Akutt medisinsk hjelp 113
Tror du at tilstanden er farlig eller lett kan bli det, skal du straks ringe medisinsk nødtelefon 113.
Enkel test for å avsløre hjerneslag
Symptoma på hjerneslag oppstår plutseleg. Ein enkelt test kan redde liv. Dersom du mistenker hjerneslag, kan du spørje den det gjeld om å gjere dette:
- PRATE – prøv å seie ei enkel samanhengande setning.
- SMILE – prøv å smile, le eller vise tennene.
- LØFTE – prøv å løfte begge armane.
Ring 113 så fort som mogleg dersom personen har problem med å gjennomføre nokon av desse tinga. Det er viktig å komme raskt til sjukehus for å unngå skadar. Kvart minutt tel.
Symptom på hjerneslag
Symptoma på hjerneslag kan variere. Dei vanlegaste symptoma er
- lamming i den eine sida av ansiktet eller kroppen
- språkforstyrringar
Ein kan òg oppleve å få lett svekking i ei hand eller ein arm, kraftig hovudverk, synsproblem eller svimmelheit.
