čuovvoleapmi loahpahuvvo. Heivehuvvo viidáset čuovvoleapmi buohcciviesus, fástadoaktáris ja/dahje eará suohkanlašbálvalusas du dárbbuid ektui.

Páhkkamannolaga gávnnat dearvvašvuođadirektoráhta neahttasiiddus.